Կոնդի բնակչի տնից թմրամիջոցներ, սնդիկ, քացախաթթվի անհիդրիդ և այլ նյութեր են հայտնաբերվել

Քրեական ոստիկանության ԳՎ թմրամիջոցների անօրինական շրջանառության դեմ պայքարի վարչության և ՔԿ ՀԿԳ քննության գլխավոր վարչության մարդկանց թրաֆիքինգի, անչափահասների սեռական անձեռնմխելիության դեմ ուղղված և թմրամիջոցների ապօրինի շրջանառության հանցագործությունների քննության վարչությունների ծառայողների ձեռնարկած համալիր օպերատիվ-հետախուզական միջոցառումների և քննչական գործողությունների արդյունքում ձեռք բերված տեղեկությունների հիման վրա, դատարանի որոշմամբ, մարտի 11-ին խուզարկվեց Երևանի բնակիչ, 45-ամյա մի տղամարդու Կոնդում գտնվող բնակարանը։

Խուզարկությանը մասնակցում էին նաև ոստիկանության շնավարժության բաժնի ծառայողները՝ խուզարկու շներով։ Հայտնաբերվեցին տարբեր քաշերով մեթամֆետամին, հաշիշ, ափիոն, կոկաին և մարիխուանա թմրամիջոցների նմանվող զանգվածներ, մեթադոն ու էքստազի հոգեմետ հաբեր, սնդիկ, քացախաթթվի անհիդրիդ և այլն։

Նույն բնակարանում հայտնաբերվեցին նաև ապօրինի զենք-զինամթերք, մասնավորապես՝ «Ֆ-1» տիպի նռնակ, գործարանային համարով հրազեն ու ինքնաձիգի փամփուշտներ։   Նույն օրը խուզարկություն կատարվեց նաև 45-ամյա տղամարդու կնոջ հաշվառման հասցեում։ Հայտնաբերվեցին «Կալաշնիկովի» ինքնաձիգ, ինքնաձիգի փամփուշտներ ու  ֆենազեպամ տեսակի 788 հոգեմետ հաբ։ Բնակարաններում հայտնաբերվածն առգրավվել է։ Նշանակվել են փորձաքննություններ, այդ թվում՝ դատաձգաբանական ու դատանյութագիտական։ 45-ամյա տղամարդը կալանավորվել է։ Հարուցված քրեական գործի նախաքննությունը շարունակվում է։ 

Այս թեմայով Իրանից ներկրել են մեծ քանակությամբ թմրամիջոցներ ու փորձել իրացնել (տեսանյութ) Ոստիկանություն տեղափոխված 2 քաղաքացիներից մեկի մոտ, ով անչափահաս է, հայտնաբերվել են թմրամիջոցներ Թմրամիջոցներ, wi-fi սարքեր, հեռախոսներ․ ՔԿՀ-ներում հայտնաբերված արգելված իրերի փետրվարի հաշվետվությունը ՌԴ իրավապահների կողմից հետախուզվում էր թմրամիջոցներ ապօրինի արտադրելու և իրացնելու մեղադրանքով ՊԵԿ աշխատակիցները միջազգային առաքանուց հայտնաբերել են տարբեր տեսակի թմրամիջոցներ Թմրամիջոցներ իրացնելու և ապօրինի զենք կրելու մեղադրանքով հետախուզվողը հայտնաբերվեց ԱԱԾ-ն բացահայտել է կազմակերպված խմբի կողմից ՀՀ տարածք առանձնապես խոշոր չափերի թմրամիջոցներ տեղափոխելու դեպք (տեսանյութ) Բացահայտվել է թմրամիջոցների ապօրինի շրջանառությամբ զբաղվող հանցավոր խումբ Թմրամիջոցներ իրացնելու մեղադրանքով հետախուզվողը հայտնաբերվեց Նորագյուղում Հանրային քրեական հետապնդում՝ թմրամիջոցների ապօրինի իրացում և փողերի լվացում կատարած անձանց նկատմամբ