Պարզվել են «ԳԱԻ մարկետ» խանութ-սրահում տեղի ունեցած միջադեպի մի շարք հանգամանքներ

ՀՀ քննչական կոմիտեի Կոտայքի մարզային քննչական վարչության Աբովյանի քննչական բաժնում քննվող քրեական գործով պարզվել են Երևան-Սևան մայրուղում գործող «ԳԱԻ մարկետ» խանութ-սրահում կատարված խուլիգանության, դիտավորությամբ առողջությանը ծանր վնաս պատճառելու և ավազակության դեպքերի մի շարք հանգամանքներ:

Նախաքննությամբ պարզվել է, որ 2021թ. մարտի 24-ին՝ ժամը 01:20-ի սահմաններում, Կոտայքի մարզի 45-ամյա բնակիչը, վերոհիշյալ խանութից առևտուր կատարելու նպատակով, նույն մարզի 42-ամյա երկու բնակչի և ինքնությունը չպարզված մեկ այլ անձի հետ «Տոյոտա Քեմրի» մակնիշի ավտոմեքենայով կայանել են խանութի մուտքի դիմաց: 45-ամյա տղամարդը և քննությամբ դեռևս չպարզված անձը ներս են մտել, իսկ մյուսները սպասել են ավտոմեքենայում: Խանութ-սրահում 45-ամյա տղամարդը ապրանքները ձեռքով մոտեցրել և դրել է գանձապահի դիմաց առկա դրամարկղի սեղանին, սակայն վերջինս պահանջել է ապրանքները դրամարկղին մոտեցնել սայլակով: Իրեն որոշակի պահանջ ներկայացնելու չնչին առիթն օգտագործելով՝ տղամարդը սկսել է վիճաբանել գանձապահի հետ:

Անտեսելով խանութում գտնվող այլ հաճախորդների ներկայությունը՝ 45-ամյա տղամարդն ու քննությամբ չպարզված անձը ագրեսիվ վարքագիծ են դրսևորել գանձապահի նկատմամբ, հնչեցրել հայհոյանքներ: Վիճաբանությանը միջամտել է վերջինիս եղբայրը, խանութի տնօրենը, որից հետո սրահ են մուտք գործել նաև ավտոմեքենայում սպասող անձինք, ովքեր, խմբի կազմում կոպիտ կերպով տևական ժամանակ խախտելով հասարակական կարգը, խաթարել են խանութի հաճախորդների և աշխատակիցների անդորրը, վնասել խանութի գույքը, իսկ վերը նշված 42-ամյա տղամարդիկ գանձապահի առողջությանը ծանր վնաս պատճառելու դիտավորությամբ, ձեռքերով և ոտքերով հարվածներ են հասցրել վերջինիս մարմնի տարբեր մասերին՝ պատճառելով կյանքին վտանգ սպառնացող ծանր վնաս:

Այնուհետև՝ 42-ամյա երկու տղամարդիկ, դանակի գործադրմամբ, խանութի տիրոջ պարանոցից քաշել-պոկելու եղանակով հափշտակել են նրա ոսկյա շղթան, որից հետո դիմել են փախուստի՝ պատճառելով խոշոր չափերի գույքային վնաս:

Քրեական գործով իրականացված քննչական գործողությունների և օպերատիվ-հետախուզական միջոցառումների արդյունքում Կոտայքի մարզի 45-ամյա բնակիչը հայտնաբերվել և ներկայացվել է վարույթն իրականացնող մարմին: Նրան մեղադրանք է առաջադրվել՝ ՀՀ քրեական օրենսգրքի 258-րդ հոդվածի (խուլիգանություն) 4-րդ մասով, և որպես խափանման միջոց է ընտրվել կալանավորումը, իսկ 42-ամյա երկու տղամարդիկ ներգրավվել են որպես մեղադրյալ՝ ՀՀ քրեական օրենսգրքի 258-րդ հոդվածի 4-րդ մասով, 112-րդ հոդվածի (դիտավորությամբ առողջությանը ծանր վնաս պատճառելը) 2-րդ մասի 6-րդ կետով և 175-րդ (ավազակություն) հոդվածի 2-րդ մասի 1-ին, 2-րդ և 4-րդ կետերով, նրանց նկատմամբ որպես խափանման միջոց է ընտրվել կալանավորումը և հայտարարվել հետախուզում:

Նախաքննությունը շարունակվում է:

Այս թեմայով Ռուսաստանում սպանել են երկու ոստիկանի, հափշտակել նրանց զենքն ու դիմել փախուստի (լուսանկարներ) Կոտայքում աշխատակիցը գաղտնի մուտք է գործել հանքավայր և հափշտակել մի քանի մլն դրամի ոսկու հանքանյութ Ավազի մեջ հայտնաբերվել է «Porsche Cayenne»-ը, որով երեկ հափշտակել էին 36 կգ ոսկի, 293 մլն ռուբլի Երևանում թալանել են «Զիգզագ» խանութը. հափշտակել են 5 մլն 500 հազար դրամի բջջային հեռախոս Երևանի համայնքներից մեկի նախկին ղեկավարը հափշտակել է համայնքապատկան մանկապարտեզը Ձեռնափայտով հարվածել էր 91-ամյա հորը, ապա գրպանից փող էր հափշտակել Պռոշյանում բնակվող անձին, չորս որդիներին, նրանցից մեկի կնոջը հարվածներ են հասցրել, հափշտակել ոսկե վզնոցներ ու խաչ Զինված հարձակում՝ Արթիկում. հնչել են կրակոցներ, հափշտակել են 85 հազար դոլարի զարդեր. կա վիրավոր Տղամարդը սեքսուալ բնույթի բռնի գործողություններ է կատարել երիտասարդ աղջկա նկատմամբ, հափշտակել նրա պայուսակը Երևանում թալանել են գեներալ-մայորին պատկանող հյուրանոց, հափշտակել են մի քանի մլն դրամ․ Shamshyan