Մահվան ելքով վրաերթի հեղինակը «Ռիո Մոլ»-ի տնօրենն է, մահացածը՝ «Արցախ» երգի բառերի հեղինակը

Երեկ Բաղրամյան պողոտայում տեղի ունեցած վրաերթի հետևանքով կյանքից հեռացել է 35-ամյա Սոսի Խանիկյանը, որը հեղինակել է հայկական շոուբիզնեսի մի շարք հայտնի ու սիրված երգերի խոսքերը։ Նա է գրել Սևակ Խանաղյանի «Արցախ» երգի բառերը, հեղինակն է նաև Շպռոտ-ի «Եղիր Ազատ», Էմմիի «Boom-Boom» երգերի խոսքերը։ 

Նշենք, որ մարտի 1-ին, ժամը 20:20 սահմաններում Երևանի բնակիչ, 31-ամյա Տիգրան Բոշյանը, իր վարած Mercedes Տ400 մակնիշի 11 ՍՍ 071 համարանիշի ավտոմեքենայով Բաղրամյան պողոտայում՝ նախկին Կամոյի դպրոցի հարևանությամբ, վրաերթի էր ենթարկել 35-ամյա կնոջ: Վարորդը ահազանգել էր Երևանի  1-03 շտապօգնություն և վիրավորին տեղափոխել «Արմենիա» բժշկական կենտրոն: Սակայն, ավելի ուշ հայտնի դարձավ, որ Սոսի Խանիկյանը, գիտակցութան չգալով, մահացել է։

Ըստ տեղեկությունների՝ վրաերթ կատարած Տիգրան Բոշյանը «Ռիո Մոլ»-ի տնօրենն է, իսկ մահացած Սոսի Խանիկյանը աշխատում էր «Գալաքսի» ընկերությունների խմբում՝ որպես բովանդակության և ստեղծարար ծրագրերի ղեկավար, ուներ ընդդիմադիր հայացքներ և հաճախ էր ներքաղաքական թեմաներով գրառումներ կատարում սոցիալական ցանցերում։

Այս թեմայով «VAZ»–ը արգելափակվել էր Վեդի գետում․ օգնության են հասել փրկարարները (տեսանյութ) Մահացել է «Իզվեստիայի» ռազմական թղթակիցը Արցախի Քարինտակ գյուղը Ադրբեջանը լիովին ջնջել է հողի վրայից Մահացել է ԵԱՀԿ ՄԽ ՌԴ առաջին համանախագահ Վլադիմիր Կազիմիրովը Ուկրաինան կարող է կապիտուլյացիայի ենթարկվել մինչև տարեվերջ. ԿՀՎ տնօրեն Երևանում 25-ամյա վարորդը «Hyundai»-ով վրաերթի է ենթարկել հետիոտնին․ նա տեղում մահացել Մահվան ելքով վրաերթ՝ Երևանում․ փախուստի դիմած վարորդը հայտնաբերվել է Ադրբեջանը քանդել է օկուպացված Շուշիի «Կանաչ ժամ» եկեղեցին ԵՄ–ում արձագանքել են Արցախից ռուս խաղաղապահների վաղաժամ հեռանալուն Նոր Երզնկայում ավտոբուսը բախվել է քարե պարսպին և հայտնվել բնակչի բակում․ 29 մարդ հոսպիտալացվել է