Ովքե՞ր են իշխանական շրջանակներից իրենց օրենքից վեր դասում

Իշխանություններն այսօր որոշել էին օրենքի և իրավունքի ուժի անտեսման հերթական մաստեր-կլասսը ցույց տալ: Մասնավորապես, Նիկոլ Փաշինյանը առավոտյան հայտարարել էր, որ իրավունքի ուժով Արտակ Դավթյանը ստանձնում է ԳՇ պետի պաշտոնը. ստացվում է, որ Փաշինյանը պարզապես աչք է փակում վարչական դատարանի կայացրած վճռի վրա ցույց տալով, որ ինքը և իր կողմից թելադրված իրավունքի ուժը ավելի զորեղ են:

Սա առաջին դեպքը չէ, երբ ՔՊ-ական պաշտոնյաները իրենց օրենքից վեր են դասում: Օրինակ` ամիսներ առաջ վերաքննիչ քաղաքացիական դատարանը առողջապահության նախարար Արսեն Թորոսյանին պարտավորեցրել էր ներողություն խնդրել «Սուրբ Գրիգոր Լուսավորիչ» ԲԿ նախկին տնօրեն Արա Մինասյանից: Արսեն Թորոսյանը Ֆեյսբուքի իր էջում հրապարակել էր վճիռը, այնուհետև ուղիղ եթերով հայտարարել, որ հանրությունը շարունակում է չվստահել Հայաստանի դատական համակարգին, դրանից հետո էլ ապաակտիվացրել էր ֆեյսբուքյան էջը՝ անտեսելով դատարանի վճիռը:

Պաշտպանության նախարարությունը չի կատարել դատարանի օրինական ուժի մեջ մտած վճիռը: Դատարանը պարտավորեցրել էր պաշտպանության նախարարությանը տրամադրել Ցոլակ Խաչատրյանին 288,6 օր չօգտագործված արձակուրդի դիմաց հատուցում: Ց. Խաչատրյանը 1995 թվականից մինչեւ 2014 թվականը ծառայել է ՀՀ զինված ուժերում: 2014 թվականին նա ազատվել էր ծառայությունից, սակայն նրան այդ պահին չօգտագործված արձակուրդների դիմաց դրամական հատուցում չի վճարվել: Հայցվորը դիմել էր ՀՀ պաշտպանության նախարարին՝ խնդրելով վճարել վերջնահաշվարկը եւ դրա նկատմամբ հաշվարկված տույժերը:

Ստեփանավանի թիվ 3 դպրոցի նախկին տնօրեն Նառա Մկրտչյանը շուրջ մեկ տարվա պայքարից հետո շահել էր դատը՝ անվավեր էր ճանաչվել մարզպետ Անդրեյ Ղուկասյանի՝ աշխատանքային պայմանագիրը լուծարելու որոշումը: Ավելին` մարզպետարանից հօգուտ Ն․ Մկրտչյանի կբռնագանձվի հարկադիր պարապուրդի ողջ ժամանակահատվածի աշխատավարձը: Նա 2013-ից եղել էր դպրոցի տնօրեն, 2019-ի մայիսին մարզպետի հրամանով ազատվել է:

Նիկոլ Փաշինյանին դատարանը պարտավորեցրել էր ներողություն խնդրել Գագիկ Խաչատրյանի ընտանիքից, ինչը, սակայն, չի արվել:

ՀՀ վարչական դատարանը (նախագահությամբ Ա.Ծատուրյանի) անվավեր է ճանաչել Կենտրոն և Արաբկիր վարչական շրջանների վարչական ակտերը, որոնցով, ըստ էության, մերժվել էին ՀՀ երկրորդ նախագահ Ռոբերտ Քոչարյանի հեղինակած «Կյանք և ազատություն» գրքի գովազդումը: Դատարանը պարտավորեցրել է վարչական շրջաններին տրամադրել գովազդի թույլտվություն:

Այս թեմայով Պետք է հեռանա Փաշինյանը, չի կարող լինել այսպիսի իշխանություն. Տավուշի թեմի առաջնորդ Ամենաշատը կարող եք հաչալ, ձեր ականջները կտեսնեք՝ իշխանություն չեք տեսնի. Ավինյանը ափերից դուրս եկավ ԱԺ-ում չկա ընդդիմություն, երկուսն էլ իշխանություն են՝ մեկը մեծամասնություն, մյուսը՝ փոքրամասնություն ՀՀ-ում իշխանություն չկա, այստեղ հակաժողովրդավարական ռեժիմ է, 1 անձի իշխանություն. Շարմազանով Հայ ժողովուրդը պատերազմից չի վախենում, բայց հայ ժողովրդին վախեցնող իշխանություն պետք չէ․ Օհանյան Մարդկանց վախեցնում են, թե իշխանությունը Մեղրին հանձնում է, քանի որ դատարաններ են փակվում Ինչու՞ Բաքուն Տավուշի գյուղերի հարցը 15 տարի առաջ չէր ներկայացնում, գիտի` ինչ իշխանություն է իր առջև Այ մարդ, իշխանություն եք ուզում, գնացեք քվե ստացեք, մեզնից ի՞նչ եք ուզում. Միրզոյանը՝ Խաչատրյանին Ձևավորելու ենք նոր իշխանություն, որը կանի էն, ինչ ասում էր 2018-ին․ ճանապարհին ենք․ Մարության Սկսում են գործողությունների շարք, որի նպատակը երկրում նոր իշխանություն ձևավորելն է․ «Փաստ»