«168 ժամ»․ Ընտրություններից առաջ՝ գեներալի կոչում․ Փաշինյանը փորձում է կաշառել ոստիկանապետին

«168 ժամ» թերթը գրում է. «Տեւական դադարից հետո ապրիլի 10-ին տեղի կունենա ոստիկանության կոլեգիայի ընդլայնված նիստը:

Թվում է, թե նորմալ է, որ ոստիկանությունում կոլեգիայի նիստ պետք է լինի ընդլայնված կազմով, քանի որ ըստ էության քննարկվելիք խնդիրները շատ են՝ սկսած ոստիկանության կազմաքանդումից եւ սորոսական պարեկային ծառայության հիմնումից՝ մինչեւ համակարգի ներսում օրեցօր զարգացող խժդժությունները: Օրինակ, այս պահին ոստիկանության համակարգում տարակուսած են, թե ինչո՞ւ է ոստիկանությունն ահռելի գումարներ դուրս գրում դրսում ծառայություն անցկացնող ոստիկանների համար բիոզուգարաններ կառուցելու համար, կամ ինչո՞ւ եւ ո՞վ է սնունդ մատակարարելու նրանց, եւ ինչո՞ւ հենց այդ ընկերությունը:

Հարցերը շատ են, պատասխաններ գրեթե չկան, սակայն 168.am-ի տեղեկություններով՝ ոստիկանության կոլեգիայի ընդլայնված նիստի նպատակը բոլորովին այլ է:

Պարզվում է՝ ապրիլի 10-ին նախատեսված նիստի անցկացումն ու այդքան բարձրաստիճան ոստիկանների մեկտեղումը նույն վայրում ունի մեկ նպատակ՝ ոստիկանության պետ Վահե Ղազարյանին կշնորհվի ոստիկանության գեներալ-մայորի կոչում:

Ասում են՝ այս պահին ոստիկանապետը պատրաստությունների մեջ է. գեներալական համազգեստն են կարում:

Եթե Նիկոլ Փաշինյանը մտածում է հնարավոր ընտրություններին ընդառաջ այդ կերպ կաշառել ոստիկանության պետին, դա առանձնապես լուրջ երաշխիք չէ։

Հիշեցնենք, որ նախկին ոստիկանապետ Վալերիյ Օսիպյանին նույնպես շնորհվեց այդ կոչումը, ինչը, սակայն, վերջինիս հետ չպահեց անհրաժեշտ ժամանակ լքել Նիկոլ Փաշինյանի թիմը»:

Այս թեմայով Պուտինը Տիգրան Քեոսայանին շնորհել է ՌԴ վաստակավոր արտիստի կոչում «Ժողովուրդ». Ավագանին Կամո Արեյանին «Երեւանի պատվավոր քաղաքացի» կոչում կշնորհի՞ Խորհրդակցությունը թեժ է անցել. Վահե Ղազարյանը պաշտոնանկ է արել Չարենցավանի ոստիկանապետին․ Shamshyan․com Երվանդ Մանարյանը կոչում ստացավ հեղափոխությունից հետո, չստանալը քաղաքական հիմք ուներ. պատգամավոր Ես ռաբիս էլ եմ լսում, բայց ինչի՞ պետք ա Արմենչիկը ունենա կոչում, իսկ Տիգրան ժամկոչյանը՝ ոչ Դահլիճում անունը գրել չիմացող մարդ կա՝ գիտությունների թեկնածու ա, Պովարոտին ժողովրդական կոչում չունի ԱԱԾ-ն ՊՆ գեներալի որդու, ոստիկանության «Զվարթնոց» օդանավակայանի օպերատիվ գծով տեղակալի կաշառքների գործով որոշում է կայացրել «Ժողովուրդ». Գաղտնալսել են եւ բացահայտել. Գորիսի ոստիկանապետ Մուշեղ Գեւորգյանին ազատ են արձակել Արամ Հովհաննիսյանը պարգևատրել է Բելառուսի ՆԳ նախարարության ներկայացուցիչներին «Հրապարակ». Կարմիր խաչը գեներալ Մնացականյանի ընտանիքից վերցրել է գեներալի դեղերը, որ փոխանցի նրան