Զոհերի հիշատակը փառաբանելու լավագույն ձևը խաղաղության շանսը բաց չթողնելն է. Լենա Նազարյան

Զոհերի հիշատակը փառաբանելու լավագույն ձևը կայուն խաղաղության հնարավորությունը բաց չթողելն է, որ այլևս ոչ ոք չզոհի իր կյանքը՝ մյուսի ապրելու համար: «Հայկական ժամանակին» տված հարցազրույցում այս մասին ասել է ԱԺ փոխնախագահ Լենա Նազարյանը` անդրադառնալով իր վերջին հայտարարությանը, թե «գուցե հիմա լավ շանս կա, որ Թուրքիայի հետ թշնամանք չլինի»:

«Պատերազմը, բնականաբար, արհավիրք ու ողբերգություն է: Սակայն, հետպատերազմյան իրողությունում, եթե կա խաղաղություն հաստատելու ու կոնֆլիկտը վերջնական կարգավորելու շանս, բացված պատուհան, մի փոքրիկ հնարավորություն, ապա աններելի է այն բաց թողնելը: Այս հնարավորությունը կարող է չլինել, կամ միշտ չէ, որ կլինի: Քանի՞ անգամ ենք ետ նայել, փնտրել ու ափսոսացել խաղաղություն ունենալու բաց թողնված հնարավորությունների համար: Ցավոք, քանի ժամանակն անցնում է, պատերազմի աղետի հիշողությունը մարում է, մխացող կոնֆլիկտի հետ ապրելը դառնում է սովորական: Եվ միտքս այն է, որ զոհերի հիշատակը փառաբանելու լավագույն ձևը կայուն խաղաղության հնարավորությունը բաց չթողնելն է, որ այլևս ոչ ոք չզոհի իր կյանքը՝ մյուսի ապրելու համար: Նաև ես շատ եմ ուզում, որ ընտրությունների նախաշեմին մեր քաղաքացիներն առանց բացառության բոլոր քաղաքական ուժերի առջև դնեն մեկ պահանջ. բոլոր չլուծված խնդիրների լուծմանը հասնել բացառապես խաղաղ ճանապարհով: Խաղաղության պահանջը պետք է հանրային բարձրաձայն ու հաստատակամ պահանջ դառնա:

Բոլոր տարամեկնաբանություններին վերաբերվում եմ որպես ասածս ևս մեկ անգամ ներկայացնելու հնարավորություն»,- ասել է Նազարյանը:

Այս թեմայով Արդյո՞ք քրեական գործեր կհարուցվեն Նիկոլ Փաշինյանի թիմակիցների հանդեպ «Ժողովուրդ». Լենա Նազարյանի սայթաքումն ԱԺ ամբիոնից Թագուհի Թովմասյանը դատի է տվել Լենա Նազարյանին Ինչ նկատի ուներ Փաշինյանը «շինելու եմ» արտահայտությունն անելիս․ Լենա Նազարյանը մեկնաբանում է Մեզ հայհոյողները, վիրավորողները պետք է համարժեք պատասխան ստանան․ Լենա Նազարյան «Մե՞նք ենք պատանդ պահել». Լենա Նազարյանն առաջարկում է հանրությանը գերիներին վերադարձնելու պահանջը ներկայացնել Ադրբեջանին Լենա Նազարյանը Ֆրանկոֆոնիայի առաքելության հետ զրույցում անդրադարձել է գերիների թեմային «Լենա Նազարյան, ամուսնուդ կփոխանցես, որ ես ճիշտ էի, ինքը՝ սխալ»․ Աննա Հակոբյան Խաղաղաղություն պետք է լինի տարածաշրջանում ի հեճուկս Ալիևի․ Լենա Նազարյան Պարզ է, թե ինչ թուրքաբարո օրակարգ է առաջ քաշում Թուրքիայի միլլի մեջլեսի փոխխոսնակը. Արսեն Գրիգորյան