Հայ ընտանիքների հիմնասյուն կինը մշտապես կանգնած է եղել ազգի հարատևման ակունքում. Գագիկ Ծառուկյան

ԲՀԿ առաջնորդ Գագիկ Ծառուկյանը ֆեյսբուքյան էջում շնորհավորական ուղերձ է հրապարակել՝  ուղղված կանանց և աղջիկներին.

«Սիրելի՛ մայրեր և քույրեր,

Այսօր Մայրության և գեղեցկության օրն է.

Բոլոր ժամանակներում էլ հայ կնոջ առաքելությունն անկյունաքարային է եղել մեր պետության կյանքում, սակայն մեր հայրենիքի համար դժվարին և բարդ այս ժամանակահատվածում էլ ավելի է կարևորվում հայ կնոջ ուրույն դերն ու առաքելությունը: Հայ ընտանիքների հիմնասյուն հանդիսացող կինը մշտապես կանգնած է եղել ազգի հարատևման, մեր ձեռքբերումների ու նվաճումների ակունքներում և վստահ եմ, որ այսօր էլ հնարավոր չի լինելու կոտրել հայ կնոջ տոկունությունն ու ապագայի հանդեպ լավատեսությունը:

Այսօր առանձնահատուկ խոնարհումի ու երախտիքի խոսք եմ ուզում հղել 44-օրյա արցախյան երկրորդ պատերազմի ժամանակ հայրենիքի պաշտպանության համար նահատակված մեր բոլոր հերոսների մայրերին և կանանց: Վստահ եմ, որ ձեր հարազատների կորստի անդառնալի մորմոքը բառերով հնարավոր չէ սփոփել, որ այս վերքը երբեք չի սպիանալու, բայց մենք բոլորս հենց մեր հերոսների հիշատակի անմահության համար պետք է ամուր և պինդ լինենք, քանզի մենք մեր հերոսների սերունդներին հաղթանակած հայրենիք վերադարձնելու պարտք ունենք: Իմացե՛ք, որ դուք մենակ չեք: Այս կորուստը մեզանից յուրաքանչյուրինն է և մեր նահատակված հերոսների հիշատակն անմար պահելը մեզանից յուրաքաչյուրի պարտքն ու առաքելությունն է:

Աշխարհի բոլոր հայ մայրերին և քույրերին մաղթում եմ խաղաղ գարուններ, կամք և տոկունություն…

Աստված պահապա՛ն մեզ բոլորիս…»:

Այս թեմայով «Շոգելու ենք»․ Գագիկ Սուրենյան Վայոց ձորում իրանական համարանիշերով բեռնատարը կողաշրջվել է «Համոզված եղեք՝ խոշտանգումը նկարահանել են, որ տանեն, իրենց գլխավոր ստահակը հաճույք ստանա դրանից». Գագիկ Համբարձումյան Սաղ բանակը Մելքոնյան Գագոն ա թալանել. քաղաքացի (տեսանյութ) Դուբայում, որտեղ անձրևը մեծ շռայլություն է, այսօր խոշոր ջրհեղեղ է դիտվել. Սուրենյան (տեսանյութ) Դաշնակցական Գագիկ Սարգսյանը կշարունակի մնալ կալանավորված. 5 ՔՊ-ական տուժող է ճանաչվել Ծառուկյանը խոսել է սադրիչ երկրպագուի մասին, որին հարվածել էր մարտից առաջ (տեսանյութ) Էրդողանը հրահանգել է Նիկոլին «ապացուցել», որ հայերի ցեղասպանություն չի եղել. Գագիկ Համբարյան Սամվել Մայրապետյանից և Գագիկ Հակոբջանյանից հօգուտ պետության կբռնագանձվի շուրջ 11 մլն ԱՄՆ դոլար Ինչպես ձեր տունն եք շենացնում ու կանգուն պահում, այնպես էլ ձեր լուման ներդրեք մեր հայրենիքի շենացման գործում. Ծառուկյան