Ադրբեջանցիները կրակել են երկար ու թիրախավորված, գյուղացիները վախեցած են․ Սարուշենի համայնքապետ

Ապրիլի 7-ին՝ առավոտյան ժամը 10-ին, տրակտորը մտել է դաշտ, որ աշխատի, որոշ ժամանակ աշխատելուց հետո ադրբեջանցիները սկսել են կրակել նրանց ուղղությամբ։ Այս մասին ԼՈՒՐԵՐ․com-ի հետ զրույցում ասաց Սարուշենի համայնքապետը՝ Կարեն Գասպարյանը։

Վերջինս ասաց, որ այդ ժամանակ տվյալ տարածքում եղել են տրակտորի վարորդը և դաշտի տերը․ «Երբ ադրբեջանցիները սկսել են կրակել, դաշտի տերը փոքր-ինչ հեռու է եղել, այդ նույն պահին զանգահարել է տրակտորիստին, որ շուտ դուրս գա դաշտից։ Դաշտից դուրս գալուն պես ադրբեջանցիների արձակած կրակը վնասել է տրակտորը, տուժածներ չեն եղել»,- նշեց համայնքապետը։

Նա ասաց, որ թշնամին հրադադար երբեք էլ չի պահել, սակայն, այս անգամ, դեպքը այլ էր․ «Եղել է, որ էլի են կրակել, բայց ոչ թիրախավորված՝ օդ են կրակել։ Այս անգամ այլ էր․ կրակել են երկար ու թիրախավորված, անգամ, երբ տրակտորը դուրս է եկել դաշտից և դադարեցրել են աշխատանքը, նրանք, միևնույնն է, շարունակել են կրակոցները»,- ասաց Կարեն Գասպարյանը։

Սարուշենի համայնքապետը նշեց, որ այդ դեպքից հետո տվյալ դաշտում այլևս աշխատանքներ չեն իրականացվում․ «Այդ դաշտում գյուղացիները այլևս վախենում են աշխատել, մեջները վախ կա»,- ընդգծեց նա։

Նշենք, որ Սարուշեն գյուղը սահմանամերձ է: Գյուղը պատերազմից հետո նորից լիովին վերաբնակեցվել է:

Այս թեմայով Ադրբեջանցիները ծաղրում են Ստեփանակերտում փողոցով քայլող տարեց հայ տղամարդուն․ Լինդսի Սնել (տեսանյութ) Աննա Վարդապետյանը «Արի գյուղ, գյուղում կյանք կա» նախաձեռնության շրջանակում հանդիպել է Արարատի մարզի երեք բնակավայրերի աշակերտներին ՔՊ-ականները թող գան և մեզ մոտ ասեն, որ ադրբեջանական գյուղ է․ պատգամավորը զրուցել է ոսկեպարցիների հետ Մենք Տավուշի մարզի ո՞ր գյուղն ենք հանձնում, դե ասեք` Խրեմլու անունով գյուղ կա՞ այդ մարզում. Փաշինյան «Ադրբեջանցիները ցնցող բացահայտում են արել»․ դեսպան Մկրտչյան Երբեք խոսք չի եղել և չի կարող լինել Տավուշի որևէ գյուղ հանձնելու մասին․ Փաշինյան ՀՀ տարածքում կան փակ և դժվարանցանելի ավտոճանապարհներ Նորատուսում պատերազմ են սարքել, ինչքան բերետ կա՝ բերել լցրել են գյուղ, հո մենք հանցագո՞րծ չենք Ալիևն իր նպատակները չի թաքցնում՝ ուզում է միջանցք, ութ գյուղ, ռեպարացիաներ. Խաչատրյան Բաքուն ՀՀ-ի տարածքների նկատմամբ հավակնություն ունի` Իշխանասար, Սև լիճ, Տեղ գյուղ. Աբրահամյան