«Զինծառայողների ապահովագրության հիմնադրամ»-ը հատուցել է 1671 զոհվածների ընտանիքի

«Զինծառայողների ապահովագրության հիմնադրամ»-ը Արցախյան երկրորդ պատերազմի արդյունքում հատուցել է 1671 զոհվածների ընտանիքների. այս թվին մարտի 31-ին կավելանա ևս 155-ը` դառնալով 1826: Այս մասին Facebook-ի իր էջում գրել է Հիմնադրամի տնօրեն Վարուժան Ավետիքյանը:

«Այս պահին զոհվածների մասով հիմնադրամում առկա է 1023 գործ, որոնք ուսումնասիրվում են: Կամուրջ ծրագրերի ներքո հատուցել ենք 1329 գործերով: Այսպիսով, վերջին երեք ամսվա մեջ հիմնադրամը հատուցումներ է կատարել ու կատարում 3,155 գործերով, որը կազմում է շաբաթական 250 գործ, մեր կողմից հրապարակայնորեն խոստացված 100 գործերի փոխարեն:

Հայտնում եմ նաև, որ ես անձամբ խրոնոմետրաժ եմ արել և յուրաքանչյուր հատուցման գործ պահանջում է միջինում 3 ժամ: Փաստացի հիմնադրամը հատուցումների վրա երեք ամսվա կտրվածքով ծախսել է 9,465 մարդ/ժամ կամ 1183 մարդ/օր:

Ժամանակի մեծ մասը հատկացվում է օրինական շահառուներին հայտնաբերելու, նույնականացնելու, ամուսնաընտանեկան կապերը ճշգրտելու, բանկային հաշիվները բացելու ու փոխանցումները կատարելու վրա:

Այս պահին մենք կատարում ենք վճարային ու ծրագրային համակարգերի, ծառայությունների ու բազաների ԿԲ-ից հիմնադրամ տրանսֆորմացիա (ՏՏ անվտանգության նորմերի հնարավորինս խիստ պահպանմամբ), որի նպատակն է ավելի արդյունավետ դարձնել գործընթացները: Մենք բոլորին հասնելու ենք»,- գրել է Ավետիքյանը:

Այս թեմայով Ավանեսյանի գլխավորությամբ քննարկվել է առողջության համապարփակ ապահովագրության ներդրման հարցը Զինծառայողների ապահովագրության ազգային հիմնադրամի շահառուները հատուցման ամսական վճարները կստանան բարձրացված Առողջության ապահովագրության համակարգի ներդրմամբ բացվելու է տնտեսության մեծ ճյուղ․ Նիկոլ Փաշինյան Քննարկվել են առողջության ապահովագրության ներդրման շրջանակում գների հաշվարկման ձևաչափերը Զինծառայողների ապահովագրության հիմնադրամը 2017-2022թթ-ին 71 մլրդ դրամի հատուցում է տվել Թագուհի Թովմասյանը քննարկել է Զինծառայողների ապահովագրության հիմնադրամի շահառուների խնդիրները Սերժ Սարգսյանի ժողովածուի վաճառքից հասույթը փոխանցվելու է Զինծառայողների ապահովագրության հիմնադրամին Իրատեսական գներով ու բնակչության համար հասանելի ապահովագրության համակարգ ենք ստեղծում․ Ավանեսյան Առողջապահության ապահովագրության համակարգին ենք անցնում․ պետությունը կհոգա թոշակառուների ծախսը (տեսանյութ) Հայաստանում առողջության համապարփակ ապահովագրության համակարգը կներդրվի փուլային տարբերակով