Անկախ ընտրակարգից՝ ԼՀԿ-ն մասնակցելու է ընտրություններին. Գորգիսյան

«Լուսավոր Հայաստանը», թեև դեմ է ընտրություններից առաջ ռեյտինգային ընտրակարգը վերացնելուն և փակ ցուցակներով համամասնական ընտրակարգով ընտրությունների անցկացման տարբերակին, սակայն ամեն դեպքում կմասնակցի ընտրություններին:

Այս մասին ԱԺ ճեպազրույցում ասաց «Լուսավոր Հայաստան» խմբակցության պատգամավոր Գևորգ Գորգիսյանը:

Գորգիսյանը նախ հիշեցրեց, որ դեռ 2016-ից «Լուսավոր Հայաստան» կուսակցությունն առաջարկել է ընտրությունների անցկացման համար բաց ցուցակով համամասնական ընտրակարգի:

«2019-ից սկսվել են ԱԺ-ում աշխատանքներ՝ Ընտրական օրենսգրքի փոփոխությունների վրա, և մենք ակտիվորեն ներգրավված ենք եղել այդ գործընթացների մեջ: ԼՀԿ-ն առաջարկել է բաց համամասնական ընտրակարգ»,- ասաց նա ու ներկայացրեց բաց համամասնական ցուցակի առավելությունները:

Պատգամավորը նշեց, որ իրենց առաջարկով տարբերակը հիմնական տարբերակին զուգահեռ ուղարկվել է Վենետիկի հանձնաժողով:

«Խաղի կանոնները պրոցեսի ընթացքում փոխել չի կարելի ընդհանրապես: Ինչքան էլ խաղի կանոնները հեշտացվեն, բարդացվեն, լավացվեն, վատացվեն, միևնույն է՝ գործընթացը արդեն իսկ սկսված է»,-ասաց նա:

Անդրադառնալով հարցին, թե ի՞նչ է անելու ԼՀԿ-ն, եթե իշխանությունը ի վերջո փոխի ընտրակարգը, հանի ռեյտինգայինը՝ Գորգիսյանն ասաց. «Կարևոր է ընտրությունները որևէ կերպ չհետաձգելը, կարևոր է դրանց լեգիտիմությունը, կարևոր է, որ դրանով թոթափվի այն լարվածությունը, որ այսօր կա: Դրա համար են մենք նաև պնդում, որ այսօր խաղի կանոնները փոխել պետք չէ: Բայց, եթե այդպես լինի, միևնույն է, «Լուսավոր Հայաստանը» մասնակցելու է ընտրություններին և հաղթելու է»,- նշեց նա:

Ըստ նրա՝ եթե իշխանությունը հակված է գործելու խաղի իր կանոններով, ամեն ինչ իրեն հարմարեցնելով, դա առաջին հերթին վնասելու է ընտրությունների լեգիտիմությանը, լարվածության թոթափմանը ընտրություններից հետո:

Այս թեմայով Գեւորգ Գորգիսյանն ընտրվել է «Լուսավոր Հայաստանի» փոխնախագահ Ուզում եմ ասել մեկ բան՝ պարո՛ն վարչապետ, չեմ հավատում. Գևորգ Գորգիսյան «Լուսավոր Հայաստան»-ը ընտրություններին մասնակցելու է միայնակ՝ իր բրենդով, իր ցուցակով. Գորգիսյան Ցանկացած ընտրակարգով կարելի է կազմակերպել կատարյալ լավ կամ խայտառակ վատ ընտրություններ. Գևորգ Գորգիսյան ԱԱԾ-ից ինձ որպես վկա են հրավիրել՝ նոյեմբերի 9-ից-10-ը քաղաքացիների՝ ԱԺ մուտքի գործով Իմ այցից հետո Արա Սաղաթելյանին արգելվել է կապն արտաքին աշխարհի հետ. Գևորգ Գորգիսյան Խնդրում եմ ուղղակի, հեռացե′ք․ Գորգիսյանը՝ Փաշինյանին Ռազմական դրության սահմանափակումները տնտեսական հետևանքներ են թողնում. Գորգիսյան Ռազմական դրությունն օր առաջ հանելը կնպաստի այսօր առկա ճգնաժամի մեղմմանը. Գևորգ Գորգիսյան Վերջին անգամ գոռում ենք Արայիկ, հեռացի՛ր. Գևորգ Գորգիսյան