էդպես էլ չսովորեցի խաբել ոչ ինձ, ոչ էլ ձեզ. Նազենի Հովհաննիսյան

Դերասանուհի, հաղորդավարուհի Նազենի Հովհաննիսյանը նոր գրառում է կատարել՝ անդրադառնալով ոգու, գիտակցության, կուրստի ցավի, առաջ նայելու մասին։

«Հայությունն ու հայկականությունը մշտապես ունեն պաշտպանության ու պահպանության կարիք: Դա է մեր Խաչը:

Մենք ընկճախտի մեջ ենք. այն դառնում է փակուղի, երբ բոլորս լռում ենք ու փակվում մեր մեջ:

Եթե առողջ ենք, ապա առողջ ենք ոգով, թե հիվանդանում ու տապալվում ենք՝ էլի ոգով...

Ամենացավոտ իրադարձությունները ուղեղիդ ու իրական գիտակցությանդ հասնում են շատ ուշ, անսպասելի, ու տապալում քեզ նույնքան անսպասելի:

Տարիներ պահանջվեցին, որ ես գիտակցեմ ծնողներիս կորուստը ու սովորեմ սգալ, լացել սրտանց ու հասկանալ՝ ինչպես շարունակել ապրել:

Մեզ իսկապես ժամանակ է պետք հասկանալու մեր կորուստը հիմա!

Հայրենիքի կորուստն ու ցավը անդունդի պես է. կամ կմնանք նրա մեջ՝ մեկուսացած, առանձնացած ու պառակտված, կամ պիտի մեկս մյուսին օգնելով դուրս գանք:

Մահափոսում բոլորը նույն կետում են. անկախ նրանից՝ ոմանք նայում են երկնքի՞ն, թե տեսնում են իրենց ոտքի տակի հողը միայն: Հավասար կետում:

Ես փորձում եմ ուժեղ լինել, ուժ տալ, գոնե չհուսահատեցնել, բայց էդպես էլ չսովորեցի խաբել ոչ ինձ, ոչ էլ ձեզ՝ իբր ոչինչ չի պատահել...

կներեք, եթե երբեմն երկար եմ լռում... լռվել եմ փոսի մեջ:

Բայց դե միասին դուրս կգանք: Հավատում եմ:

Համենայնդեպս այլընտրանք չունենք. ՊԻՏԻ ԴՈւՐՍ ԳԱՆՔ էս փոսից, լինի ծլած հասկերի, խորը արմատ գցած ծառերի, թե քամու հետ տարածվող սերմերի տեսքով:

Դուրս գանք վերջապես!

Հ.Գ. Լուսանկարը տարիներ առաջվա է, Լուսիկ Ագուլեցու՝ հայկականության խտանյութ դարձած տանը...», - գրել է հաղորդավարուհին։

Այս թեմայով Լինել Երուսաղեմում, տեսնել օվկիանոսը... Նազենի Հովհաննիսյանը՝ կյանքում առաջնային անելիքների մասին Էս գիշերը անքունի ու անտունի գիշերն է. Նազենի Հովհաննիսյանի արձագանքը «տուն» դարձած Եռաբլուրին «Որքան տարբեր է հայացքը պատերազմից առաջ ու հետո․․․ աչքերը, զգացածդ ու սերը»․ Նազենի Հովհաննիսյան Նազենի Հովհաննիսյանի սպորտային լուքը «Կոմիտասի վրա տեսնես ինչի՞ ծով չկա». Նազենի Հովհաննիսյանը` լողազգեստով Նազենի Հովհաննիսյանը լողազգեստով ցուցադրել է կատարյալ կազմվածքը Ինչ էր ասել Հայկոն Նազենի Հովհաննիսյանին տարիներ առաջ․ հաղորդավարուհին հուզիչ տեսանյութ է հրապարակել «Հիշել՝ նշանակում է ապրել, գործել, փոխել...»․ Նազենի Հովհաննիսյան «Մարգարտախեցու չափ սեր կամ մանանեխի չափ հավատք էլ չունեցանք»»․ Նազենի Հովհաննիսյան «Մի օր ամենքս էլ հոգնում ենք՝ չհասկացված լինելուց, անլուծելի հարցերի լուծումը փնտրելուց»․ Նազենի Հովհաննիսյան