Ակցիայի ընթացքում ոստիկանների կողմից ուժ է կիրառվել կանանց նկատմամբ. Անի Սամսոնյանը դիմել է ոստիկանապետին

Սույն թվականի ապրիլի 7-ին «ՎԵՏՕ» հասարակական-քաղաքական շարժման մասնակիցների կողմից Կառավարության շենքի դիմաց կազմակերպված բողոքի ակցիայի վերաբերյալ համացանցում հրապարակվել են մի շարք տեսանյութեր, որտեղ առերևույթ արձանագրում ենք ոստիկանների կողմից անհամաչափ ուժի կիրառման դեպքեր։ Դրանք իրականացվել են ոչ միայն  շարժման կին մասնակիցների նկատմամբ, այլև այն լրագրողների, որոնք այդ ընթացքում կատարել են իրենց աշխատանքային մասնագիտական պարտականությունները։ Այս մասին ֆեյսբուքյան իր էջում գրել է ԱԺ «Լուսավոր Հայաստան» խմբակցության պատգամավոր Անի Սամսոնյանը:

«Այսպես, «Yerevan.Today» լրատվական վերլուծական կայքում տեղադրված տեսանյութում երևում է, թե ինչպես է ոստիկանի կողմից կիրառվում անհամաչափ ուժ լրագրողի նկատմամբ:

«Tert.am» լրատվական վերլուծական կայքում տեղադրված տեսանյությում արձանագրված է, որ ոստիկանների կողմից բռնի ուժի գործադրմամբ բերման է ենթարկվում քաղաքական գործիչ Վազգեն Մանուկյանի կինը՝ Վարդուհի Իշխանյանը: Նույն կայքի մեկ այլ տեսանյութում երևում է, թե ինչպես են կրկին բռնի և անհամաչափ ուժ կիրառում ակցիայի կազմակերպիչներ՝ «ՎԵՏՕ» հասարակական-քաղաքական շարժման կին մասնակիցների նկատմամբ:

«NEWS.am» լրատվական վերլուծական կայքում տեղադրված տեսանյութում արձանագրված է, թե ինչպես են ոստիկանների կողմից կրկին ոչ անհամաչափ ուժի գործադրմամբ բերման ենթարկվում ակցիայի մասնակիցները։

«Ոստիկանության մասին» ՀՀ օրենքի 29-րդ հոդվածի վերլուծությունից հետևում է, որ ոստիկանության ծառայողը որպես բացառիկ միջոց կարող է գործադրել ֆիզիկական ուժ, հատուկ միջոցներ և հրազեն, այնքանով, որքանով դա անհրաժեշտ է իր պարտականությունները կատարելու համար, եթե այլ միջոցներով այդ պարտականությունների կատարումը հնարավոր չէ ապահովել:

Փաստում ենք այն, որ ոստիկանությանը վերապահվում է ֆիզիկական ուժ կամ հատուկ միջոց կիրառել, սակայն այն պետք է լինի հետապնդվող նպատակին և կոնկրետ տվյալ իրավիճակին համաչափ:

Ելնելով վերոգրյալից դիմել եմ ՀՀ ոստիկանապետին քննության առարկա դարձնելու հետևալը․

1. Արդյոք 07.04.2021 թվականին իրականացված ակցիայի ընթացքում ոստիկանների կողմից կատարված գործողությունները եղել են համաչափ տվյալ իրավիճակին և վերջիններս թույլ չեն տվել «Ոստիկանության մասին» ՀՀ օրենքի 29-րդ հոդվածով վերապահված լիազորությունների չարաշահում:

2. Այդյոք վերջիններիս կողմից կատարված գործողություններն իրենց մեջ չեն պարունակում ՀՀ քրեական օրենսգրքի 164-րդ հոդվածի 2-րդ մասով նախատեսված հանցակազմի հատկանիշներ, այն է. «Լրագրողի մասնագիտական օրինական գործունեությանը խոչընդոտելը կամ նրան տեղեկություններ տարածելուն կամ տարածելուց հրաժարվելուն հարկադրելը, որոնք կատարել է պաշտոնատար անձն իր պաշտոնեական դիրքն օգտագործելով»:

3. Արդյոք վերջիններիս կողմից կատարված գործողություններն իրենց մեջ չեն պարունակում ՀՀ քրեական օրենսգրքի 163-րդ հոդվածի 1-ին մասով նախատեսված հանցակազմի հատկանիշներ, այն է՝ «Օրինական հավաքներ անցկացնելուն խոչնդոտելը»:

4. Արդյոք բերման ենթարկված անձանց ներկայացվել են գործողության հիմքերը և այդ կարգավիճակում նրանց իրավունքները»,- գրել է նա։

Այս թեմայով Բնակիչները դիմում են ՀՀ Կառավարությանը․ Գեղանիստ-Երևան ավտոճանապարհի կամուրջը ճողվածք է ստացել «Երևան ավտոբուս» ՓԲԸ տնօրեն Հովհաննես Մանուկյանը աշխատանքից ազատման դիմում է ներկայացրել Եթե այս հողերը տա, ճանապարհ կբացի դեպի Երեւան. սթափվիր, քանի ուշ չի. ոսկեպարցիները դիմում են Փաշինյանին Առողջապահական գործակալության պետը ազատման դիմում է գրե՞լ. «Հրապարակ» «Ժողովուրդ». Դատավորները ներքին խմբում հայհոյել են իշխանությանը, դրա համար ստիպում են դիմում գրել, գնալ. ո՞վ է հաջորդը «Ժողովուրդ». Ինչո՞ւ Էդմոն Մարուքյանը ազատման դիմում գրեց. ի՞նչ են ասել նրան ԱԳՆ-ից Եթե առցանց դիմում կա, նոր դիմումի անհրաժեշտություն չկա. ԱՍՀՆ-ն՝ ԼՂ-ից տեղահանվածների սոցաջակցության ծրագրի մասին Այստեղ լրիվ սևեր ու սպիտակներա․ էնպես են անում, որ դիմում գրես, դուրս գաս․ բուժաշխատող Ալիևն ասում էր ՀՀ տարածք ենք ներխուժել, որ ավելի հստակ հասկանանք` հայերը ռևանշի՞ են դիմում, թե՞ ոչ Խորհրդակցությունը թեժ է անցել. Վահե Ղազարյանը պաշտոնանկ է արել Չարենցավանի ոստիկանապետին․ Shamshyan․com