Ոստիկանության աշխատակիցները բո՞ւնտ են արել․ հրաժարվել են մասնակցել հավաքներին

ԼՈՒՐԵՐ․com-ի տեղեկություններով՝ ոստիկանությունում խուճապային տրամադրություններ են․ աշխատակիցները բունտ են արել։ Մասնավորապես, զորքերի և պարեկապահակային ծառայության աշխատակիցների նյարդերը տեղի են տվել վերջին շրջանում տեղի ունեցող հավաքներին մասնակցելու պատճառով։ Նրանք վկայականները դրել են ու որոշել հեռանալ, սակայն փոխոստիկանապետը հավաքել է և աշխատավարձեր ու հավելավճարներ բաժանել՝ փորձելով շահել նրանց սիրտը։ 

Այս հանգամանքն էլ դժգոհություն է առաջացրել բաժինների աշխատակիցների մոտ և այսօր առավոտյան էլ վերջիններս են բունտ արել։ Նրանք դժգոհել են, թե ամբողջ օրը կառավարություն-Բաղրամյան գիծն են բռնում, բայց իրենք խրախուսանքի չեն արժանանում։ «Եթե միայն զորքերին եք փող տալիս, ուրեմն երկիրը նրանց միջոցով էլ պահեք»,-ասել են նրանք՝ հրաժարվելով գնալ հավաքներին ու ցույցերին։ Ըստ նրանց՝ խտրական վերաբերմունքը պայմանավորված է նրանով, որ ոստիկանապետ Վահե Ղազարյանը նախկինում ոստիկանության զորքերի հրամանատարն է եղել։

Համակարգում աշխատակիցներին հորդորել են փակել բերանները և այս մասին չբարձրաձայնել՝ սպառնալով ազատել աշխատանքից։ 

Տեղեկության իսկությունը փորձեցինք ճշտել ոստիկանությունից, սակայն,  ԼՈՒՐԵՐ․com-ի հարցերին ի պատասխան, ՀՀ ոստիկանության ԶԼՄ-ների հետ կապի բաժնի պետ Զարզանդ Գաբրիելյանը նշեց, որ դրանք չեն համապատասխանում իրականությանը։ 

Ի դեպ, հատկանշական է, որ ՀՀ վարչապետ Նիկոլ Փաշինյանն իր մոտ է կանչել ոստիկանության պաշտոնյաներին, և հենց այս պահին փակ հանդիպում է տեղի ունենում նրանց միջև։ 

Նշենք նաև, որ ներկայիս ոտիկանապետը Փաշինյանի դասընկերն է եղել։ Վերջին օրերին տեղեկություն էր տարածվել նաև, որ վերջինս ազատման դիմում է գրել, սակայն այս լուրը ևս հերքվեց։

Այս թեմայով Լարված իրավիճակ՝ Երևանի կենտրոնում (տեսանյութ) «Տարեք սրան, արա՛». ինչպես են բերման ենթարկում խաղաղ ակցիայի մասնակիցներին (տեսանյութ) Ոստիկանները Բագրատաշեն-Այրում ճանապարհին բիրտ ուժ կիրառելով՝ ցուցարարների են բերման ենթարկում (տեսանյութ) Այրում-Բագրատաշեն հատվածում շարունակում են կարմիրբերետավորներ ու ոստիկաններ ժամանել (տեսանյութ) Ոստիկանության ակադեմիայի մոտ «Նիվա»-ն բախվել է «KAMAZ»-ին. կան վիրավորներ. shamshyan ՄԻՊ արագ արձագանքման խումբը գտնվում է ՀՀ ՆԳՆ ոստիկանության Տավուշի մարզային վարչության Իջևանի բաժնում Սուրեն Շահվերդյանը դիմել է ոստիկանություն. ֆեյսբուքում իր հասցեին սպառնալիքներ են հնչեցրել Չենք հասցնում ոստիկանության բռնություններին անդրադառնալ, բայց Սամվելի դեպքն աննախադեպ է Վայոց ձորում իրանական համարանիշերով բեռնատարը կողաշրջվել է Արամ Հովհաննիսյանը պարգևներ է հանձնել Ոստիկանության մի խումբ ծառայողների