Մարությանի «բյուջետային» ֆիասկոն՝ նախկին քաղաքապետերի կատարած աշխատանքի ֆոնին

2018-ին երևանցիների 80 տոկոս քվեն ստացած Հայկ Մարությանը այսօր ավագանու նիստում ներկայացնում է մի փաստաթուղթ, որը, իրավամբ, կարելի է անվանել իր քաղաքապետության տապալման խորհրդանիշը: Խոսքը Երևանի՝ 2020 թվականի բյուջեի կատարողականի հաշվետվության մասին է, ավելի ճիշտ՝ այն մասին, թե ինչ չեն արել նախորդ տարում Մարությանը և իր թիմը: Սակայն, որպեսզի պատկերը առավել ամբողջական լինի գանք մի փոքր հեռվից՝ 2019 թվականի Երևանի բյուջեի կատարողականը արդեն իսկ մտածելու տեղիք էր տալիս և հարցականի տակ էր դնում Մարությանի՝ լավ կառավարչի ամպուլան: 

2019 թվականի բյուջեի փաստացի եկամուտները կազմել են 75.0 մլրդ դրամ: Եկամուտների հավաքագրման փաստացի կատարողականը ճշտված պլանի նկատմամբ (86.4 մլրդ դրամ) կազմել է 86.8%: Այլ կերպ ասած՝ եկամուտների հավաքագրումը ճշտված պլանի նկատմամբ թերակատարվել է 11.4 մլրդ դրամով կամ 13.2%-ով։ Երևանի 2019թ. բյուջեի հաստատված պլանով նախատեսվել էր 83.1 մլրդ դրամի եկամուտներ: 2019-ի փաստացի կատարողականը հաստատված պլանի նկատմամբ եկամուտների հավաքագրման մասով կազմել է 90.3%:: 2020 թվականի բյուջեի ընդամենը փաստացի եկամուտները կազմել են 73,364,346.2 հազար դրամ՝ ծրագրված (84,941,605.9 հազար դրամի նկատմամբ, կամ կատարողականը կազմել է 63.5%: Հետընթացը, ինչպես տեսնում ենք, ակնհայտ է:

Իսկ ինչ պատկեր էր այս առումով Հայկ Մարությանի նախորդների մոտ: Դիցուք՝ անգամ ամենակարճ ժամանակահատվածը քաղաքապետի պաշտոնը զբաղեցրած Գագիկ Բեգլարյանը 2009-ից 2010 թվականներին ապահովել է տպավորիչ արդյունքներ՝ բյուջեի կատարողականի մասով: 2010 թվականին՝  բյուջեն եկամուտների գծով կսզմել է ` 72,045,700.4 հազ. դրամ նախատեսված 71.654.45 միլիարդի դիմաց, ծախսերի գծով` 68,845,700.4 հազ. դրամ: Բյուջեն Գագիկ Բեգլարյանի կառավարման մեկ տարվա ընթացքում գերակատարվել է բոլոր կետերով: 2010 թվականի. բյուջեն փաստացի արդյունքներով կատարվել է աննախադեպ՝ 8.3 մլրդ դրամ հավելուրդով, ճշտված պլանով նախատեսված 8.3 մլրդ դրամ պակասուրդի փոխարեն:

Նախահեղափոխական տարիներին, երբ քաղաքապետի պաշտոնը զբաղեցնում էր Տարոն Մարգարյանը պատկերը հետևյալն էր: 2016-ի բյուջեի ընդամենը փաստացի եկամուտները կազմել են 77.331.082.2 հազար դրամ՝ ծրագրված 75.704.536.0 հազար դրամի դիմաց, իսկ կատարողականը կազմել է 100.2 տոկոս: 2017 թվականի բյուջեի ընդամենը փաստացի եկամուտները կազմել են 72,479,069.9 հազար դրամ, ծրագրված (ճշտված) 72,289,608.7 հազար դրամի նկատմամբ, կամ կատարողականը կազմել է 100.3%։ Ընդ որում` Երևան քաղաքի 2017 թվականի բյուջեի վարչական մասով ծրագրված  72,276,808.7 հազար դրամ ընդամենը եկամուտների դիմաց փաստացի մուտքագրվել է 72,449,035.8  հազար դրամ՝ ապահովելով 100.2% կատարողական: 

Տարբերությունը, ինչպես ասում են, երևում է նաև անզեն աչքով: Հայկ Մարությանը, ի տարբերություն իր նախորդների, պարզապես տապալել է Երևանի կառավարումը, իսկ 2020 թվականի բյուջեի կատարողականի հաշվետվությունը, այն էլ ՝ իր նախորդների կատարած աշխատանքի ֆոնին՝ ասվածի վառ ապացույցն է: Միակ հարցը թերևս այն է, թե ով է, ի վերջո, պատասխան տալու՝ նման խայտառակ կառավարչական լուծումների համար, որոնք հանգեցրել են բյուջեի կատարողականի տապալմանը:

Այս թեմայով «ՔՊ–ն ավելի է խստացնելու բռնաճնշումները»․ Մարությանն ընդդիմադիրներին համախմբվելու կոչ է անում Ոչինչ չի ասվել Ալիևի ռեժիմի Արցախում և հայերի դեմ իրականացրած և շարունակվող հանցագործությունների մասին․ Բեգլարյան ՔՊ-ական «դեմոկրատիան» այսօր նոր ռեկորդ է սահմանել. Հայկ Մարության (լուսանկար) Ի՞նչ ունեք ինձ հետ կիսելու, եթե ոչ մեկի հաշվին չեմ իմ հանրային գործունեությունը ծավալում․ Արտակ Բեգլարյան Հայոց հզոր բանակն այլընտրանք չունի, եթե ցանկանում ենք լինել որպես ազգ ու պետականություն. Արտակ Բեգլարյան Արմեն Մազմանյանը «Ադրինը» ծախեց 1 մլն դոլարով, ու սկսվեց «Գոյի» պայքարը. Մարության Մարտի 20-ի հանրահավաքը որևէ առնչություն չունի արցախյան և հայաստանյան քաղաքական ուժերի հետ. Արտակ Բեգլարյան Ճնշումներ են նկատվում Արցախի ժողովրդի կարիքների ապահովման նախաձեռնություն որոշ անդամների նկատմամբ. Բեգլարյան Ի պատասխան ՀՀ վարչապետ Նիկոլ Փաշինյանի վերջին ասուլիսի պնդման․ Արտակ Բեգլարյան Մարությանին և ավագանու մյուս անդամներին մանդատից զրկելու գործողությունը կվիճարկվի դատարանում, ապա նաև ՍԴ-ում