Առաջիկա օրերին մտադիր եմ հանդիպել խորհրդարանական ընդդիմության ղեկավարների հետ. Փաշինյան

Ես արտահերթ ընտրությունների անցկացման առաջարկություն եմ արել, և եթե մեր խորհրդարանական ընդդիմության գործընկերներն ընդունեն առաջարկը, կունենանք ընտրություններ համապատասխան ժամկետներում: Այդ մասին, «Լուրերի» հաղորդմամբ, ԱԺ ամբիոնից ասաց ՀՀ վարչապետ Նիկոլ Փաշինյանը: 

«Ինչո՞ւ պետք է ընտրություններն անցկացվեն համաձայնությամբ: Մենք չենք ուզում անել քայլեր, որոնք կդիտարկվեն «ի հեճուկս»-ի տրամաբանության մեջ: Մենք ընտրությունները դիտում ենք որպես հանրային համերաշխությունը վերականգնելու միջոց՝ ժողովրդին արտահայտվելու հնարավորություն տալու համար, որպեսզի ոչ միայն արտահայտվելու հնարավորություն ունենան հանրահավաքի եկող մարդիկ, այլև բոլորը՝ ընտրատեղամաս գնալով և իրենց կամքը արտահայտելով, և Կառավարությունը և քաղաքական ուժերը պետք է լինեն երաշխավոր, որ ընտրություններն անցկացվեն ազատ և արդար»,- ընդգծեց Կառավարության ղեկավարը:    

Նիկոլ Փաշինյանը հայտնեց, որ արդեն հրավեր է ուղարկել խորհրդարանական ընդդիմության ղեկավարներին և նախատեսում է առաջիկա օրերին հանդիպել նրանց հետ: «Հուսով եմ, որ համաձայնությունը ձեռք կբերվի»,- ասաց նա: 

Անդրադառնալով հնարավոր սահմանադրական փոփոխություններին՝ վարչապետը նշեց, որ դրանք նույնպես պետք է համաձայնեցված անցկացվեն: «Ես այդ հարցը առաջ բերելով՝ կոնկրետ բովանդակություն առաջ չեմ բերել: Եթե հանրային քննարկման արդյունքում մեծամասնության համար ընդունելի կլինի, որ կիսանախագահական կառավարման համակարգն ավելի էֆեկտիվ է, ուրեմն այդպես կանենք: Քննարկումների դաշտը պետք է միշտ բաց պահել»,- եզրափակեց Փաշինյանը:

Այս թեմայով Նիկոլ Փաշինյանը ծանոթացել է «Գառնի տաճարի մերձակա տարածքի բարեկարգում» ծրագրի ընթացքին (տեսանյութ) Հայ ժողովրդի դավաճանն անուն ու ազգանուն ունի, որն սկսվում ու ավարտվում է «ն» տառով. Մարգարիտա Սիմոնյան Ամենահարուստ «հեղափոխական» փոխմարզպետների թոփ 10-ը Հեղափոխական սուտն ու գնաճը «Նոր Հայաստանում» Փաշինյանի թիմակիցները զրոյացնում են վարչապետի «աննախադեպ ցուցանիշները» Հայաստանը պատրաստ է ընդլայնել համագործակցությունը ԱՀԿ-ի հետ․ Փաշինյան Ինչու Նիկոլ Փաշինյանը չի նկատում իր թիմակիցների ստացած ճոխ նվիրատվությունները Հայ-ադրբեջանական սահմանի 12 կմ-ից 7 կմ հատվածում տեղակայման կետերը հստակեցված են, մյուս 5 կմ հատվածի վերաբերյալ աշխատանքները շարունակվում են. Փաշինյան ՔՊ-ն նիստ է անցկացրել, որը վարել է Նիկոլ Փաշինյանը Փաշինյանի հեռացման հարցով ընդդիմության հաջորդ հանրահավաքը տեղի կունենա ապրիլի 11-ին. 24News.am