Արաբկիրի բաժնի պետը իմ պաշտպանյալ Հ. Հովհաննիսյանին ձերբակալելիս՝ թույլ է տվել կարգապահական խախտում. Փաստաբան

Այսօր ստացա ՀՀ ոստիկանության ներքին անվտանգության վարչության պետի տեղակալ Վ. Հարությունյանի գրությունը. այն վերաբերվում է իմ կողմից ՀՀ ոստիկանության պետին հասցեագրված գրությանը՝ ոստիկանության Արաբկիրի բաժնի պետ Ա. Վաթյանի կողմից իմ պաշտպանյալ Հակոբ Հովհաննիսյանին ապօրինի ձերբակալելու վերաբերյալ: Այս մասին ֆեյսբուքյան իր էջում գրել է փաստաբան Բենիկ Գալստյանը:

Վերը նշված գրությամբ ներքին անվտանգության վարչության պետի տեղակալը հայտնում է, որ իրականացված ծառայողական քննության արդյունքում պարզվել է, որ Արաբկիրի բաժնի պետ Ա.Վաթյանը, առանց սահմանված հիմքերի, նպատակների և նույնիսկ առանց ձերբակալման արձանագրությունը պաշտպանյալիս ծանոթացնելու ձերբակալելով իմ պաշտպանյալին, չի պահպանել ՀՀ օրենքների և իրավական ակտերի պահանջները և թույլ է տվել կարգապահական խախտում:

Այսինքն, ըստ ՀՀ ոստիկանության ներքին անվտանգության վարչության՝ մարդուն «հավայի տեղը» ձերբակալելն ուղղակի կարգապահական խախտում է, ոչ ավելին:

Սակայն սա դեռ ամենը չէ. հարգարժան ներքին անվտանգության վարչության պետի տեղակալը հայտնել է նաև, որ ոստիկանության գնդապետ Ա.Վաթյանը ենթակա է կարգապահական պատասխանատվության, սակայն ղեկավարվելով «ՀՀ ոստիկանության կարգապահական կանոնագիրքը հաստատելու մասին» ՀՀ օրենքի 16-րդ հոդվածի 1-ին մասով, նրա նկատմամբ կարգապահական տույժ չի կիրառվել:

Նշեմ, որ համաձայն այդ կանոնագրքի 16-րդ հոդվածի 1-ին մասի՝ «Ծառայողական քննություն նշանակող անձի որոշմամբ կարգապահական խախտում կատարած ոստիկանության ծառայողը կարող է ազատվել կարգապահական տույժից, եթե նման արարք կատարել է առաջին անգամ, կամ կարգապահական խախտում կատարած ոստիկանության ծառայողն անկեղծորեն զղջացել է, ներողություն է խնդրել կոլեկտիվից կամ տուժողից կամ կամավոր հատուցել է իրավախախտմամբ պատճառված վնասը»:

Տեղադրում եմ նաև հիշյալ գրության լուսանկարը, վայելեք:

Հ.Գ. Այս դեպքում ևս ապագա քրեական գործով ապագա մեղադրյալների քանակը պարզապես ավելացավ, իմ հաշվարկով՝ 3-4 հոգով»,- գրել է Գալստյանը:

Հիշեցնենք, որ Հակոբ Հովհաննիսյանը ձերբակալվել է ս.թ. փետրվարի 27-ին.

«Իր բնակարանից ՀՀ ոստիկանության Արաբկիրի բաժին բերման է ենթարկվել և ձերբակալվել իմ պաշտպանյալ Հակոբ Հովհաննիսյանը՝ հասարակ մարդ, հայրենասեր անձնավորություն, ով ընդամենը մեկ օր առաջ գտնվել է Բաղրամյան պողոտայում՝ իրացնելով ՀՀ Սահմանադրությամբ իրեն ընձեռված խաղաղ հավաքներին մասնակցելու իր իրավունքը»,- այդ առթիվ իր ֆեյսբուքյան էջում գրել էր Գալստյանը և հավելել, որ ըստ ոստիկանների՝ Հակոբ Հովհաննիսյանը կասկածվում է փետրվարի 26-ին «իմքայլական» պատգամավորի հայհոյելու մեջ։

«Հիշյալ պատգամավորը հաղորդում է տվել Հակոբի դեմ։

Նշեմ, որ Հակոբի խնամքին է գտնվում 89-ամյա տարեց մայրը։ Մի խոսքով՝ թևակոխում ենք «ռեպրեսիաների» նոր փուլ»,-գրել էր փաստաբանը:

Այս թեմայով Միզող ոստիկանների պատմությունը ծանր հանցանքից շուտով կդառնա անեկդոտ, այնուհետև կմոռացվի. փաստաբան Վաղը Սամվել Վարդանյանին հրավիրում են հարցաքննության․խոշտանգման գործով սայլը տեղից շարժվում է․ փաստաբան Սամվել Վարդանյանին առաջադրված մեղադրանքը լրացվել է. փաստաբան Սամվել Վարդանյանին առաջադրված մեղադրանքը լրացվել է. փաստաբան Ինչու դեռ հարցաքննված չեն զույգով միզող ոստիկանները, առգրավված չեն նրանց միզուղու մոտակայքի բոլոր տեսախցիկներն ու ձայնագրությունները, առգրավված-զննված չեն նրանց հեռախոսները, ավտոմեքենան եւ ինչու քրգործ հարուցված չէ. փաստաբան Երվանդ Վարոսյան Դիմակավորված անհայտ անձինք երեկ դաժանաբար ծեծի են ենթարկել Սամվել Վարդանյանին` մինչեւ խուց տանելը. փաստաբան Էս ազգն իր գլխին աղետ է բերել, երևի մի հրաշք պետք է լինի, որ էդ աղետից պրծնենք. Աշոտյանի փաստաբան Արա՜, դուք վայելեք, քանի դեռ ձեզ ընդամենը վիժվածք են անվանում. փաստաբան Արհեստածին են ՀՀ 3-րդ նախագահին ուղղված մեղադրանքները. Սերժ Սարգսյանի փաստաբան Աշոտյանի գույքի վրա արգելանքի մասին հայցը «PR» ակցիա է քաղաքական հետապնդման մասին. փաստաբան