Հայ և հրեա ժողովուրդների եղեռնի զոհերի պղծված հուշարձանը վերականգվել է

Երևանի Օղակաձև զբոսայգում գտնվող հայ և հրեա ժողովուրդների եղեռնի զոհերի հիշատակը հավերժացնող հուշարձանի մոտ այսօր կազմակերպված հանդիսավոր արարողության նպատակը ևս մեկ անգամ կոթողի խորհուրդը վերաարժևորելն էր. տեղեկացնում են Երևանի քաղաքապետարանից:

Միջոցառմանը ներկա էին Երևանի կենտրոն վարչական շրջանի ղեկավար Ավետ Պողոսյանը,Հայաստանի հրեական համայնքի նախագահ Ռիմա Վարժապետյան-Ֆելլերը, համայնքի այլ ներկայացուցիչներ: Հարկ է նշել, որ վերջերս անհայտ անձինք պղծել էին հուշարձանը: Կենտրոն վարչական շրջանի աշխատակազմի ուժերով այն արագորեն մաքրվել էր և բերվել նախկին տեսքի:

«Այս հուշարձանը միավորում է զրկանքներ կրած երկու ժողովուրդների, և մենք, որպես այդ ժողովուրդների ներկայացուցիչներ, պետք է ամեն ինչ անենք, որ այդ արհավիրքն այլևս երբեք չկրկնվի: Հայաստանը բաց է ազգային բոլոր փոքրամասնությունների համար, և ես ևս մեկ անգամ հավաստում եմ մեր բարեկամությունը հրեա ժողովրդի հետ»,- նշել է Կենտրոն վարչական շրջանի ղեկավար Ավետ Պողոսյանը:

Հայաստանի հրեական համայնքի նախագահ Ռիմա Վարժապետյան-Ֆելլերն էլ իր հերթին շնորհակալություն է հայտնել քաղաքային իշխանությանը՝ արատավոր այդ երևույթը դատապարտելու և խնդրին արագորեն արձագանքելու համար: Ներկաները ծաղիկներ են խոնարհել հուշարձանին և հարգանքի տուրք մատուցել հայ և հրեա ժողովուրդների եղեռնի զոհերի հիշատակին:

Այս թեմայով Հողազավթված հանրային տարածքները փուլ առ փուլ վերադարձվելու են երևանցիներին. Երևանի քաղաքապետարան Արամի 54 հասցեում գտնվող հուշարձան-շենքը կվերականգնվի. Այն նախատեսվում է ավարտել 2 տարում Արտաշատի պատմական հուշարձան-համալիրի մոտ գոլֆի ակումբ, ակադեմիա եւ հանգստյան գոտի կկառուցվի Հիշեցնեմ՝ կան պատժի միջոցներ, երբ հուշարձան շենքերը մասնավորները չեն պահպանում. Ավինյան Ադրբեջանը ոչնչացրել է Հայրենական պատերազմի զոհերի հիշատակին նվիրված հուշարձան. կլինի՞ որևէ արձագանք. Ալեն Սիմոնյան ՀՀ-ում Մեծ Բրիտանիայի գործերի ժամանակավոր հավատարմատարը ծաղկեպսակ է դրել Անհայտ զինվորի հուշարձանին Ֆրանսիական Կուրբըվուա քաղաքում Հայոց ցեղասպանության զոհերի հիշատակը հավերժացնող հուշարձան կտեղադրվի Ինչ ծառատեսակներով կփոխարինվեն Ուլնեցի փողոցի ծառերը Երևանի քաղաքապետարանի՝ բերման ենթարկված բարձրաստիճան պաշտոնյաներն ազատ են արձակվել. Հայկական ժամանակ Երևանի քաղաքապետարանի հերթական բարձրաստիճան պաշտոնյան է բերման ենթարկվել․ ՀԺ