Հայաստանը կրկին կանցնի՞ համատարած լոքդաունի
ՀասարակությունՀայաստանում հայտնաբերվել է նոր կորոնավիրուսի բրիտանական շտամով վարակվածության 10-ը դեպք:
ԼՈՒՐԵՐ.com-ի հետ զրույցում Առողջապահության նախարարի խոսնակ Հռիփսիմե Խաչատրյանն ասաց, որ դա նորմալ և բնական է. «Մեր շարժունողականությունը հաշվի առնելով՝ ի վերջո, Հայաստան էլ պիտի հասներ, չէ՞: Տարբեր երկրներում, հատկապես հարևան երկրներում, Ռուսաստանում էլ կար բրիտանական շտամը»:
Բրիտանական շտամով վիրուսի տարածման պատճառը նաև միգրացիան է. «Բնական է, ոչ ոք ոչինչ չի կարող անել դրա դեմ»,- նշեց ԱՆ խոսնակը:
Հարցին, թե հնարավոր է՝ Հայաստանը նորից անցնի համատարած լոքդաունի, Խաչատրյանը նշեց, որ այդպիսի հարց դեռևս չի քննարկվել. «Հենց լինի՝ Առողջապահության նախարարությունը պաշտոնական հայտարարությամբ հանդես կգա»:
Հիշեցնենք, որ ի տարբերություն հունվար ամսվա հետազոտության՝ մարտին ստացված 12 նմուշներից 10-ում հայտնաբերվել է կորոնավիրուսի բրիտանական շտամը (B.1.1.7, VOC-202012/01): Հաշվի առնելով այն հանգամանքը, որ չի բացառվում տարբեր շտամերով վարակվելու հավանականությունը՝ Առողջապահության նախարարությունը ևս մեկ անգամ կոչ է անում խստորեն հետևել հակահամաճարակային կանոններին՝ կրել դիմակ, պահպանել առնվազն 1.5 մետր հեռավորություն, հաճախակի լվանալ կամ ախտահանել ձեռքերը, պատվաստվել COVID-19-ի դեմ:
Արփինե Հակոբյան