Համավարակի թվերի աճը պիտի ուղղորդի ավելի խստությամբ պահպանել կանոնները. Ժաննա Անդրեասյան

Երեկ ՅՈՒՆԵՍԿՕ-ի կողմից կազմակերպված՝ մեկ տարի COVID-ի հետ համաժողովին հիմնական զեկուցողներից մեկը մի շատ կարևոր դրույթ հնչեցրեց՝ դպրոցները պետք է լինեն վերջինը համավարակի պայմաններում փակվողների շարքում և առաջինը՝ վերաբացվողների շարքում։ Այս մասին Ֆեյսբուքի էջում գրառում է կատարել ՀՀ կրթության, գիտության, մշակույթի և սպորտի նախարարի տեղակալ Ժաննա Անդրեասյանը:

«Վիճակագրությունը հուշում է, որ երկրների մեծ մասը հենց այսպես է վարվում. եթե նախորդ տարի այս ժամանակում աշխարհի երկրներից 173-ում կրթական համակարգը ամբողջությամբ փակվել էր, ապա ներկայումս նման քայլի են գնացել միայն 33 երկիր, որովհետև բազմաթիվ հետազոտություններ ցույց են տալիս, թե թվային խզումն ու նոր տիպի անհավասարությունը, ինչպես նաև ընդհանուր առմամբ տոտալ հեռավար կրթությունն ինչպիսի անդառնալի հետևանքներ են ունենում երեխաների զարգացման վրա, հատկապես տարրական դասարաններում։

Դպրոցների՝ համավարակի պատճառով փակ լինելու տևողության վիճակագրությունը տարբեր երկրներում ցույց է տալիս, որ երկրների մեծ մասում, այդ թվում՝ եվրոպական երկրների զգալի մասում, դպրոցները փակ են եղել երեսուն շաբաթ և ավելի։ Երկրներ կան, ինչպես Հարավային Ամերիկայի շատ երկրներ, որտեղ դպրոցները փակ են եղել քառասուն շաբաթ և ավել։ Հայաստանի պարագայում ցուցանիշը 12 շաբաթ է։

Միաժամանակ հիշեցնեմ, որ տարեսկզբից իրավիճակային մոտեցում ենք որդեգրել՝ ըստ դպրոցում դեպքերի թվի՝ դպրոցում ժամանակավոր հեռավար ուսուցման կազմակերպումով, ռիսկի խմբի երեխաների համար կենտրոնացված հեռավար ուսուցմամբ։

Համավարակի թվերի աճը պիտի ուղղորդի բոլորիս ավելի խստությամբ և հետևողական պահպանել կանոնները, որպեսզի առկա ուսուցումը հնարավոր լինի պահպանել»,- գրել է Անդրեասյանը։

Այս թեմայով Ժաննա Անդրեասյանը «պարտիզանական լռություն» պահողի դերում է. Գեղամ Մանուկյան ՀՀ ԿԳՄՍ փոխնախարարն ընդունել է Կուբայի նորանշանակ դեսպանին «Սանսեթ Բուլվարի» առաջնախաղին ընդառաջ ԿԳՄՍ նախարարը հանդիպել է ստեղծագործական խմբի հետ ԿԳՄՍ և ԱՆ նախարարները քննարկել են համատեղ անելիքները և ոլորտները կապակցող հարցերը Ժաննա Անդրեասյանը նշանակվեց ԿԳՄՍ նախարար 22,6 մլն եվրո վարկ կստանանք 24 տարի ժամկետով` դպրոցներ նորոգելու համար. Ժաննա Անդրեասյան (տեսանյութ) «Ժողովուրդ». Շահերի բախում Վաղը առաջին դասարան գնացողները կդառնան նաև նոր պետական չափորոշչով մեր առաջին շրջանավարտները. Ժաննա Անդրեասյան Ժաննա Անդրեասյանը` բժշկական տեղեկանքի պահանջի մասին Դպրոցներում գնահատման մեթոդական ցուցումները փոխվել են․ Ժաննա Անդրեասյան