«Հայրենիքի փրկության շարժման» առաջիկա գործողությունները բաժանվելու են 3 փուլի․ Իշխան Սաղաթելյան

Մենք ունենք բոլոր բավարար հիմքերը՝ մտածելու, որ իշխանությունները հերթական անգամ խաբելու են և ընտրություններ չեն նշանակելու։ Այս մասին այսօր՝ մարտի 28-ին, Դեմիրճյան փողոցում լրագրողների հետ ճեպազրույցում ասաց ՀՅԴ ԳՄ ներկայացուցիչ, «Հայրենիքի փրկության շարժման» համակարգող Իշխան Սաղաթելյանը։

«Սա առաջին դեպքը չէ, երբ «Շարժում»-ը թափ է հավաքել, վարչապետի աթոռն զբաղեցնող անձը խոսել է ընտրությունների մասին, հետո, երբ «Շարժում»-ը որոշակի պատճառով նահանջ է ունեցել, հայտարարել է՝ ընտրությունների ժողովրդական պահանջ չկա, հետևաբար, այդ մարդու որևէ խոսքին չենք վստահում ու մեր օրակարգով շարունակում ենք մեր պայքարը՝ պահանջելով Նիկոլ Փաշինյանի հրաժարականը։ Ընտրությունները նշանակելը «Շարժման» ձեռքբերումներից մեկն է, պահանջներից է, որ ինչ-որ չափով բավարարվել է, բայց մենք դա չենք դիտարկում որպես հաղթանակ։ Գնում ենք մեր պահանջն ամբողջությամբ բավարարելու ետևից»,-ասաց նա։

Սաղաթելյանի խոսքով՝ «Շարժման» առաջիկա գործողությունները բաժանվելու են երեք պայմանական փուլի։

«Առաջին՝ մինչև իր հրաժարական․ այսինքն՝ եթե իրականություն դառնա ընտրություններ նշանակելու հանգամանքը, վարչապետը պետք է հրաժարական տա։ Այդ հրաժարականը լինելու է ապրիլի 22-ից մայիսի 7-ն ընկած ժամանակահատվածում։ Առաջին փուլում մենք շարունակելու ենք մեր մարզային այցելությունները՝ ավելի լայն թափով, բողոքի, անհնազանդության ակցիաները։ Հեռացման պահանջը պետք է ավելի ամբողջացնենք նաև մարզերի բնոկչության հետ»,- նշեց նա։

Վերջինիս խոսքով երկրորդ փուլում՝ հրաժարական տալուց հետո՝ 14 օրերի ընթացքում, պետք է ամեն ինչ արվի, որ դե յուրե հրաժարականը դառնա դե ֆակտո։

«Այսինքն՝ ինքը հեռացվի և վարչապետի պաշտոնակատար չլինի։ Եթե այդ փուլում ինչ-ինչ պատճառներով մեր նպատակին չհասնենք, այդ ժամանակ նոր գալիս է ընտրական փուլը: Այդ ժամանակ «Շարժման» յուրաքանչյուր կուսակցություն ազատ է իր դիրքորոշման մեջ՝ մասնակցե՞լ ընտրություններին, թե՞ ոչ։ Ամենակարևորը՝ Նիկոլը այդ ընտրությունները դիտելու է որպես իր կաշին փրկելու միջոց: Մենք ամեն ինչ պետք է անենք, որ դա թույլ չտանք: Շաը կարևոր է, որ ընտրությանը մասնակցող քաղաքական ուժերը դա չդիտարկեն որպես պարզ, սովորական ընտրություն, այլ դիտարկեն դավաճանին հեռացնելու, հայրենիքը փրկելու ծրագիր՝ ընտրության միջոցով»,- ասաց նա։

Հարցին՝ Ռոբերտ Քոչարյան-ՀՅԴ համագործակցության մասին խոսակցություններն ինչքանո՞վ են իրատեսական, Սաղաթելյանն արձագանքեց, որ այս պահին նման քննարկումներ չունեն։

«Կլինի նշանակված ընտրությունը, Դաշնակցությունը կորոշի՝  մասնակցո՞ւմ է ընտրություններին, թե՞ ոչ և ի՞նչ ձևաչափով»,-նշեց նա:

Այս թեմայով Գյուղացիները թույլ չեն տվել Ոսկեպարի եկեղեցու շուրջ ականազերծման գործողություններ իրականացնել (տեսանյութ) Վարդան Ղուկասյանը սկսում է փողոցային պայքար. ապրիլի 18-ից կլինեն կոնկրետ գործողություններ ՈՒՂԻՂ. Հանրահավաք ԱԺ-ի դիմաց. պահանջում են Փաշինյանի հրաժարականը Հութիները գործողություններ են իրականացրել ԱՄՆ-ի, Իսրայելի և Բրիտանական նավերի դեմ Երևան քաղաքի՝ կարգազանց վարքով հայտնի բնակչի կողմից հանցավոր մի շարք գործողություններ կատարելու վարույթի նախաքննությունն ավարտվել է Հանրահավաք և քայլերթ՝ Փաշինյանի հրաժարականի պահանջով (տեսանյութ) Մոսկվայում այդ ամենի հետևում կանգնած խմբավորումը փորձել է մի քանի գործողություններ կատարել նաև Ֆրանսիայում. Մակրոն Հանրահավաք՝ մարտի 20-ին․ եթե մտահոգ եք հայ ժողովրդի ու նրա արցախյան հատվածի ճակատագրով, ապա համեցե՛ք Հանրահավաք․ պահանջում են Փաշինյանի հրաժարականը․ ուղիղ ՈՒՂԻՂ. Հանրահավաք Ազատության հրապարակում` Փաշինյանի հրաժարականի պահանջով