Պետք է ոչ թե հանքաքար, այլ պղնձի պատրաստի արտադրանք արտահանենք, իսկ դրա համար մեզ երկաթուղի է պետք. Փաշինյան

Պղնձի միջազգային գինը 2000 թվականից հետո աճել է մոտ 6-7 անգամ: Հայաստանը պղնձի պաշարներով ամենահարուստ երկրներից մեկն է աշխարհում, և շատերն ասում են՝ պղինձը 21-րդ դարի երկրորդ նավթն է: Այս մասին Արմավիրի մարզի Արագած համայնքի բնակիչների հետ հանդիպմանն ասաց վարչապետ Նիկոլ Փաշինյանը: 

«Ակնհայտ է, որ պղնձի գները շարունակելու է աճել, բայց մենք այդ հարստությունը չենք կարողանում ամբողջությամբ օգտագործել, որովհետև մենք այսօր հանքաքար ենք արտահանում: Բայց պետք է խնդիր դնենք արգելու հանքաքարի արտահանումը՝ հնարավորություն ստեղծելով արտահանել պղնձի պատրաստի արտադրանք, իսկ դրա համար մեզ երկաթուղի է պետք»,- ասաց Փաշինյանը:  

Նրա խոսքով՝ եթե Հայաստանում պղնձաձուլարան կառուցվի, լինի երկաթուղի՝ խնդիր կդրվի պղինձը մշակել, կստեղծվեն աշխատատեղեր, նոր գործարաններ կբացվեն: Վարչապետը վստահ է՝ եթե հետպատերազմական շրջանում մեզ հաջողվի հասնել նրան, որ երկաթուղիները բացվեն, մենք հնարավորություն կունենանք 21-րդ դարի երկրորդ նավթն արդյունավետ օգտագործել:

«Դուք գիտեք, որ մեր երկաթուղիները դեպի Իրան և ՌԴ, անցնում են Ադրբեջանով, և մենք պետք է հասկանանք, որ չի կարող լինել այնպես, որ մենք ճանապարհ ստանանք իրենց տարածքով, իրենք մեր տարածքով ճանապարհ չստանան: Եվ այստեղ պետք է որոշումներ կայացվեն, որ մենք պետք է փոխադարձաբար այդ ճանապարհներից օգտվենք: 

Տարաշրջանի նկատմամբ մեր վերաբերմունքը, մեր դիտանկյունը պետք է փոխենք: Մենք ունենք թշնամիներ տարածաշրջանում, բայց ինչքան մենք ենք համարում թշնամի, այդքան մեզ են համարում թշնամի, և այս իրավիճակի մասին պետք է մտածենք, պետք է տարածաշրջանում Հայաստանի շուրջ որոշակի բարենպաստ միջավայր ձևավորենք, բայց դրա համար պետք է մեր դիտանկյունը փոխենք տարածաշրջանի նկատմամբ և հակառակը: Եվ այստեղ առաջնայինն անվտանգության հարցն է:  

Մեր անվտանգային մասշտաբները փոխվել են, և մենք պետք է նոր բանաձևեր ստեղծենք անվտանգային սպառնալիքներին դիմակայելու համար: Իսկ դրան դիմակայելու ամենակարևոր բանաձևը հայ-ռուսական համատեղ զորախումբն է, որն արդեն գոյություն ունի ՀՀ-ում: 

Մենք պետք է առաջիկա քննարկումներում այդ զորախումբը, որպես տարածաշրջանում անվտանգային կարևոր բաղադրիչ, ավելի ուժեղացնենք: Բայց դա չի նշանակում, որ մենք պետք է անընդհատ պատրաստվենք նոր պատերազմների, այլ պետք է օգտագործենք տարածաշրջանի նկատմամբ մեր դիտանկյունը փոխելու և օգնելու, որ նրանք էլ մեր նկատմամբ վերաբերմունքը փոխեն»,- նշեց Փաշինյանը: 

Այս թեմայով Այս պահին գյուղ են եկել պետական օղակներից ու չափագրումներ են իրականացնում․ Գառնիկ Դանիելյան Աննա Վարդապետյանը «Արի գյուղ, գյուղում կյանք կա» նախաձեռնության շրջանակում հանդիպել է Արարատի մարզի երեք բնակավայրերի աշակերտներին ՔՊ-ականները թող գան և մեզ մոտ ասեն, որ ադրբեջանական գյուղ է․ պատգամավորը զրուցել է ոսկեպարցիների հետ Մենք Տավուշի մարզի ո՞ր գյուղն ենք հանձնում, դե ասեք` Խրեմլու անունով գյուղ կա՞ այդ մարզում. Փաշինյան Երբեք խոսք չի եղել և չի կարող լինել Տավուշի որևէ գյուղ հանձնելու մասին․ Փաշինյան «Գիժ մարտը». Արագած գյուղում ձյուն է տեղում Փրկարարները 20-ամյա քաղաքացուն իջեցրել են Արագած լեռից Քաղաքացին բարձրացել է Արագած լեռը և առատ ձյան պատճառով չի կարողացել իջնել. օգնել են փրկարարները Արմավիրի մարզի Խոյ համայնքի Արագած բնակավայրում գործարկվելու է էլեկտրական շչակ ՀՀ տարածքում կան փակ և դժվարանցանելի ավտոճանապարհներ