«Հրապարակ». Խաղի կանոնները կհստակեցվեն

«Հրապարակ» թերթը գրում է. «Իշխող թիմի նախաձեռնությամբ այսօր խորհրդարանն արտահերթ նիստ կհրավիրի, օրակարգում Ընտրական օրենսգրքում փոփոխությունների նախագիծն է։ Այն կքննարկվի 24-ժամյա ռեժիմով, իսկ սա նշանակում է, որ մեկ օրում պարզ կդառնա, թե արտահերթ ընտրություններն ինչ ընտրակարգով են տեղի ունենալու։

Իշխանական մեր աղբյուրների փոխանցմամբ՝ բացի ռեյտինգայինից հրաժարվելը, փորձելու են փոխել նաեւ կուսակցությունների եւ դաշինքների անցողիկ շեմը․ կուսակցությունների դեպքում նվազեցնել՝ դարձնելով 4 տոկոս, դաշինքների պարագայում մեկ տոկոսով բարձրացնել՝ 8 տոկոս։ Չի բացառվում նաեւ, որ օրենսգրքում մեծածավալ փոփոխությունները եւս եկող ամսվա մեջ ընդունեն, սակայն պայմանով, որ այն ուժի մեջ է մտնելու 2022 թվականից։

Իշխանությունը սպասում է Վենետիկի հանձնաժողովի կարծիքին, որը, ըստ որոշ լուրերի, կստացվի ապրիլի 20-ից հետո։ Մի նկատառում եւս․ չնայած Փաշինյանը հայտարարել էր, որ ԸՕ-ն «Իմ քայլի» առաջարկով է փոխվում, սակայն որպես նախագծի հեղինակներ՝ նշվել են «Իմ քայլից» Համազասպ Դանիելյանի եւ անկախ պատգամավորներ Արման Բաբաջանյանի ու Սերգեյ Բագրատյանի անունները։ Իսկ նախագիծն անցկացնելու համար անհրաժեշտ է 80 ձայն»:

Այս թեմայով 2021-ի արտահերթ ընտրություններին Ոսկեպարում ճնշող մեծամասնությունն ընտրել է ՔՊ-ին. Դավթյան ՈՒՂԻՂ․ ԱԺ արտահերթ նիստում քննարկվում են օրինագծերը Կգումարվի ԱԺ արտահերթ նիստ «Հրապարակ». ԱԺ-ն արտահերթ նիստ կհրավիրի Հայաստանը Եվրոպա է և վերջ. ՀՀ-ում պիտի արտահերթ խորհրդարանական ընտրություններ անցկացվեն ԿԸՀ-ն արտահերթ նիստում Երևանի ավագանու անդամ է գրանցել «Ժողովուրդ». Մարզային այցերը չեն օգնել․ իշխանությունները հետ են կանգնել արտահերթ ընտրության մտքից․ հիասթափված են Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը ՈՒՂԻՂ․ Առողջապահության հարցերի մշտական հանձնաժողովի արտահերթ նիստ ԱԺ ֆինանսավարկային եւ բյուջետային հարցերի մշտական հանձնաժողովի արտահերթ նիստում քննարկվել է փոխարինող անդամի հարցը