Կհարուցվի՞ արդյոք քրեական գործ ՔՊ-ական պատգամավորի դեմ. իշխանությունների երկակի ստանդարտները

Ազգային ժողովում այսօր թեժ էր, իմքայլականները, մեկը մյուսին հերթ չզիջելով, տորպեդահարում էին իրենց կողմից իսկ ընտրված ԲԴԽ նախագահ Ռուբեն Վարդազարյանին՝ վերջինիս` նոյեմբերի 15-ի, ըստ իմքայլականների, քաղաքական հայտարարության համար: Մի կողմ թողնենք այն հանգամանքը, որ իմքայլականները այդպես չէին հարցաքննում վարչապետ Նիկոլ Փաշինյանին, ով նոյեմբերի 9-ին կնքել էր մեկ այլ քաղաքական պայմանագիր՝ խայտառակ և կապիտուլյացիոն: Բանն այն է, որ այսօր ԱԺ-ում, ըստ էության, տեղի է ունեցել քրեական պատիժ ենթադրող հանցագործություն:

 «Իմ քայլի» պատգամավորներից Վաղարշակ Հակոբյանը, մոռանալով, որ դատարանին վիրավորելը պատժվում է օրենքով, Ռուբեն Վարդազարյանին հռետորական հարց էր հղել՝ «Դուք ձեզ համարո՞ւմ եք վնգստացող դատավոր, թե ոչ»: Ընդամենը ամիսներ առաջ այս նույն ձևակերպմամբ հարցի համար, որն ուղղված էր «Մարտի 1-ի» գործով դատավոր Աննա Դանիբեկյանին, մեղադրանք առաջադրվեց երկու ակտիվիստների: Հիշեցնենք, որ ակտիվիստ Նարեկ Մութաֆյանը սեպտեմբերի 27-ին տեսախցիկով մոտեցել  է «Մարտի 1-ի» գործով դատավոր Աննա Դանիբեկյանին, նրան հարցեր ուղղել: Աննա դանիբեկյանն էլ ահազանգել է իրավապահներին։ Նարեկ Մութաֆյանը ձերբակալվել էր դատարանի նկատմամբ անհարգալից վերաբերմունք ցուցաբերելու մեղադրանքով։ Այնուհետև բերման էր ենթարկվել նաև ակտիվիստ Սարգիս Օհանջանյանը:

Ինչ է ստացվում` ակտիվիստները և ՔՊ-ական պատգամավորը դատարանի ներկայացուցչին ուղղել են նույն հարցը, սակայն մի դեպքում ակտիվիստների հարցադրումը դիտարկվել է որպես անհարգալից վերաբերմունք դատարանին, իսկ պատգամավորի կողմից ամբողջությամբ նույն  պահվածքը անգամ քննության առարկա չի՞ դառնալու: Եթե այդպես լինի և դատախազությունը ուշադրություն չդարձնի ՔՊ-ական պատգամավորի այս հարցադրման վրա, նշանակում է իշխանությունները առաջնորդվում են երկակի սկզբունքներով և դատավորներին էլ բաժանում են յուրայինների և անհարմարների, որոնց դեմ կարելի է ամբողջ ֆրակցիայով հարձակում կազմակերպել, ցույց տալ «դուխը» և վճռականությունը, վիրավորել դատական համակարգը և միևնույն ժամանակ մնալ անպատիժ: Ինչպես ասում են՝ խոսքը գլխավոր դատախազությանն է...

Այս թեմայով «Մեկի քթից արյուն էկավ, պատասխանը տալու ես», «Դու ԱԺ պատգամավոր ես, հեռու գնա». բողոքի ակցիա (տեսանյութ) Պատգամավոր Գառնիկ Դանիելյանը ուշագնաց էր եղել, բուժօգնություն է տրամադրվում. Տավուշում գերլարված է Երբեք չէի կարող պատկերացնել, որ ես փողոց կփակեմ. պետք է պարտադրենք իշխանություններին հեռանալ. ՀՀԿ-ական նախկին պատգամավոր Ռուբեն Հակոբյան Երբեք չեմ դադարեցնի պայքարը, որպեսզի Ցեղասպանության ժխտումը չհանգեցնի դրա կրկնությանը․ ԵԽ ֆրանսիացի պատգամավոր Հայոց Ցեղասպանությունը պարզապես անցյալի ողբերգություն չէ, այն շարունակական իրականություն է. ԵԽ գերմանացի պատգամավոր Կոչ եմ անում բանակի բոլոր զորագնդերին՝ կանգնեք ժողովրդի կողքը, ոչ մի քայլ հետ չգնաք. Մահապարտների ջոկատի հրամանատար «Նիկոլ դավաճան», «Քայլ արա, մերժիր գժին» վանկարկումներ՝ Նոյեմբերյանում Տարածքների փոխանակման մասին խոսակցությունները հիմք չունեն. ՔՊ պատգամավոր, Նիկոլ Փաշինյանի քավոր Վահե Ղալումյան Բագրատաշենում տեղի ունեցած քաշքշուկի հետևանքով վնասվածքներ է ստացել պատգամավոր Գառնիկ Դանիելյանը Քանդվելու են նաև Կիրանցի դպրոցն ու եկեղեցին. պատգամավոր