Եթե թույլ է տվել, որ Օնիկ Գասպարյանը նման բան հայտարարի, ապա իրեն ձեռնտու է եղել

Եթե նոյեմբերի 17-ի՝ Օնիկ Գասպարյանի հայտարարությունը կեղծ էր, ապա Նիկոլ Փաշինյանը չպիտի լռեր այդ ժամանակ: Այս մասին ԼՈՒՐԵՐ.com-ի հետ զրույցում ասաց ԱԺ անկախ պատգամավոր Սոֆյա Հովսեփյանը:

«Եթե թույլ է տվել, որ Օնիկ Գասպարյանը նման բան հայտարարի, ապա իրեն ձեռնտու է եղել այդ հայտարարությունը: Եթե կա ձայնագրություն՝ թող հրապարակեն: Ի դեպ, Օնիկ Գասպարյանը այդ ժամանակ եղել է Գլխավոր շտաբի պետ և եթե հայտարարել է նման բան, որը Նիկոլ Փաշինյանը հիմա ասում է՝ սուտ է, ապա պետք է հենց այդ ժամանակ խոսեր, եթե չի խոսել՝ հիմա քննարկելը երկրորդական է»,- նկատեց Հովսեփյանը:

Պատգամավորի համար անհասկանալի է, թե ինչու են այսօր Ազգային ժողովում այդ հարցը քննարկում:

Դիտարկմանը, թե Նիկոլ Փաշինյանը պատեհ առիթ է համարել պատերազմի վերաբերյալ մի շարք շահարկումների, ապատեղեկատվությունների և այլ հարցերի պատասխանները տալու, պատգամավորն ասաց, որ մենախոսելու համար պատեհ առիթ չէ:

«Ի՞նչ կապ ունի, ինչի՞ համար է: Առհասարակ, դա պատեհ առիթ չէ, քանի դեռ քննություն չի եղել, ամբողջությամբ չեն ուսումնասիրել և չեն տեսել, թե ինչ է տեղի ունեցել պատերազմի ընթացքում. որևէ մեկն իրավունք չունի այս պահին մենախոսելու, ինչ-որ բան ներկայացնելու և կեղծ ինֆորմացիաներ լցնելու հասարակության ականջը, ո՞վ է ուսումնասիրել, միակողմանի՞ և առանց ուսումնասիրությա՞ն է պատերազմը ներկայացվելու»,- ասաց պատգամավորը:

Հիշեցնենք, որ այսօր խորհրդարանում Նիկոլ Փաշինյանը հայտարարել է, որ Օնիկ Գասպարյանը չի ասել՝ «2-3 օրվա ընթացքում անհրաժեշտ է միջոցներ ձեռնարկել պատերազմը կանգնեցնելու համար», հակառակը, ասել է՝ հակառակորդը ոչ մի առաջխաղացում չի ունեցել:

Արփինե Հակոբյան

Այս թեմայով Հայաստանի ժողովրդավարությանն անհրաժեշտ է, որ Եվրոպան, ԵՄ-ն ուս ուսի կանգնած լինեն մեր կողքին. պատգամավոր Մի ոչնչություն իրեն թույլ է տվել խուլիգանական արարք պատգամավոր Հակոբ Ասլանյանի նկատմամբ․ Ալեն Սիմոնյան (տեսանյութ) Միակողմանի զիջումները թշնամուն հնարավորություն են տալու օղակի մեջ առնել Հայաստանը. պատգամավոր Սիրային կապերը սովորաբար զուգորդվում են սեռական հարաբերություններով․ պատգամավոր (տեսանյութ) Ես պիտի տուն գնամ ու ով փորձի խանգարել՝ իմ թշնամին է. արցախցի պատգամավոր Մահացել է ԱԺ նախկին պատգամավոր Շուշան Սարդարյանի մայրը «Ժողովուրդ». ՔՊ խմբակցության նախկին պատգամավոր Էդուարդ Աղաջանյանը հարցաքննության է ներկայացել Հակակոռուպցիոն կոմիտեում Մենք Գեղարքունիքի հատվածում դիրքային առավելություն չունենք, մեր դիրքերը զիջել ենք թշնամուն. պատգամավոր Ինչպես էրոտիկ, այնպես էլ քրեական ենթամշակույթ կրող հաղորդումները կսահմանափակվեն. ՔՊ պատգամավոր Տավուշից գյուղերի հանձնման կործանարար հետևանքները ողջ Հայաստանի համար. ԱԺ պատգամավոր