Մոուրինյոն ներողություն է խնդրել «Տոտենհեմի» երկրպագուներից
Սպորտ«Տոտենհեմի» գլխավոր մարզիչ Ժոզե Մոուրինյոն ներողություն է խնդրել լոնդոնյան ակումբի երկրպագուներից Եվրոպայի լիգայի 1/8 եզրափակչի պատասխան խաղում Զագրեբի «Դինամոյից» կրած պարտության համար:
Հինգշաբթի օրը «Տոտենհեմը» Զագրեբում 0:3 հաշվով պարտվեց «Դինամոյին» և ավարտեց ելույթները Եվրոպա լիգայում: «Կարծում եմ, որ «Դինամոյի» տրամադրվածությունը այդ խաղին «համեստ» էր: Բայց այն ցանկությունը, շարժառիթը, այն հպարտությունը` համաշխարհային ֆուտբոլային շուկային ապացուցելու, որ իրենք տաղանդ ունեն, որակ ունեն, նրանց ստիպեց խաղալ մեծ ոգևորությամբ: Նրանք քրտինք, արյուն ու էներգիա թափեցին: Ի վերջո, ուրախության արցունքներ եղան: Նրանք շատ համեստ և նպատակասլաց են: Ես ստիպված եմ նրանց գովել: Մյուս կողմից, իմ թիմի համար դա կարծես թե կարևոր հանդիպում չէր: Եթե նրանցից ոմանց համար դա կարևոր չէ, կարևոր է ինձ համար։ Ես կարող եմ միայն ներողություն խնդրել «Տոտենհեմի» երկրպագուներից», - Մուրինյոյին մեջբերում է Daily Mail-ը: