Մինչև Երևանը վերցնելը Ադրբեջանը գերիների հարցը տանել-բերելու է

Գերիների հարցն ինքն իրեն չի լուծվելու: Այս մասին այսօր լրագրողների հետ հանդիպմանը նշեց քաղաքագետ Թևան Պողոսյանը:

«Շատ հետաքրքիր ձևով սկսել են մանիպուլացնել գերիների հարցը՝ ասելով. «Այ, մի բան խոսենք, խնդիրը չի լուծվի»: Գերիների հարցը ինքն իրեն չի լուծվելու. կամ պիտի ձևավորենք գերիների այնպիսի պաշար, որոնցով ստիպված է լինելու Ադրբեջանը բոլորը բոլորի դեմ փոխանակել, կամ ձևավորենք համաշխարհային այնպիսի սանկցիոն դաշտ Ադրբեջանի դեմ, որ փորձի վերադարձնել, այլ պարագայում չի վերադարձնի: Ինչո՞ւ վերադարձնի: Ալիևը Զանգեզուրն է ուզում, ասում է՝ Երևանն էլ է իմը, մինչև Երևանը վերցնելը ինքը այս հարցերը տանել-բերելու է»,- ասաց նա:

Պողոսյանը նշեց՝ այսօրվա դրությամբ չենք կարողացել մեր ճանապարհներն այնպես կարգավորել, որ ադրբեջանցիները հնարավորություն չունենային նոր գերիների պաշար ձևավորել, հակառակը՝ մենք պետք է դա կարողանայինք անել:

Քաղաքագետն անդրադարձավ նաև նոր պատերազմի վտանգի մասին Կառավարության հայտարարություններին:

«Արդյո՞ք կառավարությունը համարում է, որ պատերազմն ավարտվել է. իրենք չէին ասո՞ւմ՝ հրադադար է, դա նշանակում է՝ պատերազմը չի ավարտվել, պատերազմով մեզ վախեցնում եք, մանիպուլացնում եք, որ ի՞նչ»,- նշեց նա:

Պողոսյանի կարծիքով՝ հայացքը դեպի ապագա նետել հնարավոր կլինի միայն այն օրը, երբ գործող իշխանությունները հրաժարական տան:

Այս թեմայով «Պետք է վաղուց հասկացած լինեինք, որ որևէ փաստաթուղթ որևէ խնդրի երաշխիք չի տալիս»․ Թևան Պողոսյան Վրաստանին չհաջողվեց ՆԱՏՕ-ի անդամ դառնալ, Հայաստանին ինչպե՞ս կհաջողվի․ Թևան Պողոսյան Թևան Պողոսյանը կոչով դիմել է Երևանի քաղաքապետի բոլոր 14 թեկնածուներին Ակցիաները պետք է շատանան․ մենք հակահայկական դիրքորոշում չենք ընդունելու․ դա պետք է աշխարհը հասկանա․ Թևան Պողոսյան Բրիտանական քաղաքականության և շահերի մասին իրական պատկերն ամբողջովին պարզ դարձավ․ Թևան Պողոսյան «Ցավոք, պառակտումը շատ ավելի խորն է դառնում ամեն օր»․ Թևան Պողոսյան «Մի բան արեք, թեկուզ նախաձեռնեք Արցախի հանրապետության ճանաչման գործընթացը, խառնեք խաղաքարտերը, գիտակցված բանակցող փոխեք…». Թևան Պողոսյան 876 օր ունենք գործ անելու համար. Թևան Պողոսյան Ժամանակը ցույց տվեց, որ ռուսական խաղաղապահ առաքելությունը ևս երաշխիք չէ խաղաղության կամ անվտանգության ապահովման համար. քաղաքագետ Երբ ՀՀ-ն չունի հստակ պահանջներ, Բաքուն կշարունակի սադրել, միջազգային հանրությունը՝ հավասարության նշան դնել. Պողոսյան