Վահրամ Դումանյանը ԲՈԿ-ի աշխատակազմին է ներկայացրել կոմիտեի նորանշանակ նախագահին

ՀՀ վարչապետ Նիկոլ Փաշինյանի որոշմամբ՝ Կարեն Քեռյանը նշանակվել է Բարձրագույն որակավորման կոմիտեի նախագահ։ Այս մասին հայտնում են ՀՀ ԿԳՄՍ նախարարության հասարակայնության հետ կապերի և տեղեկատվության վարչությունից:

Կրթության, գիտության, մշակույթի և սպորտի նախարար Վահրամ Դումանյանը մարտի 26-ին Բարձրագույն որակավորման կոմիտեի աշխատակազմին է ներկայացրել կոմիտեի նորանշանակ նախագահ Կարեն Քեռյանին:

Կատարած աշխատանքի համար շնորհակալություն հայտնելով ԲՈԿ-ի անձնակազմին` նախարարն արդյունավետ աշխատանքային գործունություն է մաղթել Կարեն Քեռյանին: Վահրամ Դումանյանը հույս է հայտնել, որ ԲՈԿ-ի նոր նախագահին կհաջողվի իրագործել «Բարձրագույն կրթության և գիտության մասին» ՀՀ նոր օրենքի ընդունմամբ պայմանավորված գիտական աստիճանաշնորհման համակարգի բարեփոխումները:

«Մենք ակնկալում ենք բովանդակային աշխատանք. շահարկումներն ու տարատեսակ անվանարկումները ԲՈԿ-ի հետ չպետք է առնչություններ ունենան»,- ընդգծել է  Վահրամ Դումանյանը:

Կարեն Քեռյանը շնորհակալություն է հայտնել գիտական աստիճանաշնորհման համակարգի ղեկավարման պատասխանատվությունն իրեն վստահելու համար` նշելով, որ համակարգի առաջ ծառացած խնդիրները պետք է լուծվեն համատեղ ուժերով:

«Շատ կարևոր են միասնական նպատակի սահմանումը և դրան միտված ծրագրային բարեփոխումների իրականացումը»,- նշել է նա` ավելացնելով, որ ակնկալում է ԲՈԿ-ի անձնակազմի և ԿԳՄՍ նախարարության  հետ համագործակցված ու արդյունավետ աշխատանք:

Հավելենք, որ Կարեն Քեռյանը ֆիզիկամաթեմատիկական գիտությունների թեկնածու է, դասախոսում է Երևանի պետական և Հայաստանի ամերիկյան համալսարաններում, եղել է Հայաստանի թիմի ղեկավարն ուսանողական միջազգային օլիմպիադաներում:

Այս թեմայով «Ժողովուրդ». Սեպտեմբերյան էսկալացիան երկարացրել է Վահրամ Դումանյանի պաշտոնավարումը «Դժվարին օրեր ենք ապրում, որտեղ յուրաքանչյուրիս առաքելությունը կրկնակի կարևոր է, ձերը՝ առավել քան» Հայկական կողմը կարևորում է ՀՀ-ում ռուսերենի զարգացման հարցը. Վահրամ Դումանյան Կա պայմանավորվածություն դասասենյակներում աշակերտների թվի սահմանափակումը չեղարկելու վերաբերյալ. Ժաննա Անդրեասյան Ստորագրվել է համաձայնագիր հանրակրթական դպրոցներում ֆրանսերենի դասավանդման զարգացման վերաբերյալ ԿԳՄՍ նախարարը դրես-կոդ է մտցրել. «Հրապարակ» Հայտնի են մեկ փոխվարչապետի և վեց նախարարների անունները Հասարակությունը մեզնից լուրջ ակնկալիքներ ունի. Վահրամ Դումանյան Վահրամ Դումանյան՝ իր և վարչապետի կոշտ խոսակցության մասին «Ժողովուրդ». Վահրամ Դումանյանի դեմ դավեր են նյութում․ նախարարի պաշտոնի համար «պայքարում է» Մխիթար Հայրապետյանը