Դատարան ներկայացվող հայցադիմումների համար պետտուրքը կբարձրանա

ԱԺ մարդու իրավունքների պաշտպանության և հանրային հարցերի մշտական հանձնաժողովը երկրորդ ընթերցմամբ հավանություն տվեց կառավարության ներկայացրած օրենքի նախագծին, որով նախատեսվում է բարձրացնել դատարաններ ներկայացվող հայցադիմումների, դիմումների, դատարանի դատական ակտերի դեմ վերաքննիչ եւ վճռաբեկ բողոքների համար պետական տուրքի չափերը: «Պետական տուրքի մասին» Հայաստանի Հանրապետության օրենքում փոփոխություններ եւ լրացումներ կատարելու մասին և կից ներկայացված օրենքների նախագծերի փաթեթը հանձնաժողովի նիստում ներկայացրեց ՀՀ արդարադատության փոխնախարար Վահե Դանիելյանը:

Փոխնախարարը հիշեցրեց, որ 1999 թվականից սկսած դատարան ներկայացվող հայցադիմումների պետական տուրքը չի փոխվել, սակայն սոցիալ-տնտեսական պայմանները մոտ չորս անգամ փոխվել են: Ասենք՝ 2018-ին դատարանների վրա փաստացի իրականացվել են մոտ 9 մլրդ դրամի ծախսեր, իսկ եկամուտները կազմել են 1.7 մլրդ:

«Օրինակ՝ Էստոնիայում նվազագույն պետական տուրքը 75 եվրո է, և դա կազմում է իրենց նվազաագույն սպառողական զամբյուղի 52 տոկոսը: Մեզ մոտ դա չնչին է, 1500 դրամ է, հետևաբար, դարձվում է 6000 դրամ»,-ասաց Դանիելյանը:

Սահմանվել է նաև պետական տուրքի առավելագույն չափ: «Առաջին ատյանում սահմանվել է 25 մլն դրամ, Վերաքննիչ դատարանում՝ առավելագույնը 15 մլն դրամ, իսկ Վճռաբեկ դատարանում՝ 10 մլն դրամ»,-ասաց փոխնախարարը:

Վերանայվել է արտոնությունների համակարգը: Սահմանվել են լրացուցիչ արտոնություններ, դրանցից են համայնքի ղեկավարի որոշումների, գործողությունների իրավաչափությունը բողոքարկելու հարցերը, որոնք վերաբերում են հավաքներին: Այսինքն՝ այդ դեպքերում պետտուրք չի գանձվի: Պետական տուրք չի գանձվի նաև ընտանիքում  բռնության հետ կապված գործերով դատարաններ ներկայացվող հայցադիմումների հետ կապված և այլ դեպքերում: Առաջինից երկրոդ ընթերցմամբ քննարկման ընթացքում ավելացվել է պետտուրքից ազատման  ևս մեկ արտոնություն: Դա վերաբերում է զոհված զինծառայողների կամ ռազմական գործողությունների հետևանքով մահացած քաղաքացիների ժառանգության վկայագիր ստանալու հետ կապված հարաբերություններին:

Այս թեմայով Ավազակություն՝ հոր և որդու կողմից. հոր վերաբերյալ վարույթը մեղադրական եզրակացությամբ ուղարկվել է դատարան, որդին ինքնասպան է եղել Մեքսիկան հայց կներկայացնի Միջազգային դատարան՝ դեսպանատան վրա հարձակման համար Դատարանի շենքի մոտ կատարված սպանության փորձի վերաբերյալ վարույթի նյութերն ուղարկվել են դատարան. 40-ամյա տղամարդը կալանավորված է 2023-ին ավելացել են կոռուպցիոն բնույթի հանցագործություններով դատարան ուղարկված վարույթների ու դրանցով անցնող մեղադրյալների թիվը․ ամփոփում Զինծառայող Ժորա Կարապետյանին անզգուշությամբ ինքնասպանության հասցնելու վարույթի նյութերը, երկու անձի մեղադրանքով, ուղարկվել են դատարան Կառավարության շենքի դիմաց կազմակերպված զանգվածային անկարգություններին մասնակցած անձանց վերաբերյալ գործը դատախազն ուղարկել է դատարան 2023թ․-ին ավելացել են ընտանեկան բռնությունների դեպքերով դատարան ուղարկված վարույթները․ ամփոփում Քրեական աստիճանակարգության բարձրագույն կարգավիճակ ունեցող անձի վերաբերյալ գործը դատախազն ուղարկել է դատարան «Պատիվ ունեմ» կուսակցությունների դաշինքի օգտին քվեարկելու դիմաց՝ քաղաքացին առաջարկել է ընտրակաշառք. դատախազը գործն ուղարկել է Հակակոռուպցիոն դատարան Խոշոր չափերով խարդախություն՝ մոր և որդու կողմից. վարույթի նյութերն ուղարկվել են դատարան