Տոնը լավագույն առիթներից է արժևորելու կնոջ դերը երկրի ներկան ու ապագան կառուցելու գործում. Արցախի ՆԳ նախարար
НКԱրցախի Հանրապետության ներքին գործերի նախարար Կարեն Սարգսյանի նախաձեռնությամբ այսօր ոստիկանության և Արտակարգ իրավիճակների պետական ծառայության գեղեցիկ սեռի ներկայացուցիչները Կանանց միջազգային տոն օրվա առթիվ ստացել են նվերներ:
Նախարար Կարեն Սարգսյանը շնորհավորական ուղերձ է հղել ՆԳ նախարարության համակարգում ծառայող կանանց և աղջիկներին։ Ուղերձում ասվում է․
«Սիրելի՛ հայուհիներ, մայրեր և քույրեր, ՆԳ նախարարության համակարգում ծառայող կանայք ու աղջիկներ, ջերմորեն շնորհավորում եմ բոլորիդ Կանանց միջազգային տոն օրվա կապակցությամբ: Տոնը լավագույն առիթներից է վերստին արժևորելու և գնահատելու կնոջ դերակատարումը երկրի ներկան ու ապագան կառուցելու գործում: Անսահման ջերմություն, սեր ու արժանապատիվ խաղաղություն եմ մաղթում Ձեզ և Ձեր ընտանիքներին
Հարգանքներով՝ ԱՀ ՆԳ նախարար Կարեն Սարգսյան»: