Գյուղվարկերի տոկոսադրույքների սուբսիդավորման ծրագրով տրամադրվել է 4 անգամ ավելի շատ վարկ

Հայաստանում 2020-ին գյուղատնտեսական ոլորտին տրամադրվող վարկերի տոկոսադրույքների սուբսիդավորման ծրագրի շրջանակում տրամադրվել է 4 անգամ ավելի շատ վարկ, տրամադրված գումարն ավել է եղել 75 տոկոսով: «Արմենպրես»-ի հաղորդմամբ՝ այս մասին ասաց ՀՀ էկոնոմիկայի փոխնախարար Տիգրան Գաբրիելյանը՝ ԱԺ Տարածքային կառավարման, տեղական ինքնակառավարման, գյուղատնտեսության եւ բնապահպանության հարցերի մշտական հանձնաժողովի նիստում Հանրապետության կառավարության ծրագրի 2020 թվականի կատարման ընթացքի եւ արդյունքների մասին զեկույցի ներկայացմանը:

Փոխնախարարը նշեց, որ 2020-ին շարունակվել են իրականացվել գյուղատնտեսական ոլորտի պետական աջակցության ծրագրերը, որոնք և  բովանդակային և ֆինանսական առումով որոշակի փոփոխությունների են ենթարկվել՝ կորոնավիրուսի տնտեսական հետևանքները մեղմելու նպատակով կառավարության կողմից առաջարկած 2-րդ և 24-րդ շրջանակներում:

«Այս միջոցառումների արդյունքում տնտեսավարողներին հնարավորություն է տրվել օգտվել որոշակի արտոնություններից՝ պահպանելով նրանց գործունեության բնականոն ընթացքը: Գյուղատնտեսական ոլորտին տրամադրվող վարկերի տոկոսադրույքների սուբսիդավորման ծրագրի շրջանակում 2020-ին տրամադրվել է 4 անգամ ավելի շատ վարկ: Տրամադրված վարկերի գումարը շուրջ 75 տոկոսով ավել է եղել»,-ասաց Գաբրիելյանը:

2020-ին նաև Փոքր ու միջին խելացի անասնաշենքների կառուցման և վերակառուցման, դրանց տեխնոլոգիական ապահովման պետական աջակցության ծրագրի շրջանակներում շահագործման է հանձնվել 13 անասնաշենք:

2019-2024 թթ համար նախատեսված տավարաբուծության զարգացման ծրագրով 2020-ին ձեռք է բերվել և Հայաստան ներկրվել շուրջ 400 գլուխ խոշոր եղջերավոր կենդանի, որի վարկի գումարը կազմել է մոտ 350 մլն դրամ ՝ 51.5 մլն դրամ սուբսիդավորման գումարով:

Այս թեմայով Առաջին անգամ Ցեղասպանության թանգարանում մարդ չկար, հրաժարվելու հիմքն արդեն դրված է (տեսանյութ) Փաշինյանը 3 անգամ կիրառել է Հայոց ցեղասպանություն, 11 անգամ` Մեծ եղեռն ձևակերպումները. թյուրքագետ Էդ Երկրապահ կոչեցյալը երկրորդ անգամ ա մարդկանց վրաերթի ենթարկում ու ազատ ման ա գալիս. Դանիելյան (տեսանյութ) ԵԿՄ Վիլիսը 3-րդ անգամ ա քշում մարդկանց վրա, նոր ե՞ք հետախուզում հայտարարում. Դանիելյանը՝ պարեկներին (տեսանյութ) Կանայք ավելի շատ են պայքարում, տղամարդկանց վախեցրել են․ նոյեմբերյանցի (տեսանյութ) Ցեղասպանության դեմ պայքարը ամեն հանգրվանին էլ ավելի մարտահրավերներ է բացել մեր առաջ․ Օսկանյան Առաջին անգամ Հայաստանը և Ադրբեջանը սեղանի շուրջ հարց են լուծել. Նիկոլ Փաշինյան ՀՀ պետական բյուջե մուտքագրվել է ավելի քան 20 մլն ՀՀ դրամ. ԲԸՏՄ Porsche-ն ներկայացրել է ավելի քան 15 000 դոլար արժողությամբ էլեկտրական հեծանիվ (լուսանկարներ) Բացահայտվել է ընդհանուր ավելի քան 13 կգ «Հերոին», «Մեթամֆետամին» և «Մարիխուանա» տեսակի թմրամիջոցների մաքսանենգության դեպք