Մենք անձերի փոփոխության մեխանիզմին չենք հավատում․ Երրորդ ուժի տանողը լինելու է գաղափարը․ Արշակ Զաքարյան

«Երրորդ ուժի ձևավորումն ընթացքի մեջ է։ Այնտեղ ընդգրկված են լինելու մարդիկ, որոնք երբևէ կապ չեն ունեցել երկրի կառավարման, իշխանությունների հետ և չկան հայտնի կուսակցություններում։ Լինելու է նոր ուժ, նոր ծրագրով, համակարգային փոփոխություններով, որովհետև մենք անձերի փոփոխության մեխանիզմին չենք հավատում։ Երրորդ ուժի տանողը լինելու է գաղափարը, ոչ թե այս կամ այն անձով պայմանավորված, ինչպես մի քանի կուսակցությունների դեպքում է և վերջինիս լինել-չլինելը պայմանավորված է կոնկրետ անձով։ Այնտեղ գտնվող անձերը լինելու են ծրագիր իրականացնողներ, ոչ թե սեփականատերեր»,- այս մասին ԼՈՒՐԵՐ․com-ի հետ զրույցում ասաց «Հայոց ազգային գվարդիա» Հ/Կ-ի ղեկավար, ռեժիսոր Արշակ Զարքարյանը՝ խոսելով «Թովմասյան» հիմնադրամի ղեկավար, գործարար Արտակ Թովմասյանի երեկ արված հայտարարության մասին, ըստ որի՝ վերջինս նախ նշեց նոր ուժի մասին, ապա խորհրդարանական ուժերին մինչև այսօր ժամը 18։00-ն ժամանակ տվեց, որպեսզի կարողանան լուծել երկրի առաջ ծառացած խնդիրները և առաջարկել վարչապետի նոր թեկնածուին։ 

Նա նշեց, որ հաճույքով միանում է այդ հայտարարությանը․ «Երկրում ճգնաժամային իրավիճակ է, իրենք նստած հարկային օրենքներից են խոսում։ Երկրի կառավարությունը, որը պատասխանատու է այս իրավիճակի համար միտինգներ ու շոուներ է կազմակերպում։ Իրենք այդպես էլ չհասկացան, որ երկրի կառավարումն իրենց է հանձնված ու թեև մանդատներն իրենց ձեռքերում են,իրենք ընդդիմադիր են հոգով, իրենց գործունեությունը դեմ է հայ ազգին ու հայ պետականությանը»,- նշեց նա։ 

Զաքարյանը հույս հայտնեց, որ խորհրդարանական ուժերը խելամիտ որոշում կկայացնեն, ինչը չկարողացավ ասել իշխող ուժի մասին․ «Իմքայլականների հետ որևէ հույս չեմ կապում՝ տեսնելով իրենց 3 տարվա գործունեութունը։ Իշխող ուժը ինձ համար մեկ անձն է բաղդատված 88 մասնիկի, այս մարդիկ իրենց շեֆի կամակատարներն են, եթե ասաց՝ մածունը սև է, ուրեմն բոլորի համար այդպես է»,- ասաց նա։ 

Հարցին՝ արդյոք ընդդիմության հավաքները կստիպե՞ն Նիկոլ Փաշինյանին հրաժարական տալ, Զաքարյանը պատասխանեց․ «Ընդդիմադիր բոլոր ուժերի առաջնային նպատակը մեկն է՝ այսօրվա անգրագետ, ապիկար ու կործանիչ իշխանությունների հեռացումը։ Սակայն քաղաքական պայքարում՝ երկրի զարգացման տեսլականի, ճգնաժամի վերացման հարցում, կարող են լինել անհամաձայնություններ, ինչը բնական է։ Եթե քաղաքական պայքարում չլինեն տարաձայնություններ, ապա դա կնշանակի, որ կլինի մեռյալ, մեկի կողմից թելադրվող շարժում։ Ե՛վ «Հայոց ազգային գվարդիա»-ն, և՛ «Հայահավաք» շարժումը, և′ բոլորը, որոնք միացել են այդ շարժմանը, ուղղակի քաղաքացիներ են, որոնք մասնակցում ենք բոլոր ակցիաներին։ Արդեն ձևավորվում է երրորդ ուժ, որտեղ մարդիկ կուսակցական հրահանգներով չեն գնում։ «Հայրենիքի փրկության շարժման» հանրահավաքներին ևս հրահանգով գնացողներ չկան, թեկուզև կուսակցականներ են կազմակերպիչները։ Այստեղ հավաքվում է գիտակից զանգվածը։ Իսկ երեկ հրապարակում հավաքվածները անգիտակից մարդիկ էին․ մեկը ասում էր՝ Նիկոլի ատամները սարքած չի, դրա համար է գնացել, մյուսը գնացել էր, որովհետև իր և Նիկոլի որդու ծնունդը նույն օրն է։ Հիմա համեմատեք Բաղրամյանում և հրապարակում հավաքված մարդկանց։ Բաղրամյանում գաղափարի, հայրենիքի փրկության շուրջ են հավաքված, իսկ հրապարակ գնացել էին ավտոբուսներով, վարչական ռեսուրսի գործադրմամբ։ Սակայն ավտոբուսներով հրապարակ տարված մարդկանց գիտակից զանգվածը քայլելով գալիս էր Բաղրամյան»,- ասաց Զաքարյանը։ 

Ըստ նրա՝ երկրում համակարգային փոփոխություն տեղի չի ունեցել, պարզապես նորերը եկել, յուրացրել են հին համակարգը և եթե նախկինում փորձառու, դիվանագետ մարդիկ էին աշխատում, ապա այժմ կոռուպցիային և մյուս երևույթներին գումարվել են անգրագիտութունը, արկածախնդրությունը, անմեղսունակությունը, ինչը երկիրը տանում է կործանման։

По теме Во дворе церкви Святых Ангелов на пожертвование семьи Иосифа Кобзона был открыт родник (видео, фото) Международный фонд «Товмасян» создаст лабораторию «Армат» в 143-й школе Фонд «Товмасян» организовал футбольный турнир, посвященный 60-летию полковника Вардана Петросяна Станислав Зась по приглашению Артака Товмасяна посетил «Парк вечных» и посадил дерево Фонд «Товмасян». Состоялась премьера мюзикла «Хранители мечты» Фонд «Товмасян» направит на благотворительность средства от рождественской ярмарки Память о героях вечна: фонд «Товмасян» построил церковь Святых Ангелов и «Парк вечности» Парк «Вечности» будет иметь форму символа вечности, а также застекленную церковь. Артак Товмасян Благословение и передача крестов Ашота Железного под покровительством Фонда "Товмасян" А. Товмасян: Мы будем «группой давления» для следующего правительства