Արամ Սարգսյանը երբևէ համացանցին չի միացել այն ժամանակ, երբ «Գագիկ Սողոմոնյանը» կատարել է ֆեյսբուքյան գրառում. փաստաբան

Ըստ գործի նյութերի Արամ Սարգսյանը 178.17.168.170 IP հասցեով երբևէ համացանցին չի միացել այն ժամանակ, երբ Գագիկ Սողոմոնյանը կատարել է ֆեյսբուքյան գրառում, իսկ փետրվարի 19-ին՝ դա արել է Գագիկ Սողոմոնյանի գրառումից վեց րոպե հետո։ Այս մասին ֆեյսբուքյան իր էջում գրել է փաստաբան Բենիկ Գալստյանը։

«Երեք անչափահաս երեխաների հայր Արամ Սարգսյանն արդեն 19 օր կամ 456 ժամ կամ շուրջ 27360 րոպե շարունակում է ապօրինի կալանավորված մնալ նրա համար, որ 2021 թվականի փետրվարի 19-ին ժամը 20:48-ին մուտք է գործել համացանց 178.17.168.170 IP հասցեով։

Ըստ ԱԱԾ տրամաբանության՝ քանի որ Գագիկ Սողոմոնյանը 2020թ. հոկտեմբերի 10-ից 15-ն ընկած ժամանակահատվածում ֆեյսբուք է մուտք գործել 178.17.168.170 IP համացանցային հասցեով, ապա 2021 թվականի փետրվարին նույն IP հասցեով համացանցին միացած հազարավոր, եթե ոչ միլիոնավոր անձանցից հատկապես Արամ Սարգսյանն է այն անձը, ով պետք է կալանավորվի դրա համար։

Ընդ որում՝ ըստ գործի նյութերի Արամ Սարգսյանը 178.17.168.170 IP հասցեով երբևէ համացանցին չի միացել այն ժամանակ, երբ Գագիկ Սողոմոնյանը կատարել է ֆեյսբուքյան գրառում, իսկ փետրվարի 19-ին՝ դա արել է Գագիկ Սողոմոնյանի գրառումից վեց րոպե հետո։
Արամ Սարգսյանի մեղադրանքը և կալանավորումը թե իրավական, թե փաստական առումով այն աստիճանի հակաիրավական և անտրամաբանական է, որ դրա հետ համաձայն է անգամ ՀՀ գլխավոր դատախազությունը, որը չի էլ բողոքարկել հիմնավոր կասկածի բացակայության հիմքով առաջին ատյանի դատարանի կողմից այս գործով մեկ այլ մեղադրյալի կալանքի մերժումը։

Իմիջայլոց, այս ֆեյսբուքյան գրառումը ես անում եմ՝ նույնպես լինելով համացանցին միացած 178.17.168.170 IP հասցեով»,-գրել է Գալստյանը։

Այս թեմայով Դիզայներ Արամ Նիկոլյանը Տավուշում է. միացել է հայրենիքի պաշտպանությանը (տեսանյութ) Արվեստի գործիչներից ովքեր են միացել տավուշցիների շարժմանը (տեսանյութեր) Արսեն Գրիգորյանը միացել է շարժմանը Վարդան Պետրոսյանի որդին միացել է ճանապարհը փակած տավուշցիների շարժմանը Դեռ ժամանակ կա, շատ բան կարող է փոխվել. ՀԱՊԿ գլխավոր քարտուղարը՝ գագաթնաժողովին Փաշինյանի մասնակցության մասին Այսօր, առավել քան երբևէ, մեզ պակասում են Թաթուլ Կրպեյանի նման հերոսները․ Աբրահամյան «Շոգելու ենք»․ Գագիկ Սուրենյան Իրանի վրա հարձակման ժամանակ Իսրայելի զենքերը խաղալիքի էին նման. Աբդոլահիան Վայոց ձորում իրանական համարանիշերով բեռնատարը կողաշրջվել է Խոշտանգման ժամանակ Սամվել Վարդանյանը ձեռնաշղթայված է եղել, ոստիկաններից մեկն էլ բերանն ա պահել