«Իմ քայլը» խմբակցության «քյասիբ հեղափոխականները»

Հեղափոխությունից հետո ՔՊ-ական պատգամավորները հայտարարում էին, որ իրենք որակապես տարբերվելու են նախկիններից, հասարակությունից չեն թաքցնելու իրենց ունեցվածքը, լինելու են թափանցիկ, ավելին՝ մնալու են «քյասիբ հեղափոխական»:

Ինչպես երևում է` մի շարք պաշտոնյաներ, մասնավորապես՝ «Իմ քայլը» խմբակցությունից բառացի են հասկացել «քյասիբ հեղափոխականի» դերում մնալու խոստումը և ոչ մի կերպ այդ դերից դուրս գալ չեն ցանկանում: Բանն այն է, որ չնայած բարձր աշխատավարձերին, երկու տարի բաշխվող պարգևավճարներին՝ մի շարք պատգամավորներ չեն հայտարարագրել ոչ մի անշարժ և շարժական գույք, ինչը, համաձայնեք, նոնսենս է:

Արփի Դավոյանը չի հայտարարագրել և ոչ մի տեսակի անշարժ գույք, հարց է առաջանում՝ իսկ որտե՞ղ է բնակվում սույն պատգամավորը; Վերջինիս համար մտահոգությունները մի փոքր փարատվում են միայն հայտարարագրած 8,945,560.00 գումարը տեսնելիս:

Արուսյակ Ջուլհակյանը նույնպես որևէ շարժական կամ անշարժ գույք չի հայտարարագրել:

Նույնը վերաբերվում է նաև Արման Եղոյանին:

Թագուհի Ղազարյանը, ըստ իր հայտարարագրի, նույնպես չի հասցրել տնավորվել և նույնիսկ սեփական ավտոմեքենա չունի:

Հակոբ Սիմիդյանը էլ ավելի հեռուն է գնացել՝ հանրության դատին ներկայացնելով դատարկ հայտարարագիր:

Հովիկ Աղազարյանը հայտարարագրել է ընդամենը մեկ հողամաս:

Մերի Գալստյանը նույնպես մոռացել է նշել իր անշարժ կամ շարժական գույքի առակայության փաստը:

Առանձնահատուկ «քյասիբների» շարքում է նաև Մխիթար Հայրապետյանը:

Ռուբեն Ռուբինյանը, Նոր Հայաստանում մի քանի պաշտոն փոխելով, այդպես էլ ձեռք չի բերել ոչ բնակարան, ոչ էլ ավտոմեքենա: Համենայնդեպս, վերջիններիս բացակայությունը աչք է ծակում պատգամավորի հայտարարագրում:

Մշտապես բոլորի վրա հոխոռտացող Վաղարշակ Հակոբյանը հայտարարագրել է ընդամենը «մեկ Տոյոտա» մակնիշի ավտոմեքենա:

Այսքանից հետո հարց է առաջանում՝ իսկ ո՞ւմ են փորձում հիմարացնել իշխանական պատգամավորները՝ հպարտ քաղաքացիների՞ն…

Այս թեմայով «Ժողովուրդ». Կոռուպցիոն բացահայտում. Արցախից 467 մլն դոլար մսխվել է օվշորներում. Վարդան Սրմաքեշ, պաշտոնյաներ եւ այլոք Խուլիգանության դեպք՝ Երևանում․ մասնակիցների մեջ են քաղաքապետարանի բարձրաստիճան պաշտոնյաներ ՈՒՂԻՂ. Գևորգ Վարդանյանի կիսանդրու բացումը. ներկա են բարձրաստիճան պաշտոնյաներ Աշոտյանի համար երաշխավորություն են ներկայացրել Կոլումբիայի նախկին նախագահը և մի շարք պաշտոնյաներ Մեզ պետք են ոչ թե հարցեր բարձրացնող, այլ դրանք լուծող պաշտոնյաներ․ Փաշինյան Հեղափոխական պաշտոնյաների աշխատանքի ՕԳԳ-ն. Դավիթ Ղուլունց Բայրամովը հայտարարել է, թե ԵՄ որոշ պաշտոնյաներ խաթարում են ԵՄ անաչառ միջնորդի դերը հայ-ադրբեջանական հարաբերություններում Պաշտոնյաներ կան, ովքեր ասել են` իրենք Հայաստանի վերջին ղեկավարներն են. Նահապետյան Բաքվում պահվում են 55 հայեր. 6 քաղաքացիական անձինք, 41 ռազմագերիներ, նախկին բարձրաստիճան պաշտոնյաներ «Ժողովուրդ». ՔՊ պաշտոնյաներ Ռուբինյանն ու Արշակյանը սահմանաչափից շատ բենզին են օգտագործում՝ առանց հիմնավորման