Հայաստանում սկսվել է էներգետիկ ճգնաժամ. Վահե Դավթյան

«Մեկ Հայաստան» կուսակցության քաղխորհրդի անդամ Վահե Դավթյանը ֆեյսբուքյան իր էջում գրում է.

«141 օրով ԱԷԿ-ի կանգնեցման ու Արցախից 330 մլն կՎտ.ժ էլեկտրաէներգիա ներկրման ծրագրի ձախողմանն այժմ գումարվել է նաև երկրի ամենախոշոր էներգետիկ օբյեկտներից մեկի՝ Հրազդանի 5-րդ էներգաբլոկի շահագործումից դուրս բերելու ռիսկը: Այժմ բլոկը կանգնեցված է, ինչն առավելապես պայմանավորված է Հայաստանից էլեկտրաէներգիայի արտահանման քաղաքականության ձախողմամբ: Բլոկի սեփականատեր «Գազպրոմ Արմենիա» ընկերության համար դրա հետագա շահագործումն այլևս տնտեսապես նպատակահարմար չէ:

Ձախողման հիմնական պատճառից մեկը, ինչպես բազմիցս նշել եմ, «Հյուսիս-Հարավ» էլեկտրաէներգետիկ միջանցքի կառուցման անթույլատրելի դանդաղ տեմպերն են, որոնք, ըստ էության, դուրս են մղում մեզ տարածաշրջանի էներգետիկ գործընթացներից:

Այս ամենի արդյունքում արդեն մայիս ամսից ի վեր Հայաստանը սկսելու է էլեկտրաէներգիա ներկրել Վրաստանից: Հաշվի առնելով այն, որ Վրաստանը շարունակաբար ավելացնում է Ադրբեջանից էլեկտրաէներգիայի ներկրումը, մեծ հավանականությամբ այդ նույն էլեկտրաէներգիան կհայտնվի հայաստանյան շուկայում:

Հաջորդ փուլով՝ 2023 թ.-ից, նույն վրացական ենթակառուցվածքերով Հայաստան սկսվի ներկրվել նաև Թուրքիայում արտադրված էլեկտրաէներգիան, ինչը լիովին տեղավորվում է Անկարայի՝ տարածաշրջանային էներգետիկ շուկաները գրավելու նկրտումների մեջ:

Այս սցենարն անխուսափելիորեն կյանքի կկոչվի Հայաստանում իշխող թրքահպատակ ռեժիմի քաղաքական վերարտադրության դեպքում»:

Այս թեմայով ԵՄ դիտորդական առաքելությունը գալիս է «Զանգեզուրյան միջանցքի» բացումը սպասարկելու. Վահե Դավթյան Ակտիվորեն քննարկվում է Հայաստանում փետրվար ամսից էլեկտրաէներգիայի սակագների բարձրացման հարցը. Դավթյան «Մերձիշխանական շրջանակները շարունակում են տարածել կեղծ տեղեկատվություն»․ Վահե Դավթյան «Մենք ներքաշված ենք ֆանտաստիկ մասշտաբի աշխարհաքաղաքական ավանտյուրայի մեջ» Արցախի ամայացումն ու ամպուտացիան սկսվեց 2018-ի հակաարցախյան շարժումից. Վահե Դավթյան Պատահական չէ, որ կառավարության օրակարգում բացակայում է Մեղրիի ազատ տնտեսական գոտու խնդիրը. Վահե Դավթյան