ՀՀ իշխանությունները Կանադային չեն տվել «Բայրաքթար»-ներում կանադական տեխնոլոգիաների կիրառման մասին տեղեկություններ. Yerkir.am

Կանադան խնդրել է Հայաստանին տրամադրել ցանկացած տեղեկատվություն, որը հնարավորություն կտա ապացուցել կանադական տեխնոլոգիաների կիրառումը Բայրաքթար անօդաչուներում, սակայն Հայաստանի իշխանությունները չեն տրամադրել որևէ տեղեկատվություն` այդպիսով հետաքննության ընթացքում չօժանդակելով կանադական իշխանություններին, հայտնում է Yerkir.am-ը։

Այս մասին ասվում է Հայ դատի կենտրոնական գրասենյակի տարածած հայտարարության մեջ, որից տեղեկանում ենք, որ Կանադայի Հայ դատի հանձնախմբի ջանքերով է այդ երկիրը կասեցրել թուրքական ընկերություններին տրամադրված ռազմական արտադրանքի և տեխնոլոգիաների արտահանման արտոնագրերը։

Հայ դատի գրասենյակը Հայաստանի ԱԳՆ-ի այս կեցվածքը խիստ տարակուսելի է որակել՝ հայտնելով, որ Կանադային չօժանդակելու մասին իմացել է այդ երկրի արտգործնախարարության հրապարակած հետաքննությունից, որի մեջ բառացիորեն գրված է այս մասին։

ՀՀ ԱԳՆ-ն, վստահաբար, ունեցել է փաստեր, որ «Բայրաքթարում» կանադական տեխնոլոգիաներ կան, քանի որ պատերազմի ընթացքում մի քանի անգամ ՀՀ ՊՆ խոսնակը հրապարակեց փաստեր, որ Արցախի ՊԲ ՀՕՊ ստորաբաժանման կողմից խոցված թուրքական Bayraktar TB2 մարտական ԱԹՍ-ի հեռակառավարվող տեսախցիկը L-3 WESCAM CMX-15D մոդելի է: Այն արտադրվել է 2020թ հունիսին Կանադայի WESCAM ընկերության կողմից և Bayraktar TB2-ի վրա տեղադրվել 2020թ սեպտեմբերին: Ընդհանուր աշխատանքը կազմել է 31 ժամ:

Yerkir.am-ը հարցում է ուղարկել ՀՀ արտաքին գործերի նախարարություն՝ պահանջելով պարզաբանել՝ ինչո՞ւ տեղեկատվություն չեն տրամադրել Հայաստանի անվտանգության համար այդքան կարևոր հետաքննությանը օժանդակելու համար։ Պատասխանն ստանալուն պես՝ կներկայացնենք մեր ընթերցողին։

Նշենք, որ Կանադան այսօր հետ է կանչել նախկինում տրված՝ զենք և տեխնոլոգիաներ Թուրքիա արտահանելու թույլտվությունները այն բանից հետո, երբ երկրի իշխանությունները ստացել են ապացույցներ, որ դրանք կիրառվել են Լեռնային Ղարաբաղի հակամարտությունում: Այս մասին ասվում է Կանադայի արտաքին գործերի նախարար Մարկ Գարնոյի հայտարարության մեջ։

Հիշեցնենք, որ Կանադան 2020 թ-ի հոկտեմբերի 6-ին դադարեցրել էր Թուրքիային անօդաչու թռչող սարքերի տեխնոլոգիաների մատակարարումը, քանի դեռ ուսումնասիրելու էր դրանց` Ադրբեջանից Հայաստանի դեմ օգտագործվելու փաստը: Հիմնականում սա վերաբերում է WESCAM CMX-15D օպտիկական համակարգին, քանի որ կանադական հենց այս միջոցներն են տեղադրված թուրքական հարվածային ԱԹՍ-ների վրա: Դրանց շնորհիվ Bayraktar TB2 ԱԹՍ-ները ստանում են շատ խորը ու լավ պատկերներ:

Այս թեմայով Ուկրաինան Անկախության օրվա առթիվ «Բայրաքթար» է նվեր ստացել Բայրաքթար դարձած արնածոր յաթաղանը կրկին կախված է մեր ժողովրդի գլխին. Սերժ Սարգսյան Դմիտրի Մեդվեդևը քննադատել է «Բայրաքթար» ԱԹՍ-ն «Դե ուրեմն ինքներդ էլ կռվեք». Էրդողանի փեսան պատասխանել է «Բայրաքթարներին» քննադատած ուկրաինացի քաղաքական գործչին «Բայրաքթարում ավելի շատ PR և կոռուպցիա կա, քան մարտական ​​կիրառում». ուկրաինացի քաղաքական գործչի խոստովանությունը Ռուսաստանը թիրախավորել է Հալուք Բայրաքթարին․ թուրքական աղբյուրներ Ռուսաստանին «Բայրաքթար» չենք վաճառի, մենք Կիևի կողքին ենք. թուրք գործարար Կիևում «ծաղկային Բայրաքթար» են տեղադրել՝ ի պատիվ Անկախության օրվա Ուկրաինայում մեկնարկել է «Բայրաքթար» արտադրող գործարանի կառուցումը Թուրքիան Ռուսաստանին «Բայրաքթարներ» չի վաճառի