Գերիների վերադարձը զուտ չհաջողված հերթական PR ակցիան էր․ Գոհար Մելոյան

Սահմանադրագետ Գոհար Մելոյանը ֆեյսբուքյան իր էջում գրառում է արել՝ անդրադառնալով Արցախում ռուս խաղաղապահների հրամանատար, գեներալ Ռուստամ Մուրադովի հայտարարությանը.

«Արցախում ռուս խաղաղապահների հրամանատար, գեներալ - լեյտենանտ Մուրադովն անդրադարձրել է երեկ գերիների չվերադառնելու հարցին՝ նշելով, որ գերիների վերադարձ պլանավորված չի եղել, դա կեղծ պրովոկացիա է և առաջարկել հարցնել ՀՀ իշխանություններին, թե ինչու են նրանք մոլորեցնում սեփական ժողովրդին։

Փաստորեն ճիշտ էին երեկվանից հնչող պնդումները, որ գերիների վերադարձը զուտ չհաջողված հերթական PR ակցիան էր, որը նպատակ ուներ թիրախավորելու Ռուսաստանի Դաշնության խաղաղապահ գործունեությունը։

Դե, իսկ մեր գերեվարված հայրենակիցների վերադարձի և նրանց հարազատների հուզական սպասումների հարցը շարունակում է մնալ իշխող ուժի շահարկման դաշտում։

Այսօր առավոտվանից իշխանության ներկայացուցիչները բացահայտ քարոզարշավ են սկսել Ռուսաստանի Դաշնության դեմ՝ պնդելով, որ Ռուսաստանը, ի դեմս՝ նախագահ Պուտինի չի կարողանում իրականացնել նոյեմբերի 9-ի խայտառակ փաստաթղթի պահանջները, փորձելով մանիպուլյատիվ շղարշ ստեղծել, թե իբր Մոսկվայում՝ ապրիլի 7-ին, գերիներին վերադարձնելու մասին Փաշինյանը ձեռք է բերվել պայմանավորվածություն։

Այնինչ պատերազմի ավարտից անցել է շուրջ հինգ ամիս, և հայկական կողմի գերիների չվերադարձման միակ պատասխանատուն եւ մեղավորը ՀՀ իշխող ուժն է, որը համառորեն մսխեց եւ մսխում է գերիներին վերադարձը երաշխավորող բոլոր խաղաքարտերը։ Մասնավորապես, թվեմ առնվազն հայկական կողմի գործողություններ, որոնցից յուրաքանչյուրի կյանքի կոչելու նախապայման պետք է լիներ գերիների խմբաքանակների վերադարձի ապահովում.

1. Նոյեմբերի 15՝ Քարվաճառի/Քելբաջարի հանձնում.

2. Նոյեմբերի 20՝ Ակնայի/Աղդամի հանձնում.

3. Դեկտեմբերի 1՝ Բերձորի/Լաչինի հանձնում.

4. Դեկտեմբերի 18՝ գաղտնի հուշագրի կնքում Ադրբեջանի ու ՌԴ-ի հետ՝ սահմանագծելով եւ ադրբեջանական կողմի վերահսկողության ներքո հանձնելով Գորիս-Դավիթ Բեկ, Կապան-Ճակատեն հատվածներում տարածքներ.

5. Ադրբեջանական դիվերսանտներ, միջազգային իրավունքի համատեքստում ռազմական հանցագործներ, որոնք Արցախ էին ներխուժել 2014 թվականին, սպանել մեր հայրենակիցներին՝ Շահբազ Գուլիևի և Դիլհամ Ասկերովի հանձնում Ադրբեջանին.

6. Հունվարի 11-ի համատեղ եռակողմ հայտարարություն՝ աշխատանքային խմբի ձեւավորմամբ։

Հ. գ. Բայց դե, ըստ հենց իշխող ուժի ներկայացուցչի կողմից հնչեցված արտահայտության, իրենք ունեն մեկ խնդիր և այդ խնդիրը ընդդիմությունն է։

Այս թեմայով Գոհար Ավետիսյանը գիրանալուց հետո ցուցադրել է իր արտաքինը (լուսանկար) Գոհար Ավետիսյանը՝ սև թափանցիկ զգեստով (լուսանկար) Գոհար Ավետիսյանը ներկայացել է նոր ֆոտոշարքով Գոհար Ավետիսյանի նախկին ամուսինը դատի է տվել նրան 35-ամյա Գոհար Գ.-ն հետախուզվում էր մարդուն առևանգելու և ֆիզիկական ներգործության մեղադրանքով «Երբ տեսա Արարատը՝ սիրտս կանգնեց»․ Գոհար Ավետիսյան ՔՊ-ի երիտասարդական կառույցի խորհրդի նախագահ է նշանակվել Գոհար Սաֆարյանը «Երևանն ինչպես միշտ շատ ջերմ է դիմավորում»․ Գոհար Ավետիսյանը Հայաստանում է (լուսանկար) Արցախի ՊԲ մարտիկները կռվել են առյուծի պես. Գոհար Մելոյան Գոհար Ավետիսյանը բաժանվել է սիրելիից (լուսանկարներ)