Ցանկանում ենք ստեղծել կայք, որի նպատակը պետք է լինի պատերազմում զոհված բոլոր հերոս հայորդիների հիշատակի հավերժացումը. Հայկ Սարգսյան

Պաշտպանության նախարարության հետ համատեղ ցանկանում ենք ստեղծել կայք, որի նպատակը պետք է լինի սեպտեմբերի 27-ին սանձազերծված պատերազմի ընթացքում զոհված բոլոր հերոս հայորդիների հիշատակի հավերժացումը՝ անկախ կարգավիճակից, զինվորական կոչումից, գործած սխրանքից, ինչպես նաև պատերազմի պատմության փաստական հիմքի ստեղծումը: Այս մասին ֆեյսբուքյան իր էջում գրել է Ազգային ժողովի «Իմ քայլը» խմբակցության պատգամավոր Հայկ Սարգսյանը։

«Կայքում կընդգրկվեն նաև 2016 թվականի ապրիլյան պատերազմի, 2020 թվականի հուլիսյան (Տավուշյան) և այլ մարտական գործողությունների ժամանակ անմահացած մեր հերոսների մասին տեղեկությունները։

Կայքի կազմակերպման համար հրավիրում ենք մասնագետների, ովքեր որպես կամավոր կներգրավվեն կայքի պատրաստման աշխատանքային խմբում։ Ցանկացողներին խնդրում ենք կապ հաստատել մեզ հետ [email protected] էլփոստի միջոցով։
Կայքը ունենալու է որոնման պատուհան՝ ընդլայնված որոնման հնարավորություններով այբբենական կարգով՝ անուն-ազգանուն-հայրանունով, ծննդյան տարեթվով, ծննդավայրով, հուղարկավորության վայրով, զինվորականների դեպքում՝ կոչումներով, զորամասերի համարներով, պարգևներով և այլ տվյալներով:

Կայքն ունենալու է պատմությունների բաժին, որտեղ կտեղադրվեն մարտական ընկերների կողմից ներկայացված պատմությունները զոհված կամ անհետ կորած հերոսների մասին։

Կայքը ունենալու է նաև տեղեկությունների համալրման հնարավորություն, ինչը օգտատերերին հնարավորություն կտա հավելյալ տվյալներ/լուսանկարներ ներբեռնել կայք: Օրինակ՝ ծնողները, հարազատները կամ ընկերները կարող են ավելացնել լուսանկարներ կամ այլ, այդ թվում՝ ճշգրտող տվյալներ:

Ըստ էության, կայքը հնարավություն կտա անուն առ անուն ճանաչել մեր հերոսներին՝ կարդալ նրանց կենսագրությունները, անցած ուղին, տեսնել նրանց լուսանկարներն ու դիտել նրանց մասին տեսանյութերը։

Փառք մեր բոլոր հերոս եղբայրներին և քույրերին։

Նկարում կայքի նախնական էսքիզային տարբերակներից մեկն է, մոտավոր պատկերացում կազմելու համար»,- ասված է հայտարարոթւյան մեջ։

Այս թեմայով 1 մլն դրամ կաշառք վերցնողի խափանման միջոցը չի փոխվում, մի քանի մլն դոլար վերցրածինը՝ փոխվում է «Հրապարակ». ՔՊ-ական պատգամավորների միջեւ «ռազբորկա» է տեղի ունեցել «Ժողովուրդ». Պատգամավոր Հայկ Սարգսյանը սպանության օրը եղել է նախկին պատգամավորի տան մոտ՝ սպասելով Տույին «Ժողովուրդ». ՀՔԾ-ն հարցաքննության է կանչել Հայկ Սարգսյանին Ինչպես Սեյրան Օհանյանը շիշը նետեց Հայկ Սարգսյանի ուղղությամբ (տեսանյութ) «Իրավունք». Որտե՞ղ է մեղրամիսն անցկացրել պատգամավոր Հայկ Սարգսյանը Հայկ Սարգսյանի հարսնացուի գեղեցիկ անակնկալը` սիրելիին (տեսանյութ) «Հրապարակ». Հայկ Սարգսյանի հարսանիքին մոտ 500 հյուր է մասնակցել՝ կրիմինալ աշխարհից մինչեւ քաղաքական Հայկ Սարգսյանը զվարճանում է Թաթուլի կենդանի կատարման ներքո Նոր լուսանկարներ՝ Հայկ Սարգսյանի հարսանիքից