Ռազմագերիների հարցով վեճ ունենք ադրբեջանական կողմի հետ. հարցը կբարձրացվի ԵԽ-ում. Զեյնալյան

«Մենք պնդում ենք, որ Ադրբեջանում գտնվողները ռազմագերիներ են։ Եվրոպական դատարանում Ադրբեջանի հետ վեճ ունենք այս հարցով և դատարանը կորոշի՝ ինչպես այն կարգավորել»,- «Փաստինֆո»-ի հետ զրույցի ժամանակ նման կարծիք է հայտնել իրավապաշտպան Արտակ Զեյնալյանը՝ անդրադառնալով Ադրբեջանի ԱԳ նախարարի այն հայտարարությանը, թե ռազմագերիների հարցը լուծված է։

Ըստ Արտակ Զեյնալյան՝ այդ ուղղությամբ նաև քաղաքական աշխատանք պետք է իրականացվի, որպեսզի Ադրբեջանը կատարի Ժնևի կոնվենցիայի պահանջը, և վերադարձնի իր լիազորության ներքո գտնվող անձանց։

Իրավապաշտպանը նկատեց՝ Եվրոպայի խորհրդի անդամ դառնալիս Ադրբեջանը ստանձնել է պարտավորություն, որ կատարելու է Եվրոպական դատարանի դատական ակտերը. «Հիմա այդ դատական ակտերի կատարման հսկողությունը դրվում է ԵԽ արտաքին գործերի նախարարների կոմիտեի վրա։ Մեր ճնշումների ազդեցության տակ Եվրոպական դատարանը բավարար է գնահատել դրանք, և գործն ուղարկել է նախարարների կոմիտե՝ հսկողության։ Առաջիկայում կլինի նախարարների կոմիտեի նիստ, որտեղ կբարձրացվի այդ հարցը»,-նշեց Արտակ Զեյնալյանը։

Վերջինս նշեց, որ Ադրբեջանն ընդունել է 70-ից ավել անձանց իրենց մոտ գտնվելու փաստ, իսկ մյուս ռազմագերիների մասով ադրբեջանական կողմի հետ վեճ կա։ Արտակ Զեյնալյանը ևս մեկ անգամ ընդգծեց, որ Ժնևի կոնվենցիայի տեսանկյունից Ադրբեջանի իշխանության ներքո գտնվող անձինք համարվում են ռազմագերիներ և Եվրոպայի կոնվենցիայի տեսանկյունից էլ՝ ապօրինի ազատազրկված։

Հիշեցնենք, որ երեկ հայտարարվել էր ռազմագերիների մի խմբի Հայաստան վերադառնալու մասին, սակայն Հայաստանում վայրէջք կատարած ինքնաթիռում միայն Ռուստամ Մուրադովն էր՝ առանց գերիների։ Այնուհետև Ադրբեջանի ԱԳ նախարար Ջեյհուն Բայրամովը հայտարարեց, որ ռազմագերիներին հանձնելու հարցը լուծված և փակված է. «Մենք հայկական կողմին ենք վերադարձրել 70-ից ավել ռազմագերիների։ Որպեսզի զինվորականը ռազմագերի համարվի, նրան պետք է գերեվարել ռազմական օպերացիայի ընթացքում։ Նրանց, ովքեր բռնվել են հակաահաբեկչական գործողության ժամանակ նոյեմբերի 9-ից հետո, պետք է անվանել ահաբեկիչներ, բայց ոչ երբեք ռազմագերիներ»,-հայտարարել էր Ադրբեջանի ԱԳ նախարարը։

Այսօր հայկական կողմը՝ ի դեմս ԱԺ հանձնաժողովի նախագահ Անդրանիկ Քոչարյանի, պնդել է, թե Մուրադովը գնացել էր Բաքու՝ գերիներին ուղեկցելու համար, իսկ Մուրադովը նման տեղեկատվությունը պրովոկացիա է գնահատել՝ նշելով, որ ապրիլի 8-ին գերիների վերադարձ նախատեսված չի եղել։

Այս թեմայով Էթնիկ հայերը խոշտանգվել են ադրբեջանական զինված ուժերի կողմից. լսումներ՝ ՄԱԿ-ի դատարանում (տեսանյութ) Պետք է Նիկոլի հարցը լուծենք, որ պարզ էրեսով կարողանանք գնալ «Եռաբլուր»՝ մեր տղերքի մոտ. Չախալյան Սամվելի գրավի գումարը հավաքելու համար ունենք ընդամենը 2 օր. Ռուբեն Մելիքյան Հայաստանի և Ադրբեջանի միջև հավասարության նշաններ դնելու ադրբեջանական փորձերն անլուրջ են և ցինիկ․ Եղիշե Կիրակոսյան «Մա՛մ, գիտե՞ս, թե ինչ հայրենիք ունենք». կապիտան Հայկ Ղարսյանն անմահացել է հոկտեմբերի 25-ին Վարանդայում․ «Փաստ» Մեկ նպատակ ունենք` հաղթել Սկուդետոն. Մխիթարյան Գլխավոր դատախազությունում քննարկվել է ապօրինի ծագում ունեցող գույքի բռնագանձման ոլորտներում ԱՄՆ-ի հետ փոխօգնության խորացման հարցը Գործ ունենք համակարգված տեղեկատվական ահաբեկչության հետ․ Գոռ Ծառուկյանը՝ Երևանի դպրոցներում ահաբեկչություն ծրագրելու լուրերի մասին Սահմանների հարցը չի կարելի կտրել մարդուց, դա հենց մարդու անվտանգ կյանքի, նրա իրավունքների համար է ՈՒՂԻՂ. Քննվում է Արմեն Աշոտյանի խափանման միջոցի վերանայման հարցը