Շոկային վիճակում է, դեռ չի հասկանում՝ ինչ է կատարվում շուրջը. նոր մանրամասներ՝ գերությունից վերադարձած Մարալ Նաջարյանից

Մարալը շոկային վիճակում է, դեռ չի հասկանում, թե ինչ է կատարվում իր շուրջը, ի վերջո 4 ամիս եղել է գերության մեջ: Այս մասին ԼՈՒՐԵՐ.com_ի հետ զրույցում ասաց գերությունից վերադարձած Մարալ Նաջարյանի հարևանուհին՝ Անահիտ Թարխանյանը, հավելելով, որ գիշերը ծանր է եղել բոլորի համար:

Վերջինս նշեց, որ Մարալի արտաքին տեսքի փոփոխությունն ակնհայտ է. «Ահա նրա գերությունից առաջ և հետո արված լուսանկարը: Տարբերությունը ակնհայտ է, սակայն նա շարունակում է գեղեցիկ մնալ թե՛ արտաքնապես և թե՛ ներքուստ»,- նշեց Մարալի հարևանուհին:

Նա մեզ հետ զրույցում պատմեց, որ երբ Մարալի ընտանիքը նոր էր տեղափոխվել Բեյրութ, Մարալը իր փոքրիկ այգին վերածեց բիզնեսի տարածքի. «Նա այդ տարածքը օգտագործեց որպես գեղեցկության սրահ, որը շատ կարճ ժամանակում դարձավ շրջանի ամենահայտնի սրահներից մեկը: Քանի որ Լիբանանում շարունակվում էր ֆինանսական ճգնաժամը, հաճախորդների համար դժվար էր վճարել, և Մարալը հաճախ անվճար էր սպասարկում իր հաճախորդներին»,- ասաց Մարալի հարևանուհին, ընդգծելով, որ գեղեցկության սրահը վնասվել էր Բեյրութում օգոստոսի 4-ին տեղի ունեցած պայթյունից, որից հետո Մարալը որոշել էր վերադառնալ Հայաստան. «Նա եկել էր ընդմիշտ Հայաստանում ապրելու համար, իսկ հետո պլաններ ուներ Հայաստան բերելու նաև իր չափահաս երեխաներին»,- ասաց Անահիտ Թարխանյանը:

Մարալի հարևանուհին ասաց, որ նա իրեն երբևէ հանդիպած ամենաքաղցր ու բարի մարդն է. «Նա շատ սիրված է հասարակության կողմից: Տղամարդիկ և կանայք գալով սրահ՝ ցանկանում էին, որ Մարալը իրենց սպասարկի: Բոլորը սիրում էին նրան և ափսոսում էին, որ նա որոշեց հաստատվել Հայաստանում: Ի տարբերություն սովորական վարսահարդարների՝ Մարալը բավականին լուռ և զուսպ էր, չէր զրուցում հաճախորդների հետ, բայց չափազանց հմուտ էր իր աշխատանքում»,- նշեց Անահիտ Թարխանյանը:

Հիշեցնենք, որ Ադրբեջանում չորս ամիս գերությունից հետո լիբանանահայ Մարալ Նաջարյանը չորեքշաբթի ազատ է արձակվել: 

Մարալը Բեյրութի պայթյունից հետո Հայաստան էր վերադարձել՝ խաղաղ կյանքի հետևից, սակայն Արցախի կառավարությունը Մարալ Նաջարյանի և ընտանիքի բարեկամ Վիգեն Էուլջեքյանի համար տուն էր նախապատրաստել Բերձորում: Նրանք իրերի հետևից Բերձոր էին մեկնել եռակողմ հայտարարության ստորագրման հենց հաջորդ օրը՝ նոյեմբերի 11-ին, ու գերեվարվել էին։  Վիգեն Էուլջեքյանը, ով նոյեմբերի 10-ին Մարալի հետ մեկնել էր Երևանից Արցախ, շարունակում է մնալ գերության մեջ՝ Բաքվում:

Զվարթ Պետրոսյան

Այս թեմայով Արդեն անեկդոտ կա՝ ՀՀ-ի քարտեզ ես հարցնում, ասում ա՝ ո՞ր ամսվանը․ վախենում են Տավուշում գերի ընկնեն (տեսանյութ) Բաքվում Արցախի նախկին ղեկավարների հետ միասին 25 հաստատված գերի ունենք, բանակցում ենք այս մասով «Զվարթնոց» օդանավակայանում դիմավորել են հաղթանակով վերադարձած ծանրամարտիկներին Շիրակի մարզպետը հանդիպել է վերջերս Հայաստան վերադարձած շիրակցի գերիների հարազատների հետ Մի վախեցեք հերոսներին հարգել ու մեծարել կենդանության օրոք, նրանցից ոմանք այսօր գերի են Բաքվում Ադրբեջանում պահվում է հաստատված 23 գերի, 17-ը գերեվարվել է ԼՂ-ի դեմ վերջին ագրեսիայի հետևանքով Որպես հիշեցում․ քանի դեռ այս մարդիկ թշնամու մոտ գերի են, կյանքը սովորական չպե՛տք է լինի երբեք. Սոս Հակոբյան Իշխանությունը իրավունք չունի բանակցելու, քանի դեռ Բաքվի զնդաններում տառապում են մեր գերի-պատանդները Արայիկ Հարությունյանը շարունակում է մնալ իմ ընկերը, ուզում եմ, որ շուտ ազատվի գերությունից. Արսենյան Ադրբեջանի ողջ քարոզչությունը Ադրբեջանի բանտերում գերի ընկածների վերաբերյալ արժանահավատություն չունի