Գաղտնալսման գործով հարուցված քրեական գործերից մեկը կարճվել է, մյուսով նախաքննությունը շարունակվում է. ՔԿ

ԱԱԾ նախկին տնօրեն Արթուր Վանեցյանի և ՀՔԾ պետ Սասուն Խաչատրյանի միջև հեռախոսազրույցի գաղտնալսման և հրապարակման դեպքի առթիվ հարուցված քրեական գործով նախաքննությունը շարունակվում է, կարճվել է պաշտոնեական լիազորություններն առերեւույթ անցնելու դեպքի առթիվ հարուցված գործը։ Այս մասին տեղեկացանք ՔԿ տեղեկատվության և հասարակայնության հետ կապերի բաժնից։

Ինչպես արդեն տեղեկացրել ենք՝ 2018թ սեպտեմբերի 11-ին մամուլում տվյալներ էին հրապարակվել ԱԱԾ այն ժամանակ դեռևս տնօրեն Արթուր Վանեցյանի և ՀՔԾ պետի հեռախոսային խոսակցության գաղտնալսման մասին, հրապարակվել էր նաև ձայնագրությունը։ Զրույցի ընթացքում վերջիններս քննարկում էին ՀՀ երկրորդ նախագահ Ռոբերտ Քոչարյանի և մյուսների գործը, որից հետեւում էր, որ Քոչարյանի գործով քննարկվել, որոշ դատավարական գործողություններ համաձայնեցվել են Փաշինյանի հետ։

Նույն աղբյուրի փոխանցմամբ՝ Վարչապետ Փաշինյանի և ԱԱԾ նախկին տնօրեն Արթուր Վանեցյանի, ինչպես նաև ՀՔԾ պետ Սասուն Խաչատրյանի և ԱԱԾ նախկին տնօրեն Վանեցյանի միջև տեղի ունեցած հեռախոսային խոսակցությունների գաղտնալսման դեպքի առթիվ ՀՀ քննչական կոմիտեի հատկապես կարևոր գործերի քննության գլխավոր վարչությունում հարուցվել էր երկու քրեական գործ, որոնցից մեկը ՀՀ քրեական օրենսգրքի 146-րդ հոդվածի 1-ին մասով և ՀՀ քրեական օրենսգրքի 254-րդ հոդվածի 3-րդ մասի 4-րդ կետով, մյուսը՝ ՀՀ քրեական օրենսգրքի 309-րդ հոդվածի 1-ին մասով (պաշտոնեական լիազորություններն անցնելը)։

ՀՀ ՔԿ-ից հայտնում են, որ պաշտոնեական լիազորություններն անցնելու հոդվածով հարուցված քրեական գործը կարճվել է մոտ մեկ տարի առաջ՝ 2020թ. փետրվարի 4-ին՝ ՀՀ քրեական դատավարության օրենսգրքի 35-րդ հոդվածի 1-ին մասի 2-րդ կետի հիմքով՝ հանցակազմի բացակայություն։ Նշենք, որ հենց այս գործի շրջանակներում է, որ Ն. Փաշինյանը 2020 թվականի հունվարի 25-ին գնացել էր քննչական կոմիտե՝ հարցաքննության, ինչի մասին անգամ լուսանկար էր հրապարակել։ Ասել է թե՝ ՔԿ-ն կարճել Ռ.Քոչարյանի գործով Փաշինյանի կողմից ուղղորդելու, առերեւույթ պաշտոնեական լիազորություններն անցնելու դեպքի առթիվ հարուցված քրեական գործը, թեեւ այն ակներեւ էր ձայնագրության մեջ։

Մյուս գործով՝ հարուցված Արթուր Վանեցյանի և Սասուն Խաչատրյանի հեռախոսային խոսակցությունները ապօրինի ձայնագրառելու և համացանցում տարածելու դեպքի առթիվ ՀՀ քրեական օրենսգրքի 146-րդ հոդվածի 1-ին մասով և ՀՀ քրեական օրենսգրքի 254-րդ հոդվածի 3-րդ մասի 4-րդ կետով, նախաքննությունը շարունակվում է:

Այս թեմայով Անվտանգությո՞ւն, թե կուշտ որովայն. ՔՊ-ականների «առաջարկը»՝ ժողովրդին Տեղի է ունեցել ՔՊ նախաձեռնող խմբի նիստ․ ներկայացվել է Բրյուսելյան հանդիպման վերաբերյալ զեկույց Ինչ աղետների է հանգեցնելու Փաշինյանի արկածախնդրությունը Փաշինյանը հայտնել է՝ ինչ է պետք հաջողակ պետություն ունենալու համար (տեսանյութ) «Ժողվարչապետը» տվեց-անցավ բոլորին. Փաշինյանի «կոմպլեքսներն» ու վախերը Փաշինյանը ՔՊ-ականների հետ նիստ է անցկացնում (տեսանյութ) Փաշինյանն ու ԵԱՀԿ ՄԽ Ֆրանսիայի համանախագահը քննարկել են տարածաշրջանային նշանակության հարցեր Խորը խնդիրներ եմ տեսնում պետական համակարգի կառավարման առաջնային օղակում․ Փաշինյան Նիկոլ Փաշինյան, դու վարում ես մուրացկանի քաղաքականություն, իսկ մուրացկանին ոչ թե անկախ հայրենիք, այլ ֆորպոստ էլ չի հասնում. Շարմազանով Այսօրվա վիճակը լավատեսության ոչ մի հիմք չի տալիս․ Փաշինյան (տեսանյութ)