«Հայրենիք» կուսակցությունը կմասնակցի արտահերթ ընտրություններին. Վանեցյան
Քաղաքական«Հայրենիք» կուսակցությունը, անկախ «Հայրենիքի փրկության շարժումից», կմասնակցի արտահերթ ընտրություններին: Այս մասին ԼՈՒՐԵՐ.com-ի հետ զրույցում ասաց «Հայրենիք» կուսակցության նախագահ, ԱԱԾ նախկին տնօրեն Արթուր Վանեցյանը:
«Մենք մասնակցելու ենք, բայց, թե ինչ ձևաչափով, դեռ չեմ կարող ասել: Կուսակցության ներսում քննարկում կիրականացնենք և կհայտարարենք»,- ընդգծեց Վանեցյանը:
Վերջինս հավելեց նաև, որ առանձին հանդիպում և քննարկում կանցկացնեն նաև «Հայրենիքի փրկության շարժման» անդամների հետ:
Հիշեցնենք, որ Նիկոլ Փաշինյանն ֆեյսբուքյան իր էջում տեղեկացրել էր, որ տեղի է ունեցել իր հանդիպումը «Բարգավաճ Հայաստան» խմբակցության ղեկավար Գագիկ Ծառուկյանի հետ և հանդիպման ընթացքում արձանագրել են, որ ստեղծված ներքաղաքական իրադրությունից լավագույն ելքը արտահերթ խորհրդարանական ընտրություններն են:
«Հաշվի առնելով նաեւ՝ Հայաստանի Հանրապետության նախագահի հետ, «Իմ քայլը» խմբակցության հետ, «Լուսավոր Հայաստան» խմբակցության ղեկավար Էդմոն Մարուքյանի հետ իմ ունեցած քննարկումները՝ սույն թվականի հունիսի 20-ին Հայաստան Հանրապետությունում կանցկացվեն արտահերթ խորհրդարանական ընտրություններ»,– գրել էր Նիկոլ Փաշինյանը:
Արփինե Հակոբյան