ԲԴԽ նախագահի դեմ քրեական գործ է հարուցվել

Բարձրագույն դատական խորհրդի նախագահ Ռուբեն Վարդազարյանին առնչվող քրեական գործ է հարուցվել: Տեղեկությունը ԼՈՒՐԵՐ․com-ի հետ զրույցում հաստատեց ԲԴԽ անդամ Գրիգոր Բեքմեզյանը՝ նշելով, որ ՀՀ գլխավոր դատախազությունից գրություն են ստացել՝ քրեական գործի հարուցման մասին։

Արդյո՞ք խնդրահարույց չի համարում, որ Վարդազարյանի նկատմամբ քրեական գործ է հարուցվել՝ առանց նրա անձեռնմխելիության հաղթահարման, հարցին ի պատասխան Բեքմեզյանը պատասխանեց․ «Այս պահին ես չգիտեմ, թե ինչի հիման վրա է հարուցվել քրեական գործը, մանրամասներին ծանոթ չեմ, հետևաբար ոչինչ չեմ կարող ասել։ Նյութերին ծանոթանալուց հետո կկարողանամ ասել»,- ասաց նա։ 

Հարցին՝ հնարավո՞ր է քրեական գործի հարուցումը պայմանավորված է դատական համակարգում վեթթինգ իրականացնելու շրջանակում, Բեքմեզյանը դժվարացավ պատասխանել՝ նշելով, որ չի կարող պատասխանել հարցին, քանի դեռ չի ծանոթացել գործի նյութերին և հարուցված քրգործի հիմքերին։

Բեքմեզյանի խոսքով՝ եթե ԲԴԽ նախագահի դեմ քրեական գործ է հարուցվում, լիազորությունները ժամանակավորապես կասեցվում են, ապա նրա պարտականությունները ժամանակավոր կատարում է ԲԴԽ տարիքով մեծ անդամը։ Հետևաբար, ԲԴԽ նախագահի պաշտոնը ժամանակավորապես կզբաղեցնի Գագիկ Ջհանգիրյանը։

Մենք փորձեցինք կապ հաստատել նաև ԲԴԽ անդամ Գագիկ Ջհանգիրյանի հետ՝ մեկնաբանություն  ստանալու մամուլում տարածված այն տեղեկությունների վերաբերյալ, ըստ որոնց՝ ստեղծված իրավիճակը կարող է պայմանավորված լինել նաև Ջհանգիրյանին ԲԴԽ գործուղելու պատճառով։ Սակայն մեր բազմաթիվ զանգերն անպատասխան մնացին։ 

Վարդազարյանի դեմ քրեական գործ հարուցելու տեղեկությունը հաստատեցին ՀՀ գլխավոր դատախազության հանրային կապերի բաժնից․ «ՀՀ դատական օրենսգրքի 51-րդ հոդվածի 7-րդ մասով սահմանվում է, որ քրեական վարույթի շրջանակում դատավորի նկատմամբ գործողությունները կատարվում են՝ առավելագույնս ապահովելով մինչդատական քրեական վարույթի գաղտնիությունը, դատավորի հեղինակության ու անկախության նկատմամբ հարգանքը, բացառելով դատավորի գործունեությանը ուղղակի կամ անուղղակի որևէ միջամտություն: Ելնելով վերոնշյալ իրավակարգավորումներից՝ հարուցված քրեական գործի, դրա շրջանակներում իրականացվող գործողությունների մասին հավելյալ տեղեկատվություն չի տրամադրվում։ Ինչ վերաբերում է ԲԴԽ-ի համաձայնությանը, ապա դատավորի պարագայում առկա է երկու ռեժիմ։ Եթե քրեական գործը, հարուցվող քրեական հետապնդումը չի վերաբերում դատավորի կողմից իր լիազորությունների իրականացմանը, նման համաձայնություն ստանալու խնդիր չի առաջանում։ Տվյալ դեպքում գործ ունենք նշածս դեպքի հետ»,- ասացին ՀՀ գլխավոր դատախազության հանրային կապերի բաժնից:

Նշենք, որ մարտի 4-ին էլ Վարդազարյանի կինն էր հրավիրվել ՀՔԾ՝ վկայի կարգավիճակով հարցաքննության։

Այս թեմայով Անցյալի ճանաչումն ու անպատժելիության դեմ պայքարը վճռորոշ նշանակություն ունեն նոր ցեղասպանությունները կանխարգելելու համար․ ՀՀ նախագահ Ոչ ոք չի կարող մեզ արգելել կամ ստեղծել այնպիսի պայմաններ, որ Հայաստանի ազգային ակադեմիան գոյություն չունենա․ ՀՀ նախագահ Իրանի նախագահ Էբրահիմ Ռաիսին ժամանել է Պակիստան «Արտաքին ազդեցության» մասին օրենքը համապատասխանում է Մոսկվայի շահերին․ Վրաստանի նախագահ Ալեն Սիմոնյանն ընդունել է Ղազախստանի նախագահ Կազիմ-Ժոմարտ Տոկաեւին Պետեր Պելեգրինին ընտրվել է Սլովակիայի նախագահ Ուշագրավ քաղաքական իրադարձություն. ո՞վ կդառնա նորաստեղծ կուսակցության նախագահ. «Փաստ» Որակի հարցում զիջում չի լինելու, անորակ աշխատանքը չի ընդունվելու. Քաղաքաշինության կոմիտեի նախագահ Հայկական լեռնաշխարհը եղել է համաշխարհային քաղաքակրթությունների հարաբերման և մշակութային համակցման յուրօրինակ խաչմերուկ. ՀՀ նախագահ (տեսանյութ) «Որակի հարցում զիջում չի լինելու». շինարարներին վստահեցրել է Քաղաքաշինության կոմիտեի նախագահ Եղիազար Վարդանյանը