Ես ջերմորեն պաշտպանում եմ Թովմասյանի ներկայությունը քաղաքական դաշտում. Աբգար Ափինյան

Հայաստանի ներքաղաքական իրավիճակի և նոր քաղաքական ուժերի ցուցաբերած ակտիվության թեմայով  Pressmedia.am  կայքը զրուցել է Երևանի գրողների միության նախագահ Աբգար Ափինյանի հետ։

— Պարոն Ափինյան, Հայաստանում ներքաղաքական լարված իրավիճակը թոթափելու ի՞նչ ուղիներ եք տեսնում, քանի որ իշխանությունն իր հերթին է հանրահավաքներ կազմակերպում, իսկ ընդդիմությունն իր հերթին։ 

— Պիտի ասեմ, որ մենք արդեն հասել ենք վճռական հանգրվանի և շուտով այդ լարվածությունը, կարծում եմ, ուժգնացման հետ միաժամանակ նաև հանգուցալուծման եզրերը ցույց կտա։ Ակնհայտ է, որ բանակը անցել է ժողովրդի կողմը ու ժողովուրդն անցել է բանակի կողմը։ Մենք վաղը մտավորականների խորհուրդի նիստ ունենք, որտեղ այդ հարցը բարձրացնելու ենք, բայց ես կասեմ իմ կարծիքը, դա այն է, որ պետք է ամուր պահենք բանակը, անխաթար, որովհետև կառավարության քայլերը  տանում են նրան, որ ոչնչացնեն նաև հայոց բանակը։  Դա լինելու է Հայաստանի վերջը, բանակի կորուստը կդառնա Հայաստանի վերջը, ուրեմն պիտի  ամուր պահենք բանակը, հատկապես գլխավոր շտաբի որոշումները  մեզ համար շատ կարևոր պետք է լինեն և ամուր պահելով բանակը՝ մենք թույլ չենք տա, որ Հայաստանը կործանվի։ Իսկ այդ դեպքում արդեն հանգուցալուժումը կերևա, կառավարությունը կնահանջի և Փաշինյանը հրաժարական կտա։ Այսինքն, ոչ մի զիջում չպետք է լինի։ Օնիկ Գասպարյանը պետք է մնա իր պաշտոնում, օրենքով, սահմանադրությամբ պետք է պաշտոնավարի սահմանված ժամկետում և այդ դեպքում կառավարությունը անպայման կնահանջի և Փաշինյանի հրաժարականը կլինի։ Եվ եթե մենք զիջենք այդ հարցում, ապա Հայաստանը կործանված է։ Բանակի հարցում ոչ մի զիջում, սա մեր մտավորականների խորհրդի  վերջնական որոշումը պետք է լինի։

— Բաղրամյան փողոցում հանրահավաքներին մասնակցում են բազմաթիվ հին ու նոր քաղաքական ուժեր: Նոր քաղաքական ուժերը բավականին ակտիվ են, դրանց թվում է նաև «Թովմասյան» բարեգործական հիմնադրամի նախագահ Արտակ Թովմասյանը, ով հանդես է գալիս երրորդ բևեռ ձևավորելու նախաձեռնությամբ։ Ի՞նչ կարծիք ունեք այդ քաղաքական ուժերի մասին, և առհասարակ, որը պետք է լինի նոր ուժերի գործունեության հաղթաթուղթը։ 

— Ես նոր ուժերի հանդեպ շատ ջերմ համակրանք ունեմ։ Կարծում եմ՝ հիմա հին և նոր, նախկին և ներկա  բաժանումները շատ էական չեն։ Իհարկե, ճանապարհը պետք է փակվի իրենց վարկաբեկած գործիչների առջև։ Դա փաստ է, ովքեր կոռուպցիոն սկանդալների մեջ են եղել, վատ համբավ ունեն հասարակության համար, նրանց ճանապարհը հասարակական առումով պետք է փակվի ու պետք է ողջունել նոր ուժերի ի հայտ գալը  մեր հասարակական կյանքում։ Թովմասյանի մասին խոսք եղավ, ես ջերմորեն պաշտպանում եմ իր ներկայությունը մեր քաղաքական դաշտում, ինչպես նաև ուրիշ քաղաքական ուժեր պետք է հայտնվեն։ Նոր Հայաստանը  պետք է ստեղծվի այդտեղ։ Միայն խնդիրը հետևյալն է, որ պետք է մեզ համար մեկ տեսլական լինի՝ Հայաստանի ապահովությունը, սա  ամենաէական հարցն է որը պիտի մենք հաշվի առնենք։ Մեր մտավորական խորհուրդի նիստերը մենք անց ենք կացնում «Թովմասյան» հիմնադրամի հետ համատեղ։  Այսինքն այդ նոր ուժերի հետ համագործակցությունը առկա է։

Արև Սիմոնյան

Pressmedia.am

Այս թեմայով Վաղվանից Seven Visions Hotels, The Dvin-ում կգործի «Հայրիկ» ռեստորան (տեսանյութ) «Թովմասյան» հիմնադրամի միջոցներով Երեւանի Մ. Խորենացու անվան հ. 143 հիմնական դպրոցում բացվել է գերժամանակակից ինժեներական լաբորատորիա Իոսիֆ Կոբզոնի ընտանիքի նվիրատվությամբ Սրբոց Հրեշտակաց եկեղեցու բակում ցայտաղբյուր է բացվել (տեսանյութ, լուսանկարներ) «Թովմասյան» միջազգային հիմնադրամը «Արմաթ» լաբարատորիա կներդնի N143 դպրոցում «Թովմասյան» հիմնադրամի նախաձեռնությամբ՝ կայացավ գնդապետ Վարդան Պետրոսյանի 60-ամյակին նվիրված ֆուտբոլի հուշամրցաշար Ստանիսլավ Զասը Արտակ Թովմասյանի հրավերով այցելել է «Հավերժների այգի» և ծառ տնկել «Թովմասյան» հիմնադրամ. Տեղի ունեցավ «Երազանքների պահապանները» մյուզիքլի պրեմիերան Հավերժների այգի. «Թովմասյան» հիմնադրամը կառուցել է հպարտություն և հավերժություն խորհրդանշող այգի Արտակ Թովմասյանը ծննդյան օրվա առթիվ շնորհավորել է Վլադիմիր Պուտինին Մեզ հիմա ավելի, քան երբևէ միասնականություն ու միաբանություն է հարկավոր՝ հաղթահարելու այս դժվարությունները. Արտակ Թովմասյան