Ամենազավեշտալին այն է, որ Նիկոլի նույնիսկ ամենամոլի երկրպագուներն էլ են շատ լավ հասկանում, որ Նիկոլը խաբեբա է. Կարեն Վրթանեսյան
Տգետ, ինքնավստահ, լկտի, անպատասխանատու, ստախոս մի քանի տասնյակ հազար մարդ։ Այդպիսի զանգված կա ցանկացած երկրում։ Այս մասին ֆեյսբուքում գրել է տեղեկատվական անվտանգության փորձագետ, «Ռազմինֆո» մասնագիտացված կայքի համակարգող Կարեն Վրթանեսյանը.
«Ամենազավեշտալին այն է, որ Նիկոլի նույնիսկ ամենամոլի երկրպագուներն էլ են շատ լավ հասկանում, որ Նիկոլը խաբեբա է։ Ու չհավատալով էլ չեն դադարում կրկնել. «Varcapetis havatum em»։
Խնդիրը Նիկոլը չէ, խնդիրը նիկոլներն են, թվով մի քանի տասնյակ հազար, գուցե ավելի շատ։ Տգետ, ինքնավստահ, լկտի, անպատասխանատու, ստախոս մի քանի տասնյակ հազար մարդ։
Այդպիսի զանգված կա ցանկացած երկրում, բայց առողջ հասարակություններում դրանց ավերիչ ուժը սահմանափակվում է բարոյական ու սոցիալական նորմերով։
Նիկոլի ֆենոմենն այն է, որ նա ազատեց այդ զանգվածին բարոյական և սոցիալական նորմերի «կապանքներից», հիմնահատակ քանդեց ոչ միայն պետական, այլ նաև հասարական ինստիտուտները, ասաց. «Մի փորձեք ձեզ զսպել, արխային եղեք այն, ինչ կաք ու ոչ ոք ձեզ բան չի ասի»։