Ինչո՞վ է հայտնի ՔԿ նախագահի տեղակալը և ինչ է նա հայտարարագրել

Այսօր տեղեկություն տարածվեց, որ Անդրանիկ Սիմոնյանին մի քանի օր անց նշանակելու են ԱԱԾ փոխտնօրեն, որից հետո էլ կնշանակեն ԱԱԾ տնօրեն, ինչպես եղավ Արգիշտի Քյարամյանի դեպքում: Երեկ հայտնի դարձավ, որ քննչական կոմիտեի նախագահի տեղակալ է նշանակվել դատավոր Անդրանիկ Սիմոնյանը, որը դատական համակարգում աչքի է ընկել նիստեր չկայացնելով եւ առհասարակ աշխատանքի չներկայանալով:

Ընդ որում, մինչ դատավորի պաշտոնը ստանձնելը՝ դատախազությունում աշխատելիս Սիմոնյանը հայտնի է դարձել թղթե տանկի գործով: Հիշեցնենք, 2016 թվականին ստվարաթղթից պատրաստված տանկով Ազգային անվտանգության ծառայության երկաթյա դարպասին հարվածելու համար Արտակ Գևորգյանին մեղադրանք է առաջադրվել խուլիգանության, ուրիշի գույքը ոչնչացնելու կամ վնասելու համար: Նախատեսվում էր, որ մեղադրող դատախազ Անդրանիկ Սիմոնյանը պետք է հանդես գար մեղադրական ճառով, որին պատրաստվելու համար դատարանից 10 օր ժամանակ էր խնդրել, սակայն նա ոտքի կագնեց առանց թղթի եւ հայտարարեց, որ հրաժարվում է Արտակ Գեւորգյանի մեղադրանքից՝ հանցակազմի բացակայության հիմքով:

Ոչ պակաս ուշագրավ է Սիմոնյանի հայտարարագիրը. այսպես, 2020 թվականին նա գնել է LEXUS ավտոմեքենա, ինչպես նաև հայտարարագրել է 10,000,000.00 դրամի և 20,000.00 ԱՄՆ դոլարի կանխիկ գումար: 3,726,000.00 դրամի փոխառություն ՝ ՎՏԲ Հայաստան բանկից:

2019-ին, երբ վերջինս դատախազությունում էր աշխատում, հայտարարագիրը ուներ հետևյալ տեսքը՝ հայտարարագրված էր ընդամենը 4,600,000.00 դրամի եկամուտ: Ինչպես տեսնում ենք՝ Սիմոնյանի գործերը զգալիորեն լավացել են վերջին մեկ տարվա ընթացքում:

Այս թեմայով «Ժողովուրդ». Բնակարան, մեքենա․ ի՞նչ հայտարարագիր է ներկայացրել Տավուշի նոր դատախազը Ինչպես ներկայացնել եկամուտների հայտարարագիր, ինչպես մուտք գործել համակարգ․ ՊԵԿ իրազեկումը Եկամուտների հայտարարագիր ներկայացնող քաղաքացիները պետք է իրականացնեն անձի նույնականացման գործընթաց ՊԵԿ-ը հորդորում է հայտարարագիր ներկայացնող քաղաքացիներին նախօրոք իրականացնել անձի նույնականացման գործընթաց Ովքեր պետք է 2024 թվականին ներկայացնեն եկամուտների հայտարարագիր Հայաստանի որոշ ռեզիդենտ քաղաքացիներ մինչև մայիսի 1-ը պետք է ներկայացնեն եկամուտների հայտարարագիր Դադարել են դատավորներ Կարեն Մարդանյանի և Սերգեյ Մարաբյանի լիազորությունները Դեկտեմբերի դրությամբ 3000 քաղաքացի հայտարարագիր է ներկայացրել եւ խոստովանել, որ վարձով բնակարան է տալիս Աշխատանքային պայմանագիր ունեցող բոլոր անձինք 2024-ից պետք է հայտարարագիր ներկայացնեն․ ֆիննախ ՀՀ նախագահը դատավորներ է նշանակել