Ոսկե սարեր խոստացող նախարարը և տնտեսության հակառեկորդները

Լրանում է էկոնոմիկայի նախարար Վահան Քերոբյանի պաշտոնավարման չորորդ ամիսը, ժամկետը՝ հաշվետվողական է և քանի որ ինքը` նախարարը, չի շտապում հանրությանը ներկայացնել իր աշխատանքի բուռն արգասիքները, փորձենք ինքներս ամփոփել, թե ինչ է  հասցրել այս ծանր և պատասխանատու շրջափուլում անել նախարարը:

Նոյեմբեր ամսին մի շարք հիմնարկնե­րում, այդ թվում՝ Էկոնոմիկայի նա­խարարությունում, վերսկսել են պատերազմի պատճառով դադարեցված պարգևավճարների բաժանումը: Նորանշանակ նախարար Վահան Քերոբյանը, փաստորեն, եկած-չեկած՝ իր առաջին սուրբ գործն է համարել «պրեմիա» բաժանելը: 

Սկզբում Քերոբյանը հայտարարում էր, որ ներդրողները հերթ են կանգնել Հայաստանում ներդրում անելու նպատակով, չանցավ մեկ ամիս՝ նախարարը հերքում էր ինքն իրեն` ասելով, որ տնտեսության վիճակը ծայրահեղ ծանր է, ինչ խոսք՝ դա ակնհայտ է անգամ այն մարդկանց համար, ովքեր տնտեսությունից ոչինչ չեն հասկանում, սակայն հարց է առաջանում՝ իսկ ինչո՞վ էր պայմանավորված սկզբանական շրջանում նախարարի լավատեսությունը, արդյո՞ք դա զուտ պոպուլիստական քայլ չէր:

Քերոբյանը այս ընթացքում հասցրեց հայտնվել նաև սկանդալի կիզակետում, այն էլ՝ միջազգային: Իրան կատարած այցի ընթացքում նախարարը, ըստ մամուլում առկա և չհերքված տեղեկությունների, ալկոհոլի ազդեցության տակ էր գտնվել և, թերևս, միայն իրանական կողմի բարեկամական տրամադրվածության շնորհիվ էր, որ այս միջադեպը չդարձավ միջպետական հերթական աղմկոտ սկանդալը:

Քերոբյանը հայտարարում էր, որ մտադիր է զարգացնել ադամանդագործության և ոսկերչության ոլորտները. կա՞ն արդյոք հաջողություններ այս ուղղությամբ, եթե անգամ առկա են ՝ հանրությունը այդ մասին տեղյակ չէ;

Քերոբյանը խոստանում էր խթանել ստարտափերի զարգացումը Հայաստանում: Ինչպես նաև կարծիք էր հայտնում, որ Հայաստանի տնտեսության համար նոր լոքդաունը խիստ անցանկալի է: Այսօր, երբ կառավարությունը կրկին պատրաստվում է գնալ խստացումների, այդ խնդիրը, կարծես թե, այլևս նախարարին չի հուզում և նա իր նախարարական խոսքը չի հնչեցնում այս հարցի շուրջ:

Միակ բանը, որ հասցրել է անել այս ընթացքում Վահան Քերոբյանը, դա Թուրքիայի հետ սահմանների հավանական բացման արդյունքում տնտեսական եկամուտների մասին գեղեցիկ հեքիաթներ պատմելն է, նախարարը տնտեսվարողներին ոսկե սարեր է խոստանում՝ տարածաշրջանում ենթակառուցվածքների ապաշրջափակման արդյունքում՝ չբերելով իր խոսքերի գեթ մեկ գործնական հիմնավորում:

Այս թեմայով Անվտանգությո՞ւն, թե կուշտ որովայն. ՔՊ-ականների «առաջարկը»՝ ժողովրդին Տեղի է ունեցել ՔՊ նախաձեռնող խմբի նիստ․ ներկայացվել է Բրյուսելյան հանդիպման վերաբերյալ զեկույց Ինչ աղետների է հանգեցնելու Փաշինյանի արկածախնդրությունը Փաշինյանը հայտնել է՝ ինչ է պետք հաջողակ պետություն ունենալու համար (տեսանյութ) «Ժողվարչապետը» տվեց-անցավ բոլորին. Փաշինյանի «կոմպլեքսներն» ու վախերը Փաշինյանը ՔՊ-ականների հետ նիստ է անցկացնում (տեսանյութ) Փաշինյանն ու ԵԱՀԿ ՄԽ Ֆրանսիայի համանախագահը քննարկել են տարածաշրջանային նշանակության հարցեր Խորը խնդիրներ եմ տեսնում պետական համակարգի կառավարման առաջնային օղակում․ Փաշինյան Նիկոլ Փաշինյան, դու վարում ես մուրացկանի քաղաքականություն, իսկ մուրացկանին ոչ թե անկախ հայրենիք, այլ ֆորպոստ էլ չի հասնում. Շարմազանով Այսօրվա վիճակը լավատեսության ոչ մի հիմք չի տալիս․ Փաշինյան (տեսանյութ)