Սերժ Սարգսյանի գույքի վրա դրված կալանքը չի վերացվի

Երեւան քաղաքի ընդհանուր իրավասության դատարանի Ավանի եւ Նոր Նորք նստավայրում` դատավոր Վահե Միսակյանի նախագահությամբ, այսօր՝ մարտի 19-ին, մերժվեց ՀՀ երրորդ նախագահ Սերժ Սարգսյանի գույքի վրա դրված կալանքը վերացնելու մասին պաշտպանի միջնորդությունը։

Պաշտպանական կողմը նշել էր, որ Սերժ Սարգսյանի գույքի վրա կալանք դնելու մասին քննիչի որոշումը ոչ իրավաչափ է, ակնհայտ չհիմնավորված եւ չպատճառաբանված. «Գույքի վրա կալանք դնելիս խախտվել են տվյալ դատավարական հարկադրանքի միջոցի կիրառումը կանոնակարգող, Քրեական դատավարության օրենսգրքի բազմաթիվ հոդվածներ»։

Ըստ մեղադրական եզրակացության՝ Սերժ Սարգսյանի կազմակերպմամբ եւ Բարսեղ Բեգլարյանի դրդմամբ, Սամվել Գալստյանի ու Գեւորգ Հարությունյանի օժանդակությամբ, Սերգո Կարապետյանի կողմից 2013 թվականի հունվարի 25-ից փետրվարի 7-ն ընկած ժամանակահատվածում ՀՀ կառավարության պահուստային ֆոնդից վատնվել է պետական աջակցության ծրագրերի իրականացման ընթացքում իրացված 15.391.765 լիտր դիզելային վառելիքի համար հատկացված սուբսիդիայի առանձնապես խոշոր չափերով գումարը՝ 489.160.310 ՀՀ դրամ:

Սերժ Սարգսյանին մեղադրանք է առաջադրվել ՀՀ ՔՕ 38-179-րդ հոդվածի 3-րդ մասի 1-ին կետով՝ առանձնապես խոշոր չափերով յուրացնելը կամ վատնելը։

Երրորդ նախագահն իրեն առաջադրված մեղադրանքը չի ընդունում։ Նրա պաշտպան Ամրամ Մակինյանը պնդում է, որ մեղադրանքը շինծու է։

Այս թեմայով Սամվելի դեպքը այլանդակության գագաթնակետն է, աղմուկը շատ էր, դրա համար կալանք չկիրառվեց Բավականին մեծ աշխատանք է կատարվել ռազմավարական հաղորդակցության նոր ճարտարապետության ձևավորման ուղղությամբ. Հարությունյան Գլխավոր դատախազությունում քննարկվել է ապօրինի ծագում ունեցող գույքի բռնագանձման ոլորտներում ԱՄՆ-ի հետ փոխօգնության խորացման հարցը ՌԴ շուկա արգելել են մտնի հայկական կաթնամթերքը, բայց իրանցը դրված ա մեր վաճառասեղաններին. Գաբրիելյան Աշոտյանի գույքի վրա արգելանքի մասին հայցը «PR» ակցիա է քաղաքական հետապնդման մասին. փաստաբան Ներկայում մոտ 900 անձի նկատմամբ կիրառվել է տնային կալանք և վարչական հսկողություն․ Մինասյան 900 հոգի չի հայտնվել բանտում, որովհետև դատարանն արդեն կարողանում է տնային կալանք տալ. Մինասյան «Դուք էս երկրի վարչապե՞տն եք, թե Բաքվի անշարժ գույքի գործակալը». Լ. Քոչարյանը՝ Փաշինյանին Թևերի տակ դրված եվրա... բարձ. «Փաստ» Հակակոռուպցիոն դատարանը վարույթ է ընդունել ապօրինի ծագում ունեցող գույքի բռնագանձման վերաբերյալ երեք հայցադիմումները