Ամերիկյան կողմը ջանքեր է գործադրում նպաստելու հայ ռազմագերիների վերադարձին. Լին Թրեյսի

ՀՀ Ազգային ժողովի նախագահ Արարատ Միրզոյանը հանդիպեց Հայաստանում ԱՄՆ դեսպան Լին Մ. Թրեյսիին եւ Հայաստանում ԱՄՆ զարգացման ծրագրի գործակալության ղեկավար Դեւիդ Հոֆմանին:

Ողջունելով դեսպանին՝ Արարատ Միրզոյանը ներկայացրեց կրակի դադարեցման մասին եռակողմ հայտարարության ընդունումից հետո ստեղծված իրավիճակը եւ ընդգծեց՝ ռազմագերիների եւ գերեվարված անձանց հայրենիք վերադարձի խնդիրն առաջնային կարեւորություն ունի հայկական կողմի համար: Խորհրդարանի խոսնակը հույս հայտնեց, որ Միացյալ Նահանգներն առավել ակտիվորեն կներգրավվեն այս խնդրի շուտափույթ կարգավորման գործում: Միրզոյանը նաեւ ընդգծեց, որ արցախյան հիմնախնդիրը չի կարելի կարգավորված համարել, քանի դեռ չի լուծվել Լեռնային Ղարաբաղի կարգավիճակի հարցը՝ հիմնված ազգերի ինքնորոշման սկզբունքի վրա:

Դեսպան Թրեյսին իր հերթին նշեց, որ ամերիկյան կողմը ջանքեր է գործադրում նպաստելու հայ ռազմագերիների վերադարձին:

ԱՄՆԶԾ ղեկավար Դեւիդ Հոֆմանը Ազգային ժողովի նախագահին ներկայացրեց գործակալության ծրագրերը տարբեր ոլորտներում՝ անդրադարձ կատարելով խորհրդարանի աշխատանքներին եւ խորհրդարանի կարողությունների զարգացմանն ուղղված ծրագրերին:

Կողմերը զրույցի ընթացքում քննարկեցին հայ-ամերիկյան ընդհանուր օրակարգին վերաբերող հարցեր, ինչպես նաեւ երկուստեք ընդգծեցին Հայաստանում ներքաղաքական իրավիճակի լիցքաթափման կարեւորությունը:

Այս թեմայով Լին Թրեյսին կանչվել է ՌԴ ԱԳՆ ԱՄՆ-Ռուսաստան հարաբերությունները գտնվում են ամենացածր կետերից մեկում․ Լին Թրեյսի Մոսկվայում ցուցարարները հարձակվել են ԱՄՆ դեսպան Լին Թրեյսիի վրա (տեսանյութ) Զախարովան Լին Թրեյսիին առաջարկել է այցելել Մոսկվայի հայկական ռեստորաններ՝ «հիշողությունները թարմացնելու» համար ԱՄՆ-ում սխալ են համարել Լին Թրեյսիի նշանակումը Ռուսաստանում նոր դեսպանի պաշտոնում Լին Թրեյսին՝ Ռուսաստանում ԱՄՆ դեսպան «Կշարունակենք աշխատել Հարավային Կովկասում խաղաղության հասնելու ուղղությամբ»․ ՀՀ-ում ԱՄՆ դեսպան Բայդենը Լին Թրեյսիին կառաջադրի Ռուսաստանում ԱՄՆ դեսպանի պաշտոնում Բայդենը ՌԴ-ում դեսպանի պաշտոնում նախատեսում է առաջադրել ՀՀ-ում ԱՄՆ դեսպան Լին Թրեյսիի թեկնածությունը ԼԳԲՏՔԻ+ անձանց Փրայդ ամսվա առիթով կազմակերպված ընդունելությանը մասնակցել են ՀՀ-ում ԱՄՆ, ԵՄ և Ֆրանսիայի դեսպանները