ԱՄՆ-ն երբեք չի ճանաչի Ղրիմը՝ որպես ռուսական տարածք․ Բայդեն

ԱՄՆ նախագահ Ջո Բայդենը հայտարարել է, որ ԱՄՆ-ը երբեք չի ճանաչի Ղրիմը՝ որպես ռուսական տարածք։ Վաշինգտոնը կշարունակի աշխատել Ռուսաստանին պատասխանատվության ենթարկելու ուղղությամբ Ուկրաինայում «ագրեսիայի» համար:
«Մենք կրկնում ենք մի պարզ ճշմարտություն. Ղրիմը Ուկրաինա է։ ԱՄՆ-ը չի ճանաչում և չի ճանաչի թերակղզու, այսպես կոչված, բռնակցումը Ռուսաստանի կողմից, և մենք, Ուկրաինայի հետ միասին, աշխատելու ենք Ռուսաստանի ագրեսիվ գործողությունների դեմ և աշխատելու ենք Ռուսաստանին պատասխանատվության ենթարկելու ուղղությամբ Ուկրաինայում իր չարաշահումների և ագրեսիայի համար», - ասված է Սպիտակ տան կայքում տարածված հայտարարության մեջ: Ըստ ԱՄՆ նախագահի՝ Ռուսաստանը յոթ տարի առաջ Ղրիմի բռնակցմամբ «խախտել է միջազգային իրավունքը, նորմերը, որոնցով ժամանակակից երկրները փոխգործակցում են միմյանց հետ, ինչպես նաև խախտել է հարևան Ուկրաինայի ինքնիշխանությունն ու տարածքային ամբողջականությունը»: Ռուսաստանի արտաքին գործերի նախարարությունն իր հերթին բազմիցս հայտարարել է, որ Ռուսաստանը անում է այն ամենը, ինչը համապատասխանում է միջազգային իրավունքին, ՄԱԿ-ի կանոնադրությանը, հարգում է ցանկացած ազգի`իր ճակատագիրը որոշելու իրավունքը։ «Դա վերաբերում է ազգային փոքրամասնությունների իրավունքներին` լինի դա Ղրիմում, թե այլուր»,֊հավելում է ՌԴ ԱԳՆ֊ն: Իսկ ՌԴ ԱԳՆ պաշտոնական ներկայացուցիչ Մարիա Զախարովան ուրբաթ օրը իր ելույթում ասաց, որ Մոսկվան միշտ պատրաստ է ընդունելու Ղրիմում մարդու իրավունքների ոլորտում ցանկացած միջազգային վերահսկման մեխանիզմ:

Այս թեմայով Հորեղբորս մարմինը այդպես էլ չգտնվեց՝ Նոր Գվինեայի մարդակերների պատճառով. Բայդեն Որքան եկամուտ են ունեցել Բայդեն ամուսինները անցած՝ 2023 թվականին Բայդենը նախատեսվածից շուտ վերադարձել է Սպիտակ տուն՝ Մերձավոր Արևելքում տիրող իրավիճակի պատճառով Բայդենը կոչ է արել Իրանին չհարձակվել Իսրայելի վրա ՆԱՏՕ-ի փլուզումն աղետ կլինի ամբողջ աշխարհի համար. Բայդեն Վաշինգտոնը ցանկացած օգնություն կտրամադրի Իսրայելին՝ հետ մղելու Իրանի սպառնալիքները. Բայդեն Գազայում Նեթանյահուի մոտեցումը սխալ է. Բայդեն 81-ամյա Բայդենը հայտարարել է, որ 77–ամյա Թրամփը «մի փոքր ծեր է» Բայդենը սպառնացել է Ռուսաստանին Բայդենը մեկնաբանել է Բալթիմորում տեղի ունեցած միջադեպը