Հորդորում ենք բոլոր կողմերին՝ չանցնել կարմիր գծերը, ճգնաժամը լուծել քաղաքական բանակցությունների միջոցով. ՌԱԿ

Տևական ժամանակ է Հայաստանի Հանրապետությունը գտնվում է հետպատերազմյան ծանր ներքաղաքական ճգնաժամի ճիրաններում. ամենատարբեր ձևաչափի քաղաքական, հասարակական և պետական կառույցների կողմից կատարվող, երբեմն իրարամերժ քաղաքական բնույթի հայտարարություններն է՛լ ավելի են խորացնում առկա ճգնաժամը և ստեղծում գերլարված քաղաքական իրավիճակ, որը հղի է անկանխատեսելի զարգացումներով՝ ընդհուպ քաղաքացիական պատերազմի բռնկումը՝ վտանգելով մեր պետականության հիմքերը: Այս մասին հայտարարություն է տարածել Ռամկավար ազատական կուսակցությունը:

Հայտարարության մեջ նաեւ ասվում է.

«Ակնառու է, որ այս իրավիճակում ներկա իշխանությունները, որոնք դիվանագիտական և ռազմական պարտության մեջ ունեցան օբյեկտիվ և սուբյեկտիվ ձախողումներ, արդեն տևական ժամանակ է, չեն կարողանում հանգուցալուծել ստեղծված քաղաքական ճգնաժամը, և հետևաբար չեն կարող շարունակել երկիրը կառավարել մինչև իրենց գործունեության օրինական ժամկետի ավարտը:

Ռամկավար Ազատական կուսակցությունը, բացառելով իշխանափոխության հակասահմանադրական ճանապարհը, կոչ է անում վերջ տալ ներքին թշնամանքին, ջուր չլցնել արտաքին թշնամիների ջրաղացին, այլ համախմբվել ու մեր առաջ ծառացած ճգնաժամը լուծել միայն ու միայն սահմանադրական ճանապարհով, քաղաքական քննարկումների միջոցով, համազգային համերաշխության պայմաններում՝ զերծ պահելով մեր ժողովրդին ազգակործան ցնցումներից:

Ելնելով այս ծանր կացությունից՝ Ռամկավար Ազատական Կուսակցությունը հորդորում է բոլոր կողմերին՝ չանցնել կարմիր գծերը, հանդես բերել զսպվածություն, ճգնաժամը լուծել բոլոր կողմերի հետ քաղաքական բանակցությունների միջոցով, քանզի գլխավորը մեր երկրի ներքին ու արտաքին անվտանգությունն է:

Ստեղծված քաղաքական, սոցիալական անկայուն իրավիճակի թիվ մեկ պատասխանատուն գործող կառավարությունն է և երկրի վարչապետը, ուստի պահանջում ենք կառավարության և վարչապետի հրաժարականը և սահմանադրական ճանապարհով խորհրդարանական արտահերթ ընտրությունների անցկացում, որը միաժամանակ կդառնա յուրօրինակ վստահության հանրաքվե և կարտահայտի ժողովրդի համամասնական կարծիքը քաղաքական տարբեր ուժերի հանդեպ:

Աստված պահապա՛ն Հայաստանին, Արցախին և ողջ հայ ժողովրդին:

Այս թեմայով Քանի քաղաքական ուժ և կազմակերպություն է սատարում Սամվել Վարդանյանին Սամվել Վարդանյանի նկատմամբ դաժան խոշտանգումը անձամբ ՔՊ ղեկավարի քաղաքական պատվերի արդյունք է․ հայտարարություն Ինչու դեռ հարցաքննված չեն զույգով միզող ոստիկանները, առգրավված չեն նրանց միզուղու մոտակայքի բոլոր տեսախցիկներն ու ձայնագրությունները, առգրավված-զննված չեն նրանց հեռախոսները, ավտոմեքենան եւ ինչու քրգործ հարուցված չէ. փաստաբան Երվանդ Վարոսյան ՀՀ-ի ճանաչված սահմանները Իրանի համար կարմիր գիծ են. դեսպան ԱԺ-ն մեկ րոպե լռությամբ հարգեց ցեղասպանության ենթարկված բոլոր ժողովուրդների զոհերի հիշատակը Վաղը բոլոր ցանկացողները կարող են մասնակցել «Հայաստան» խմբակցության պատգամավորների հետ հանդիպմանը Բացառիկ կադրեր. «Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը Ղազախստանը պատրաստ է հարթակ տրամադրել Հայաստանի և Ադրբեջանի միջև բանակցությունների համար․ Տոկաև ԵԱՏՄ-ն տնտեսական միավորում է՝ առանց որևէ քաղաքական և, հատկապես, աշխարհաքաղաքական օրակարգի «Նարեկ Սամսոնյանի և Վազգեն Սաղաթելյանի կարգավիճակը բավարարում է ոչ միայն քաղաքական բանտարկյալի, այլև խղճի բանտարկյալի չափանիշներին». «Փաստ»